წარ­მო­გიდ­გენთ სკან­და­ლურ სა­ზო­გა­დო­ებ­რივ ამ­ბებს, რომ­ლებ­საც 2018 წელს სო­ცი­ა­ლურ ქსე­ლებ­ში ყვე­ლა­ზე აქ­ტი­უ­რად გა­ნი­ხი­ლავ­დნენ. AMBEBI.GE-მ 4 ყვე­ლა­ზე რე­ზო­ნან­სუ­ლი თემა შე­არ­ჩია:

1) ჩვე­ნი ოთხე­უ­ლის სა­თა­ვე­ში "კა­ნა­ფის კონ­ტრო­ლის შე­სა­ხებ" კა­ნონპ­რო­ექ­ტი აღ­მოჩ­ნდა, რომ­ლის გან­ხილ­ვა­შიც სა­ზო­გა­დო­ე­ბის თით­ქმის ყვე­ლა ფენა ჩა­ერ­თო. კა­ნონპ­რო­ექ­ტის თა­ნახ­მად, კა­ნა­ფის მოყ­ვა­ნა-წარ­მო­ე­ბა და მის­გან მი­ღე­ბუ­ლი სა­მე­დი­ცი­ნო და კოს­მე­ტი­კუ­რი პრო­დუქ­ცი­ის ექ­სპორტზე გა­ტა­ნა ლე­გა­ლურ საქ­მი­ა­ნო­ბად ცხად­დე­ბო­და. ცნო­ბი­ლი იყო, რომ სა­კა­ნონ­მდებ­ლო ინი­ცი­ა­ტი­ვას მხარს უჭერ­და თვით ბი­ძი­ნა ივა­ნიშ­ვი­ლიც, რო­მელ­მაც ამის შე­სა­ხებ მოგ­ვი­ა­ნე­ბით თა­ვა­დაც ისა­უბ­რა.

მმარ­თვე­ლი გუნ­დის ლი­დე­რე­ბი ერ­თხმად გვარ­წმუ­ნებ­დნენ, რომ მა­რი­ხუ­ა­ნა გა­და­არ­ჩენ­და და ააყ­ვა­ვებ­და სა­ქარ­თვე­ლოს ეკო­ნო­მი­კას. მთავ­რო­ბის წევ­რე­ბი კა­ნა­ფის კულ­ტი­ვა­ცი­ი­სა და ექ­სპორტზე გა­ტა­ნის და­დე­ბით შე­დე­გებ­ზე სა­უბ­რი­სას მო­წი­ნა­ვე ქვეყ­ნე­ბის ეკო­მო­კი­კურ მა­გა­ლი­თებ­სა და მე­დი­ცი­ნის თა­ნა­მედ­რო­ვე მიღ­წე­ვებს იშ­ვე­ლი­ებ­დნენ.

ფი­ნანსთა მი­ნის­ტრი, ივა­ნე მა­ჭა­ვა­რი­ა­ნი "მო­მა­ვა­ლი 2-3 წლის გან­მავ­ლო­ბა­ში მი­ლი­არ­დი ლა­რის ექ­სპორტზე" სა­უბ­რობ­და, უმ­რავ­ლე­სო­ბის დე­პუ­ტატ­მა გუ­გუ­ლი მაღ­რა­ძემ კი მა­რი­ხუ­ა­ნა სოფ­ლის მე­ურ­ნე­ო­ბის კულ­ტუ­რად "მო­ნათ­ლა" და სი­მინდსა და ლო­ბი­ოს გა­უ­თა­ნაბ­რა.

თუმ­ცა სა­ზო­გა­დო­ე­ბამ, გან­სა­კუთ­რე­ბით კი ეკ­ლე­სი­ის წარ­მო­მად­გენ­ლებ­მა, სა­კა­ნონ­მდებ­ლო ინი­ცი­ა­ტი­ვის მიღ­მა ქვე­ყა­ნა­ში ნარ­კო­და­მო­კი­დე­ბულ­თა მომ­რავ­ლე­ბის საფრ­თხე და­ი­ნა­ხეს.

