მნიშვნელოვანი ინფორმაცია
14
მარტიდღის ზოგადი ასტროლოგიური პროგნოზი
პარასკევი, მთვარის მეთექვსმეტე დღე დაიწყება 19:51-ზე, მთვარე სასწორს ესტუმრება 22:58-ზე
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თუ გავიმარჯვე, "ევროვიზიაზე" მოსაგებად არ წავალ - რატომ მონაწილეობს "საქართველოს ვარსკვლავში" ოთო ნემსაძე და რაზე უთხრა უარი რუსკა მაყაშვილმა "იმედს"
13:45 / 30-12-2018
5 იანვრიდან "საზოგადოებრივი მაუწყებლის" ეთერით, მეგაშოუ "საქართველოს ვარსკვლავი" იწყება. კონკურსის გამარჯვებულს ხალხი გამოავლენს, რომელიც "ევროვიზიის" კონკურსზე უნდა გაემგზავროს. მეგაშოუში ბევრი უცნობი, ნიჭიერი მუსიკოსი მონაწილეობს და ასევე, ცნობილებიც. "საქართველოს ვარსკვლავში" საკუთარ ძალებს მომღერალი ოთო ნემსაძეც მოსინჯავს, თუ რატომ და რა მიზნები აქვს მას, ამაზე თავად გვეტყვის.
ოთო ნემსაძე:
- ჩემთვის ეს კონკურსი არის გამოწვევა, "ვროვიზია" კი მიზანი. ეს რომ არ ყოფილიყო, სხვანაირად არც ერთ კონკურსში არ მივიდოდი საქართველოში, თან, მინდა, რომ ეს ყველაფერი ძალიან გამჭვირვალე იყოს და თუ "ევროვიზიაზე" წავა ხალხის რჩეული, ორმაგად სასიამოვნო იქნება. საერთოდ, როცა კონკურსში მივდივარ, რიგითი კონკურსანტი ვარ ხოლმე და ახლაც ასეა... რადგან მიწევს დამწყებ კონკურსანტებთან პროექტში ყოფნა. კარგი იქნება, თუ მათ დიდი სცენისკენ გზის გაკვალვაში დავეხმარები, ჩემს გამოცდილებას გავუზიარებ, გამიხარდება და თუ საქართველოს სახელს წარვადგენ "ევროვიზიაზეც", ამას რა სჯობია? ამიტომ ვამბობ, რომ მიზანი არის ამ კონკურსში მონაწილეობა - "ევროვიზიაზე" წასვლა. ამასთან, ამ ყველაფერთან, მინდა, საკუთარ თავს დავუმტკიცო, რომ ყველაფერი დამსახურებულად იქნება მოპოვებული.
- "ევროვიზიაზე" ქართველებს არც ისე კარგი პოზიციები გვაქვს ხოლმე. იქ წარმატებას ვერავინ აღწევს. რატომ გინდა იქ გამგზავრება?
- მიმაჩნია, რომ "ევროვიზია"კარგი პლაცდარმია, გავიდეთ უფრო ფართო მასშტაბებზე, მაგრამ რა წამსაც ვიფიქრებთ იმას, რომ კონკურსი მოსაგებია, მაშინვე და უფრო და უფრო უკანა პოზიციებს დავიკავებთ. მიმაჩნია, რომ იმაზე გათვლა არ არის საჭირო, სპეციალურად ეს მუსიკა უნდა წავიღოთ, თუ ის, ვიღაცას რაღაც ვაჩვენოთ. ჩემი აზრით, ყველა კონკურსი ასეთია, - რომ მიხვალ, შენი თავი უნდა აჩვენო, რაც ხარ და დანარჩენს მსოფლიოს ნახევარზე მეტი მოსახლეობა გადაწყვეტს. ამიტომ, ჩემთვის "საქართველოს ვარსკვლავი" ახალი გამოწვევაა, რადგანაც რამდენჯერმე ჩემი მუსიკით ამ ქვეყნის ფარგლებს გარეთ გასვლა ვცადე, ყოველთვის რაღაც პატარა შემაფერხებელი მიზეზის გამო ვერ მოვახერხე ამა თუ იმ ქვეყანაში ფეხის მოკიდება.
თუ ისე მოხდა, რომ საქართველოს სახელს"ევროვიზიაზე" მე წარვადგენ, მერწმუნეთ, მარტივად არავის არაფერს დავუთმობ! მაგრამ იმას არ ვამბობ, რომ იქ მოსაგებად მივდივარ. თუ წავალ, მხოლოდ საქართველოს სახელის მკაფიოდ წარმოსაჩენად.
- და იმისთვისაც ალბათ, რომ მსოფლიოს მასშტაბით, ახალი სარკმელი გაიჭრას, რომლითაც ბოლოს და ბოლოს შეიძლება მსოფლიოში გახვიდე.
