მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ფინანსთა მინისტრმა დააჯილდოვა მებაჟე ოფიცრები, რომლებმაც დუბაი-თბილისის რეისზე დიდი ოდენობით "კოკაინი" აღმოაჩინეს
17:41 / 31-12-2018
ფინანსთა მინისტრმა ივანე მაჭავარიანმა შემოსავლების სამსახურის საბაჟო დეპარტამენტის ხუთ მებაჟე ოფიცერს მაღალი პროფესიონალიზმისა და განსაკუთრებული სირთულის დავალების შესრულებისთვის, მადლობის სიგელები გადასცა.
ფინანსთა სამინისტროს ინფორმაციით, მიმდინარე წლის 15 ოქტომბერს საბაჟო-გამშვები პუნქტის "თბილისის აეროპორტი" თანამშრომლებმა დუბაი-თბილისის რეისზე დიდი ოდენობით ნარკოტიკული ნივთიერება "კოკაინი" აღმოაჩინეს.
მათთან ერთად ფინანსთა მინისტრმა დამდეგი შობა-ახალი წელი მიულოცა ფინანსთა სამინისტროს შემოსავლების სამსახურის იმ მებაჟე ოფიცრებს, რომლებიც მთელი ქვეყნის მასშტაბით 24/7 რეჟიმში იცავენ ქვეყნის ეკონომიკურ საზღვრებს. ფინანსთა მინისტრმა ყველა მათგანს მადლობა გადაუხადა 2018 წელს გაწეული საქმიანობისათვის და ახალ, 2019 წელს წარმატებები უსურვა.
"მსურს, ფინანსთა სამინისტროს შემოსავლების სამსახურის თითოეულ თანამშრომელს მივულოცო დამდეგი შობა-ახალი წელი. განსაკუთრებით, მებაჟე ოფიცრებს, რადგან ისინი, პრაქტიკულად, 24-საათიან რეჟიმში მუშაობენ. სიმბოლურია, რომ ჩვენ მოვედით თბილისის საერთაშორისო აეროპორტში, სადაც წარმოუდგენლად დიდი დატვირთვაა. შარშანდელთან შედარებით, რეისების რაოდენობა 4 ათასით, ხოლო მგზავრების ოდენობა 700 ათასით არის გაზრდილი. დღეს ჩვენ შევარჩიეთ 5 თანამშრომელი, რომლებმაც განსაკუთრებით გამოიჩინეს თავი და დიდი ოდენობით ნარკოტიკი აღმოაჩინეს. თუმცა, რა თქმა უნდა, არ უნდა დაგვავიწყდეს სხვა თანამშრომლები, რომლებსაც ასევე ძალიან დიდი წვლილი შეაქვთ ჩვენი ქვეყნის ეკონომიკური საზღვრების უსაფრთხოების დაცვის საქმეში", - განაცხადა ფინანსთა მინისტრმა.
მისი თქმით, მომავალ წელს დაგეგმილია მნიშვნელოვანი რეფორმებისა და სიახლეების განხორციელება საბაჟოს მიმართულებით.
"მომავალ წელს, ჩვენ გვექნება ახალი საბაჟო კოდექსი, რომელიც სრულ თანხვედრაშია ევროპულ სტანდარტებთან. ამავდროულად, მიმდინარეობს საბაჟოს დიგიტალიზაციის ინტენსიური პროცესი. საქართველო იქნება ერთ-ერთი პირველი ქვეყანა რეგიონსა და მსოფლიოში, რომელსაც სრულფასოვანი ციფრული საბაჟო ექნება", - აღნიშნა ივანე მაჭავარიანმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