"კერ­ძო სექ­ტორ­ში არ უნდა გა­და­ვი­დეს ეს დარ­გი... რად გვინ­და ისე­თი ეკო­ნო­მი­კა, თუ დავ­კარ­გავთ შვი­ლებს", - გა­ნა­ცხა­და პატ­რი­არ­ქმა ილია მე­ო­რემ.

"ჩვე­ნი ქვე­ყა­ნა ამი­სათ­ვის მზად არ არის და არც იქ­ნე­ბა. ჩვე­ნი მო­სახ­ლე­ო­ბა ამას არ და­უშ­ვებს... სა­ხელ­მწი­ფო­ზე რომ ფიქ­რობ­დნენ, სხვა რა­მეს მო­ი­ფიქ­რებ­დნენ... ეს ინი­ცი­ა­ტი­ვა ერის­თვის სა­მარ­ცხვი­ნოა... კა­ნა­ფის დამ­ზა­დე­ბის ნე­ბარ­თვა, ფაქ­ტობ­რი­ვად, ნარ­კო­ვაჭ­რო­ბის ლე­გა­ლი­ზე­ბაა, რაც ქვე­ყა­ნას უმ­ძი­მეს შე­დე­გებს მო­უ­ტანს", - ამ­ბობ­დნენ სა­სუ­ლი­ე­რო პი­რე­ბი.

სა­სუ­ლი­ე­რო პი­რე­ბი მრევ­ლთან ერ­თად აწყობ­დნენ აქ­ცი­ებს და შეხ­ვედ­რებს მარ­თავ­დნენ ტაძ­რებ­ში. სა­ბო­ლო­ოდ, სა­ზო­გა­დო­ე­ბის აქ­ტი­ურ­მა პრო­ტეს­ტმა შე­დე­გი გა­მო­ი­ღო. 2 ნო­ემ­ბერს სა­ქარ­თვე­ლოს სა­პატ­რი­არ­ქო­ში ილია მე­ო­რეს, ირაკ­ლი კო­ბა­ხი­ძე­სა და გი­ორ­გი გა­ხა­რი­ას შო­რის გა­მარ­თუ­ლი შეხ­ვედ­რის შემ­დეგ მთავ­რო­ბამ "კა­ნა­ფის კონ­ტრო­ლის შე­სა­ხებ" კა­ნონპ­რო­ექ­ტის პარ­ლა­მენ­ტი­დან გაწ­ვე­ვა გა­და­წყვი­ტა.

აღ­სა­ნიშ­ნა­ვია, რომ საპ­რე­ზი­დენ­ტო არ­ჩევ­ნე­ბის მე­ო­რე ტუ­რის სა­ჭი­რო­ე­ბის ერთ-ერთ მი­ზე­ზად ოპო­ზი­ცია სწო­რედ აღ­ნიშ­ნულ კა­ნონპ­რო­ექტს ასა­ხე­ლებ­და.

2) არ­ჩევ­ნე­ბი ვახ­სე­ნეთ და უნდა აღი­ნიშ­ნოს, რომ სკან­და­ლე­ბი­სა და ხმა­უ­რის გა­რე­შე არ ჩა­უვ­ლია სა­ქარ­თვე­ლოს რი­გით მე­ხუ­თე პრე­ზი­დენ­ტის არ­ჩევ­ნებს. პი­ა­რის სპე­ცი­ა­ლის­ტე­ბი თუ არა­სამ­თავ­რო­ბო ორ­გა­ნი­ზა­ცი­ე­ბის წარ­მო­მად­გნ­ლე­ბი ერ­თხმად აღ­ნიშ­ნავ­დნენ, რომ კან­დი­დატ­თა სა­არ­ჩევ­ნო კამ­პა­ნია გა­მორ­ჩე­უ­ლი იყო სი­ძულ­ვი­ლის ენი­თა და ოპო­ნენ­ტთა ნე­გა­ტი­უ­რი კუ­თხით წარ­მო­ჩე­ნის მცდე­ლო­ბე­ბით. ოპო­ნენ­ტებ­მა მმარ­თვე­ლი პარ­ტი­ის საპ­რე­ზი­დენ­ტო კან­დი­და­ტის, სა­ლო­მე ზუ­რა­ბიშ­ვი­ლის უარ­ყო­ფი­თი კუ­თხით წარ­მო­სა­ჩე­ნად გა­მო­ი­ყე­ნეს მი­სი­ვე სა­არ­ჩევ­ნო ბა­ნე­რე­ბი, რომ­ლებ­ზეც მმარ­თვე­ლი პარ­ტი­ის სხვა ლი­დე­რე­ბი იყ­ვნენ გა­მო­სა­ხულ­ნი და რომ­ლე­ბიც სო­ცი­ა­ლურ ქსე­ლებ­ში სა­ყო­ველ­თაო ქი­ლი­კი­სა და სარ­კას­ტუ­ლი ფო­ტო­შარ­ჟე­ბის თე­მად იქცა.