- ეს არის ჩემთვის მთავარი! ეს არის ის, რითაც საშუალება მეძლევა, საქართველოს სახელით დიდი კონცერტები გავმართო და იქაც საქართველოს სახელით გამოვიდე. ასე რომ, წინ გადასადგმელი ნაბიჯებისთვის პრობლემა არ მაქვს, უკან რამდენიმე ნაბიჯი გადავდგა.
რუსკა მაყაშვილი, კონკურსის წამყვანი:
- ძალიან საინტერესო და ძალიან მასშტაბური მუსიკალური პროექტი გველის. როგორც ვიცით, "საქართველოს ვარსკვლავი" პირდაპირ მიერთებულია "ევროვიზიაზე" და ნამდვილად დიდი მასშტაბია. გამარჯვებულს მაყურებელი ირჩევს და ავლენს, რაშიც მთელი საქართველო იქნება ჩართული, ყველაფერი იქნება გამჭვირვალე. ტელემაყურებლის მიერ გამოვლენილი გამარჯვებული კი პირდაპირ "ევროვიზიაზე" გაემგზავრება. ამიტომ ჩვენი კონკურსი ამ ადამიანისთვის სამომავლოდ დიდი ტრამპლინია. ყველამ ვიცით, რომ საქართველოში დიდი მუსიკალური პროექტები არსებობს, მაგრამ დასრულების შემდეგ, სამწუხაროდ, კონკურსანტები ისე რჩებიან, რომ დიდ ასპარეზზე ვერ გადიან. ამიტომ "საქართველოს ვარსკვლავი" საპასუხისმგებლოც არის და უდიდესი როლი აქვს.
- ვანიკო თარხნიშვილთან ერთად ამ ახალი მეგაშოუს წაყვანა მოგიწევს. როგორი იქნება თქვენი როლი შოუში?
- მე და ვანიკო შევეცდებით, წელსაც გულახდილი და გულწრფელი წამყვანები ვიყოთ, წელსაც იქნება ჩვენი კულისების კადრები, რაც ყველაზე სახალისოა ხოლმე. შემდეგ კი უკვე ლაივებზე კარგად და ხარისხიანად წავიყვანოთ კონცერტები, როგორც "საქართველოს ვარსკვლავს", მისი მასშტაბებიდან გამომდინარე, ეკადრება. თან, ვანიკოსთან პარტნიორობა საოცარი რამ არის, მე და ვანიკო გარდა იმისა, რომ პარტნიორები ვართ, მეგობრებიც ვართ, მანამდე ფილმებშიც გვაქვს ერთად ნათამაშები. კინოში პარტნიორობა სხვა რამ არის, ტელევზია სხვაა და აქვე მეგაშოუს ერთად წაყვანა. მოკლედ, ძალიან გამიმართლა, რომ ვანიკო ჩემ გვერდით არის, ძალიან გამოცდილი წამყვანია და საიმედო ადამიანია. ძალიან უხერხულია, როდესაც სცენაზე წამყვანი თავის გამოჩენას ცდილობს, ეს ტელეეკრანიდან ცუდად ჩანს. რაც უნდა პროფესიონალი იყო, ამ შემთხვევაში, მე და ვანიკო ამას, რა თქმა უნდა, არ ვაკეთებთ, ეს არცერთ ჩვენგანში ზის. ვფიქრობთ ერთმანეთზე, შემდეგ უკვე საკუთარ თავზე. შეიძლება ხმამაღალი ნათქვამია, მაგრამ, - ამიტომ შედგა ჩვენი პარტნიორობა ტელეეკრანზე. ჩანს, რომ ერთმანეთს პატივს ვცემთ და ვცდილობთ, დავაბალანსოთ სიტუაცია, თუნდაც არ ვილაპარაკოთ ერთად, ვაცალოთ, ერთმანეთს დავეყრდნოთ, ეს მნიშვნელოვანია და ასე შეხმატკბილებულები ვართ.
- "ცეკვავენ ვარსკვლავებიდან" შემოთავაზება მიიღე, რომ ერთ-ერთ შოუზე, გასულიყავი და გეცეკვა, შენ ხომ ამ პროექტის ერთ-ერთი სეზონის გამარჯვებული ხარ, მაგრამ უარი უთხარი. რატომ?
- ახლა სხვა ტელევიზიის თანამშრომელი ვარ და სხვაგან მაქვს თანამშრომლობაზე ხელი მოწერილი. არ არის საჭირო, რაღაცებში ავირიო, მიუხედავად იმისა, რომ "ცეკვავენ ვარსკვლავების" გამარჯვებული ვარ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
