22
მაისიდღის ზოგადი ასტროლოგიური პროგნოზი
26 დეკემბერს „ბილთმორ თბილისში“ წარმატებული კომპანიების დაჯილდოვების გრანდიოზული ცერემონიალი „ქართული ბრენდის დღე 2018“ გაიმართა. საზოგადოებასთან ურთიერთობის სააგენტო "პროფილის" ორგანიზებული ღონისძიება ტრადიციად იქცა და წელს მეთექვსმეტედ ჩატარდა.
ყოველ წელს ღონისძიებაში მონაწილეობას იღებს უამრავი ქართული კომპანია, რომლებიც სხვადასხვა ნომინაციებში ჯილდოვდებიან. წლის ლიდერი კომპანია, ნდობა და რეპუტაცია, წარმატებული ახალი ბრენდი, წარმატებული ტელე-პროექტი, წარმატებული მუსიკალური პროექტი, წარმატებული საერთაშორისო პროექტი და ბრენდ-პერსონა - ამ ნომინაციებში წელს 30-მდე გამარჯვებული დასახელდა.
„ეს არის პროექტი რომელსაც ყოველ წელს დიდი სირთულე ახლავს. უკვე ღონისძიებას მეთექვსმეტედ ვატარებთ და მინდა ყველა გამარჯვებულს მივულოცო წარმატება. გამოვყოფ პალიტრა მედიას, რომელიც სფეროში ლიდერი კომპანიაა. ვფიქრობ, რომ პალიტრა მედია ფლაგმანია. ძალიან ვამაყობ და მიყვარს თქვენი ჰოლდინგი, რადგან თქვენ ყოველთვის ასრულებთ თქვენს დაკისრებულ ვალდებულებას საზოგადოების წინაშე“, - განაცხადა მანანა გეგიძემ, საზოგადოებასთან ურთიერთობის სააგენტო „პროფილის“ დამფუძნებელმა და გენერალურმა დირექტორმა.
„ქართული ბრენდის დღე 2018“-ზე ლიდერი კომპანიის ნომინაციაში დაჯილდოვდა "პალიტრა მედია ჰოლდინგიც".
„ქართული ბრენდის დღე 2018“-ზე პალიტრა მედია ჰოლდინგი დაჯილდოვდა როგორც ლიდერი კომპანია. ჩვენთვის ეს ჯილდო ძალიან მნიშვნელოვანია, რადგან ნამდვილად ძალიან რთულია შეინარჩუნო ლიდერობა მედიაბაზარზე და განსაკუთრებით რთულია, როცა უკვე 23 წელია ამ სფეროში ვმოღვაწეობთ. 23 წელია პალიტრა ახერხებს, ლიდერის პოზიცია შეინარჩუნოს და ეს არის იმ დიდი გუნდის დამსახურება, რომელიც მუდმივად მუშაობს საზოგადოების ინფორმირებულობაზე, მის განათლებაზე, ნაკითხობაზე და ა.შ.
_2018-12-27_olBBfd2KQ1YqC.JPG)
დაარსებიდან დღემდე პალიტრა განვითარდა უფრო ბევრი მიმართულებით ვიდრე მხოლოდ ერთი გაზეთია, რომლითაც დაიწყო მისი ისტორია. დღეისთვის ჰოლდინგი მოიცავს არა მხოლოდ მედია სახლს, არამედ გამომცემლობასაც, მაღაზიათა ქსელს, სხვადასხვა საიტს და სხვა. ჰოლდინგში 2000-მდე ადამიანი მუშაობს და ეს წარმატება თითოეული მათგანის წარმატებაა“, - ირაკლი საამიშვილი, პალიტრა მედია ჰოლდინგის გენერალური დირექტორის მოადგილე.
_2018-12-27_4KCJity0gdV.JPG)
ღონისძიებაზე მიწვეული ასობით სტუმრის განწყობაზე ფოლკლორული ანსამბლი ზრუნავდა, საღამოზე იმღერეს "შვიდკაცამ", ნოდიკო ტატიშვილმა და სალომე ბაკურაძემ. ღონისძიების ბოლოს გრანდიოზული ტორტი გაიჭრა.
ეკა გადახაბაძე, ფოტო: ვანო გორგიშვილი