"რა­საც ამ ქალს უკე­თე­ბენ, მარ­თლა არ ვიცი რა ქვია ამას. სა­ერ­თოდ ოდ­ნა­ვი თავ­მოყ­ვა­რე­ო­ბა არ აქვს? ბილ­ბორ­დე­ბი­და­ნაც ჩა­მოხ­სნეს უკვე და ეს მელე­ხი გა­აკ­რეს. არ­ჩევ­ნე­ბია თუ კა­ვე­ე­ნი?!"

"წინა ტურ­ში უფრო სიმ­პა­თი­უ­რად გა­მო­ი­ყუ­რე­ბო­და..."

"პირ­ველ ტურ­ში სა­ლო­მეს ნი­ღა­ბი ეკე­თა, ეხლა მო­იხ­სნა"

"ბა­ტო­ნო სა­ლო­მე, გვეშ­ვე­ლე­ბა რამე?", - წერ­დნენ სო­ცი­ა­ლურ ქსე­ლებ­ში.

ბა­ნე­რებ­ზე პარ­ტი­ის ლი­დე­რე­ბის გა­მო­ჩე­ნა მე­ო­რე ტუ­რის­თვის გა­ნახ­ლე­ბუ­ლი სტრა­ტე­გი­ით ახ­სნა ირაკ­ლი კო­ბა­ხი­ძემ, ხოლო პრე­მი­ერ­მა მა­მუ­კა ბახ­ტა­ძემ გან­მარ­ტა, რომ სა­არ­ჩევ­ნო კამ­პა­ნი­ა­ში გუნ­დის ლი­დერ­თა მო­ნა­წი­ლე­ო­ბა ჩვე­უ­ლებ­რი­ვი ამ­ბა­ვია, რად­გან და­მო­უ­კი­დე­ბელ კან­დი­დატს მთე­ლი მმარ­თვე­ლი გუნ­დი უცხა­დებ­და მხარ­და­ჭე­რას.

გა­ნახ­ლე­ბუ­ლი ბა­ნე­რე­ბის იდე­ის ავ­ტო­რი პი­ა­რის ებ­რა­ე­ლი სპე­ცი­ა­ლის­ტი, მოშე კლუ­გ­ჰაფ­ტი აღ­მოჩ­ნდა, რო­მელ­საც ექს-პრე­ზი­დენ­ტმა მი­ხე­ილ სა­ა­კაშ­ვილ­მა "ება­ე­ლი აფე­რის­ტი" უწო­და და ან­ტი­სე­მი­ტურ სკან­დალ­შიც გა­ეხ­ვა.

„ჩვენ ჩა­მო­ვე­დით მე­ო­რე ტუ­რის­თვის და გა­დავ­წყვი­ტეთ, გაგ­ვე­კე­თე­ბი­ნა აქ­ცენ­ტი არა მხო­ლოდ კან­დი­დატ­ზე, არა­მედ ძა­ლა­ზე, რო­მე­ლიც კან­დი­და­ტე­ბის უკან იდ­გნენ და მხარს უჭერ­დნენ მას. ეს იყო „ქარ­თუ­ლი ოც­ნე­ბი­სა“ და „ნა­ცი­ო­ნა­ლუ­რი მოძ­რა­ო­ბის“ და­პი­რის­პი­რე­ბა... ძა­ლი­ან მნიშ­ვნე­ლო­ვა­ნი იყო, მიგ­ვე­ტა­ნა გზავ­ნი­ლი მო­სახ­ლე­ო­ბამ­დე - არ­ჩე­ვანს აკე­თებთ არა მხო­ლოდ ორ კან­დი­დატს, არა­მედ ორ იდე­ო­ლო­გი­ას და მმარ­თვე­ლო­ბის ორ წესს შო­რის,“ - გან­მარ­ტა პი­არ­ტექ­ნო­ლოგ­მა.

3) 2018 წელს ქარ­თუ­ლი სო­ცი­ა­ლუ­რი ქსე­ლე­ბის ერთ-ერთ ყვე­ლა­ზე სკან­და­ლურ თე­მად იქცა ბი­ძი­ნა ივა­ნიშ­ვი­ლის ვა­ჟის, ბერა ივა­ნიშ­ვი­ლის ქორ­წი­ლი, რო­მე­ლიც წლის ყვე­ლა­ზე ძვი­რა­დღი­რე­ბუ­ლი ქორ­წი­ლე­ბის სი­ა­შიც მოხ­ვდა.

ბერა ივა­ნიშ­ვილს წლე­ბის მან­ძილ­ზე აწყვი­ლებ­დნენ სხვა­დას­ხვა გო­გო­ნას­თან, თუმ­ცა საბო­ლო­ოდ ისეთ გო­გო­ნა­ზე იქორ­წი­ნა, რომ­ლის შე­სა­ხე­ბაც მა­ნამ­დე წარ­მოდ­გე­ნაც არ გვქონ­და. ბე­რას რჩე­უ­ლი, უმ­შვე­ნი­ე­რე­სი მო­დე­ლი ნა­ნუ­კა გუ­და­ვა­ძე აღ­მოჩ­ნდა, რო­მე­ლიც ბი­ძი­ნა ივა­ნიშ­ვი­ლის მე­გობ­რის ქა­ლიშ­ვი­ლია.

წყვი­ლის ლავ-სთო­რი რამ­დე­ნი­მე თვე გრძელ­დე­ბო­და. "და რაც აქამ­დე იყო ჩემი და შენი, დღეს გახ­და ჩვე­ნი" - ამ სი­ტყვე­ბით წა­რუდ­გი­ნა "ფე­ის­ბუ­ქის" პი­რად გვერ­დზე ბე­რამ სა­ცო­ლე სა­ზო­გა­დო­ე­ბას სექ­ტემ­ბრის შუა რი­ცხვებ­ში, ნიშ­ნო­ბის შემ­დეგ.

ჯვრის­წე­რის წინ წყვი­ლი პატ­რი­არ­ქმა და­ლო­ცა. ნა­ნუ­კამ და ბე­რამ ჯვა­რი 11 ნო­ემ­ბერს სვე­ტი­ცხო­ველ­ში და­ი­წე­რეს. სა­ზო­გა­დო­ე­ბა აქ­ტი­უ­რად გა­ნი­ხი­ლავ­და ქორ­წი­ლის ყვე­ლა დე­ტალს, მორ­თუ­ლო­ბი­თა და სტუმ­რე­ბით და­წყე­ბუ­ლი, ნეფე-დე­დოფ­ლის ჩაც­მუ­ლო­ბით დამ­თავ­რე­ბუ­ლი.

სვე­ტი­ცხო­ველ­ში ნა­ნუ­კას თეთ­რი კაბა ეცვა, ტრა­დი­ცი­უ­ლი ქარ­თუ­ლი ელე­მენ­ტე­ბით, ბე­რას კი - ასე­ვე თეთ­რი ფე­რის ჩოხა.

წვე­უ­ლე­ბა­ზე 150 ადა­მი­ა­ნი იყო და­პა­ტი­ჟე­ბუ­ლი, მათ შო­რის პო­ლი­ტი­კოს­თა­გან კახი კა­ლა­ძე და ირაკ­ლი ღა­რი­ბაშ­ვი­ლი. ქორ­წილს აფორ­მებ­და ან­სამ­ბლი "ერი­სი­ო­ნი" და ფრან­გი და ბრა­ზი­ლი­ე­ლი მუ­სი­კო­სე­ბი. მიწ­ვე­ულ­თა შო­რის არ აღ­მოჩ­ნდა ბერა ივა­ნიშ­ვი­ლის ნათ­ლია, მომ­ღე­რა­ლი თამ­რი­კო ჭო­ხო­ნე­ლი­ძე.

ჯვრის­წე­რის შემ­დეგ ქორ­წი­ლი კო­ჯორ­თან მდე­ბა­რე კომ­პლექსში Bioli Hall-ში გა­ი­მარ­თა. ქორ­წი­ლის­თვის მთლი­ა­ნი კომ­პლექ­სი უამ­რა­ვი ყვა­ვი­ლით იყო მორ­თუ­ლი. რეს­ტო­რან­ში ნა­ნუ­კა გუ­და­ვა­ძეს რალფ რუ­სოს 2017 წლის კო­ლექ­ცი­ის ულა­მა­ზე­სი ცის­ფე­რი კაბა ეცვა, რო­მე­ლიც 42 ათა­სი დო­ლა­რი ღირს.

ტაძ­რის ტე­რი­ტო­რი­ა­ზე უსაფრ­თხო­ე­ბის ზო­მე­ბი მაქ­სი­მა­ლუ­რად იყო გამ­კაც­რე­ბუ­ლი. სო­ცი­ა­ლურ ქსე­ლებ­ში გავ­რცელ­და ინ­ფორ­მა­ცია, რომ ბე­რას ქორ­წი­ლის გამო სვე­ტი­ცხოვ­ლის ტა­ძა­რი და­ი­კე­ტა და იქ მომ­ლოც­ვე­ლებს არ უშ­ვებ­დნენ.

ამ­ბავს სო­ცი­ა­ლურ ქსელ­ში სკან­და­ლუ­რი პოს­ტი მი­უ­ძღვნა ექს-პრე­ზი­დენ­ტმა მი­ხე­ილ სა­ა­კაშ­ვილ­მა: "წარ­მო­იდ­გი­ნეთ რომ ედუ­ჩას ქორ­წი­ლის­თვის დაგ­ვე­ხუ­რა სვე­ტი­ცხო­ვე­ლი, იქი­დან კვი­რა დღეს მრევ­ლი გაგ­ვე­ყა­რა და სკა­მე­ბი დაგ­ვედ­გა, რო­გორც პრო­ვინ­ცი­უ­ლი რი­ტუ­ა­ლე­ბის დარ­ბაზ­ში, რა ამ­ბე­ბი და­ი­წყე­ბო­და ჩვენს ქვე­ყა­ნა­ში...რაც მოხ­და, არის ყვე­ლა ტრა­დი­ცი­ის დარ­ღვე­ვა და სა­ზო­გა­დო­ე­ბის სრუ­ლი უპა­ტივ­ცემ­ლო­ბა", - წერ­და სა­ა­კაშ­ვი­ლი.

თუმ­ცა გავ­რცე­ლე­ბულ ინ­ფორ­მა­ცი­ას სრუ­ლი სიც­რუე უწო­და სვე­ტი­ცხოვ­ლის მღვდელმსა­ხურ­მა, მამა პეტ­რე კვა­რა­ცხე­ლი­ამ. ხალ­ხს გა­და­ად­გი­ლე­ბას რომ ხელი არ შეშ­ლია და არც სვე­ტი­ცხო­ვე­ლი ყო­ფი­ლა და­კე­ტი­ლი, ეს და­ა­დას­ტუ­რა ასე­ვე ბე­რას მე­გო­ბარ­მა თემო მჟა­ვი­ა­მაც, რო­მე­ლიც ქორ­წილ­ში იმ­ყო­ფე­ბო­და.

სკან­და­ლუ­რი ბრალ­დე­ბე­ბის სა­პა­სუ­ხოდ პოს­ტი და­წე­რა ბერა ივა­ნიშ­ვილ­მაც: "ეკ­ლე­სი­ი­დან არც არა­ვინ გა­მო­უ­ძე­ვე­ბი­ათ და არც არა­ვის­თვის ლოც­ვა არ აუკ­რძა­ლავთ. ეს უბ­რა­ლოდ უტი­ფა­რი ტყუ­ი­ლია, რო­მე­ლიც მის გა­მავ­რცე­ლე­ბელ­თა სინ­დი­სის­თვის მი­მინ­დვია", - და­წე­რა ბე­რამ და ხარ­ჯებ­თან და­კავ­ში­რე­ბით კრი­ტი­კის პა­სუ­ხად აღ­ნიშ­ნა, რომ მის ქორ­წილ­ში ყვე­ლა­ფე­რი ზო­მი­ე­რე­ბის ფარ­გლებ­ში იყო, ხოლო მისი ოჯა­ხის ფი­ნან­სუ­რი მდგო­მა­რე­ო­ბა არაფ­რით უკავ­შირ­დე­ბა ქვეყ­ნის ბი­უ­ჯეტს.

სა­ა­კაშ­ვილ­მა სკან­და­ლუ­რი გა­მოხ­მა­უ­რე­ბის გა­რე­შე არც ბე­რას ეს პოს­ტი და­ტო­ვა: "თუ გინ­და გა­ი­გო რო­გო­რია ზო­მი­ე­რი ცხოვ­რე­ბა, გა­გაც­ნობ ჩემ შვილს, რო­მე­ლიც შენი თა­ნა­ტო­ლია და შე­გიძ­ლია ერთი კვი­რით ეს­ტუმ­რო მას ოთახ­ნა­ხევ­რი­ან ნა­ქი­რა­ვებ ბი­ნა­ში", - და­წე­რა სა­ა­კაშ­ვილ­მა და ბე­რას შე­ახ­სე­ნა, რომ "იმ ქვე­ყა­ნა­ში, სა­დაც 150 ათა­სი ბავ­შვი ყო­ველ­დღე შიმ­ში­ლობს, მისი ოჯა­ხის­თვის ზო­მი­ე­რე­ბა, 450 მი­ლი­ონ დო­ლა­რად შე­ფა­სე­ბულ სა­სახ­ლე­ში ყოფ­ნაა, სა­დაც მათ 4 ვეტმფრე­ნი და თვითმფრი­ნა­ვი ემ­სა­ხუ­რე­ბა".

4) წლე­ვან­დე­ლი ხმა­უ­რი­ა­ნი და სკან­და­ლუ­რი ამ­ბე­ბის ხუ­თე­უ­ლი წარ­მო­უდ­გე­ნე­ლი იქ­ნე­ბო­და ღა­მის კლუბ "ბა­სი­ან­სა" და კაფე "გა­ლე­რი­ში" ჩა­ტა­რე­ბუ­ლი სპე­ცო­პე­რა­ცი­ის გა­რე­შე, რო­მე­ლიც "ოც­ნე­ბის" ხე­ლი­სუფ­ლე­ბის ერთ-ერთ ყვე­ლა­ზე მას­შტა­ბურ სპე­ცო­პე­რა­ცი­ად იქცა.

12 მა­ი­სის ღა­მეს "ბა­სი­ან­სა" და "გა­ლე­რი­ში" შსს-ს ინ­ფორ­მა­ცი­ით, სა­მარ­თალ­დამ­ცა­ვებ­მა ნარ­კო­ტი­კე­ბის 8 გამ­სა­ღე­ბე­ლი და­ა­კა­ვეს. თუმ­ცა რო­გორც გა­ირ­კვა, ბრალ­დე­ბუ­ლე­ბი პო­ლი­ცი­ამ სპე­ცო­პე­რა­ცი­ამ­დე აიყ­ვა­ნა. შსს-მ სპე­ცო­პე­რა­ცი­ის ჩა­ტა­რე­ბა ე.წ. კლუ­ბუ­რი ნარ­კო­ტი­კე­ბით ახალ­გაზ­რდა ადა­მი­ა­ნე­ბის გარ­დაც­ვა­ლე­ბის გახ­ში­რე­ბუ­ლი ფაქ­ტე­ბით ახ­სნა. სა­სიკ­ვდი­ლო ნარ­კო­ტი­კე­ბის რე­ა­ლი­ზა­ცია, მათი თქმით, ამ კლუ­ბებ­შიც ხდე­ბო­და.

სპე­ცო­პე­რა­ცია იმა­ვე ღა­მეს "ბა­სი­ა­ნის" მიმ­დე­ბა­რე ტე­რი­ტო­რი­ა­ზე გა­აპ­რო­ტეს­ტეს, რო­გორც კლუ­ბებ­ში მყოფ­მა პი­რებ­მა, ასე­ვე უამ­რავ­მა რი­გით­მა მო­ქა­ლა­ქემ, რო­მელ­თაც მოგ­ვი­ა­ნე­ბით პარ­ლა­მენ­ტის შე­ნო­ბის წინ გა­და­ი­ნაც­ვლეს, რად­გან პო­ლი­ცი­ამ მათ აღ­ნიშ­ნულ ტე­რი­ტო­რი­ა­ზე მშვი­დო­ბი­ა­ნი აქ­ცი­ის გა­მარ­თვის სა­შუ­ა­ლე­ბა არ მის­ცა. ხმა­უ­რი­ა­ნი აღ­მოჩ­ნდა აქ­ცია პარ­ლა­მენ­ტთა­ნაც. 12 მა­ი­სის ღა­მეს პო­ლი­ცი­ა­სა და საპ­რო­ტეს­ტო აქ­ცი­ის მო­ნა­წი­ლე­ებს შო­რის მომ­ხდა­რი ინ­ცი­დენ­ტე­ბის შე­დე­გად, 60-მდე ადა­მი­ა­ნი და­ა­კა­ვეს. პარ­ლა­მენ­ტთან აქ­ცი­ას ორ­გა­ნი­ზე­ბას უწევ­დნენ "თეთ­რი ხმა­უ­რის" მოძ­რა­ო­ბა და პარ­ტია "გირ­ჩი". იმ ღა­მეს და­ა­კა­ვეს "ბა­სი­ა­ნის" დამ­ფუძ­ნე­ბლე­ბი ზვი­ად გელ­ბა­ხი­ა­ნი და ტატო გე­თია, ასე­ვე "თეთ­რი ხმა­უ­რის" მოძ­რა­ო­ბის წარ­მო­მად­გე­ნე­ლი ბექა წი­ქა­რიშ­ვი­ლი, თუმ­ცა და­კა­ვე­ბუ­ლე­ბი მა­ლე­ვე გა­ა­თა­ვი­სუფ­ლეს. მოგ­ვი­ა­ნე­ბით პო­ლი­ცი­ამ კლუბ­ში მყოფ­თა და აქ­ცი­ის მო­ნა­წი­ლე­თა მი­მართ უკა­ნო­ნო ქმე­დე­ბე­ბი და ძა­ლის გა­და­მე­ტე­ბის ფაქ­ტე­ბი უარ­ყო.

სპე­ცო­პე­რა­ცი­ა­სა და საპ­რო­ტეს­ტო აქ­ცი­ას დიდი რე­ზო­ნან­სი მოჰ­ყვა სო­ცი­ა­ლურ ქსე­ლებ­ში.

"დიდი იმე­დი მაქვს, რომ ეს გუ­შინ­დე­ლი წი­ო­კი უცხო­ე­ლი სტუმ­რე­ბის მიერ არა­ორ­დი­ნა­რულ თავ­გა­და­სავ­ლად იქ­ნე­ბა აღ­ქმუ­ლი და არა საფრ­თხედ და უსი­ა­მოვ­ნე­ბად, რო­მე­ლიც მათ გა­ნი­ზი­დავს ჩვე­ნი ქა­ლა­ქის­გან. ნარ­კო­ტი­კის გამ­სა­ღებ­ლებს სა­ხელ­მწი­ფო უნდა ებ­რძო­დეს, მაგ­რამ არა ასე­თი ფორ­მით, არა კლუ­ბე­ბის კულ­ტუ­რის მოს­პო­ბით... ნუ მო­ახ­დენთ კლუ­ბე­ბის დე­მო­ნი­ზე­ბას, ნარ­კო­და­ნა­შა­უ­ლი ბევ­რად ფარ­თო ას­პა­რეზ­ზე და ბევ­რად მას­შტა­ბუ­რა­დაა საბ­რძოლ­ვე­ლი. სი­ყალ­ბეა, ექ­სკლუ­ზი­უ­რად კლუ­ბებს მი­ე­წე­როს ამ პრობ­ლე­მის ბო­ლოდ­რო­ინ­დე­ლი ასე­თი აფეთ­ქე­ბა და ილუ­ზია შე­იქ­მნას, რომ ამ კლუ­ბე­ბის დარ­ბე­ვის გზით მოგ­ვარ­დე­ბა პრობ­ლე­მა", - წერ­და ფსი­ქო­ლო­გი ნა­თია ფან­ჯი­კი­ძე.

რუს­თა­ველ­ზე აქ­ცია 12 მა­ი­სის ღა­მეს არ დას­რუ­ლე­ბუ­ლა და ის კი­დევ რამ­დე­ნი­მე დღეს ასე­ვე ხმა­უ­რი­ა­ნად გაგ­რძელ­და. აქ­ცი­ა­ზე შეკ­რე­ბი­ლი ადა­მი­ა­ნე­ბი თავ­და­პირ­ვე­ლად პრო­ტესტს მუ­სი­კი­თა და ცეკ­ვით გა­მო­ხა­ტავ­დნენ. თუმ­ცა მოგ­ვი­ა­ნე­ბით აქ­ცი­ის ორ­გა­ნი­ზა­ტორ­თა მხრი­დან პო­ლი­ტი­კუ­რი მე­სი­ჯე­ბი გა­ის­მა. ისი­ნი ქვეყ­ნის უმაღ­ლე­სი თა­ნამ­დე­ბო­ბის პი­რე­ბის, მათ შო­რის იმ­დრო­ინ­დელ პრე­მი­ერ გი­ორ­გი კვი­რი­კაშ­ვი­ლი­სა და შს მი­ნის­ტრ გი­ორ­გი გა­ხა­რი­ას გა­დად­გო­მას, სპე­ცო­პე­რა­ცი­ა­ზე პა­სუ­ხის­მგე­ბე­ლი პი­რე­ბის დას­ჯას და ნარ­კო­პო­ლი­ტი­კის შეც­ვლას მო­ი­თხოვ­დნენ. რუს­თა­ვე­ლის გამ­ზირ­ზე მალე "ქარ­თუ­ლი მარ­შის" მიერ მარ­თუ­ლი კონ­ტრაქ­ცი­ის წარ­მო­მად­გენ­ლე­ბი გა­მოჩ­ნდნენ, რომ­ლე­ბიც "თეთ­რი ხმა­უ­რის" მო­ძა­რო­ბის აქ­ცი­ას აპ­რო­ტეს­ტებ­დნენ. ორ აქ­ცი­ას და­პი­რის­პი­რე­ბის­გან პო­ლი­ცია იცავ­და.

14 მა­ისს შედ­გა შეხ­ვედ­რა, რო­მელ­საც "თეთ­რი ხმა­უ­რის" მოძ­რა­ო­ბის ლი­დე­რე­ბი, უფ­ლე­ბა­დამ­ცვე­ლე­ბი, კლუ­ბე­ბის წარ­მო­მად­გენ­ლე­ბი, გი­ორ­გი გა­ხა­რია და სხვე­ბი ეს­წრე­ბოდ­ნენ. მხა­რე­ებს შო­რის შე­თან­ხმე­ბა შედ­გა და, მო­სა­ლოდ­ნე­ლი ეს­კა­ლა­ცი­ის თა­ვი­დან აცი­ლე­ბის მიზ­ნით, აქ­ცია შე­წყდა. გი­ორ­გი გა­ხა­რია მო­ლა­პა­რა­კე­ბე­ბის შემ­დეგ აქ­ცი­ა­ზე გა­ვი­და და იქ შეკ­რე­ბი­ლებს მი­მარ­თა. შს მი­ნის­ტრმა აქ­ცი­ის მო­ნა­წი­ლე­ებ­თან გა­მოს­ვლა ბო­დი­შით და­ი­წყო.

კლუ­ბებ­მა "გა­ლე­რიმ" და "ბა­სი­ან­მა" მუ­შა­ო­ბა 22 და 23 მა­ისს გა­ნა­ახ­ლეს.