მნიშვნელოვანი ინფორმაცია
23
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა შეიცვალა თბილისის პარკირების სისტემაში "სითი პარკის" გაძევების შემდეგ?
10:29 / 27-12-2018
თითქმის ცხრა თვეა, რაც თბილისის პარკირების სისტემას "სითი პარკი" აღარ კურირებს და ეს ფუნქცია თბილისის სატრანსპორტო კომპანიამ გადაიბარა. მიუხედავად იმისა, რომ მერიამაც არაერთი დაპირება გასცა საპარკინგე ინფრასტრუქტურის გაუმჯობესებასთან დაკავშირებით, ქუჩაში გავლისას ჯერ კიდევ თვალში საცემია ტროტუარზე გაჩერებული ავტომობილები, ე.წ სტაიანშიკების მიერ შემოსაზღვრული ტერიტორიები, საპარკინგე ადგილების სიმცირე და ა.შ.
რა შეიცვალა თბილისის პარკირების სისტემაში "სითი პარკის" გაძევების შემდეგ? - ამ კითხვით AMBEBI.GE დაინტერესდა და პასუხების მისაღებად ექსპერტებსა და მერიას დაუკავშირდა.
"ტრანსპორტისა და გზების ასოციაციის" თავმჯდომარის დავით მესხიშვილის თქმით, ამ მიმართულებით ჯერჯერობით არაფერი მოწესრიგებულა:
"უფრო მეტიც, რიგ მიმართულებებში გაუარესებაც არის და ეს არც არის გასაკვირი, რადგან სატრანსპორტო კომპანიას, რომელმაც გადაიბარა პარკირების მენეჯმენტი, არ აქვს არანაირი გამოცდილება თუ როგორ უნდა მოაწყოს თანამედროვე პარკირების სისტემა" - აღნიშნა დავით მესხიშვილმა და პრობლემების რამდენიმეპუნქტიანი ჩამონათვალი შემოგვთავაზა:
- დედაქალაქში მომრავლდნენ ადამიანები, რომლებიც იტაცებენ საჯარო სივრცეებს და აწყობენ პარკირების ადგილებს
მაგალითად, ზოოპარკის მოპირდაპირედ ესტაკადის ქვეშ, ვიღაცებს აქვთ მოწყობილი აბსოლუტურად უკანონოდ პარკირება. ასეთი არაერთი ქუჩა და ადგილია თბილისში, რომელიც არის საერთო სარგებლობის სივრცე და სადაც პარკირება არ არის გათვალისწინებული მაგრამ ვიღაც ადამიანებმა იქ თვითნებურად მოაწყვეს პარკინგი.
იქ სადაც პარკირების ადგილებია გამოყოფილი, "სტაიანშიკი" არ გაჩერებინებს სატრანსპორტო საშუალებას და ეს არის სრულიად უკანონო. აქვს რკინის კონსტრუქციები განთავსებული და თუ არ გადაუხდი 2-3 ლარს (დედაქალაქის ცენტრში მეტსაც), ამ შემთხვევაში ვერ იყენებ ადგილს, რომლისთვისაც შენ თანხა გაქვს გადახდილი და უფლება გაქვს გააჩერო მანქანა.
- ტროტუარზე პარკირებული ავტომობილები
ჯერ კიდევ ნარმანიას მერობის პერიოდში და შემდგომში კალაძის გაკეთებული განცხადებებიც გვახსოვს, რომ ტროტუარები იქნება ქვეითების და ის გათავისუფლდება ავტომანქანებისგან. მაგრამ ჩვენ ვხედავთ, რომ ჭავჭავაძის გამზირზე თუ სხვა ქუჩებზე, ავტომობილები ადიან ტროტუარზე და იქ პარკირდებიან. თუმცა ეს კიდევ ერთ დიდ პრობლემას უსვამს ხაზს - ქალაქში არ არის საკმარისი ადგილი ავტომანქანის პარკირებისთვის.
- პარკინგის ადგილებზე განთავსებული ნაგვის ურნები
პარკირების ადგილების სიმცირეს, არსებული ადგილების არასწორი გადანაწილებაც ემატება. მაგალითად, თბილისის მერიამ ნაგვის ურნების განთავსება ისე ვერ მოახერხა, რომ მათ პარკირების ადგილები და გზის სავალი ნაწილი არ დაიკავონ
- კონკრეტულ ქუჩებზე ჩასაფრებული პარკირების ინსპექტორები
პარკირების ინსპექტორებს ამოჩემებული აქვთ მხოლოდ რამდენიმე ქუჩა და იმ ქუჩებზე არიან ჩასაფრებულები. რეალურად, "სითი პარკის" მოდელი აქვთ გადაღებული კანონის აღსრულების ნაწილში. ამასთან დაკავშირებით, ჩვენს ორგანიზაციას, "ტრანსპორტისა და გზების ასოციაციას" არაერთი კონფლიქტი ჰქონია "სითი პარკთან". ეს მოდელი ორიენტირებული იყო არა საგზაო მოძრაობის გაუმჯობესებასა და იმაზე რომ გზა განმუხტულიყო, არამედ იმაზე რომ ჩასაფრებოდა სატრანსპორტო საშუალებას, რომელსაც მაგალითად შესაძლოა არ შეექმნა საცობი ის დაეჯარიმებინა და რომელიც საცობს ქმნიდა, ის არ დაეჯარიმებინა.
აი ეს მახინჯი სისტემა, რომელიც ორიენტირებული იყო არა მდგომარეობის გაუმჯობესებაზე, არამედ დაჯარიმებაზე და კომპანიაში თანხის შეტანაზე, კვლავ არის დარჩენილი. გეტყვით რას ვგულისხმობ - არ არის გამართული სისტემა, რომელიც შეახსენებს ავტომფლობელს, რომ მას მისდის ჯარიმის გადახდის ვადა. არც აწყობთ ეს შეგახსენონ, რადგან დაგავიწყდებათ და მეტის გადახდა მოგიწევთ, ესეც ერგვარი შემოსავალია. ბოლომდე არ არის მოწესრიგებული ისიც, რომ დაჯარიმების დროს, როცა ქვითარი რჩება საქარე მინაზე, ე.წ სტაიანშიკი (რომელსაც დამატებით 2-3 ლარი გადაუხადეთ), იღებს ამ ქვითარს და აგდებს, მალავს, ხევს და ა.შ შესაბამისად, თქვენ იმასაც ვერ გაიგებთ, დაჯარიმებული ხართ თუ არა.
თქვენ გიწევთ ავტომობილის ისე გაჩერება, რომ გასვლისას საერთოდ ვერ ხედავთ საგზაო მოძრაობას. ეს კი ქმნის ავარიულ სიტუაციებს. ეს ის შემთხვევებია, როდესაც დამხმარის გარეშე ვერ შედიხართ და გამოდიხართ პარკინგის ადგილიდან. ისე უნდა იყოს ეს ყველაფერი დახაზული, რომ მძღოლმა დამოუკიდებლად შეძლოს პარკირების ადგილის დაკავება და შემდგომ ამ ადგილის დატოვება ისე, რომ დამხმარეები არ დასჭირდეს.
რეალურად, დგას თუ არა ეს პრობლემები დღის წესრიგში და მუშაობს თუ არა მათზე მერია? - ამ კითხვებით AMBEBI.GE-მ თბილისის სატრანსპორტო კომპანიას მიმართა. კომპანიის მარკეტინგის მენეჯერი თამაზ რობაქიძე ამბობს, რომ 11 აპრილიდან 1-ელ დეკემბრამდე ავტომობილის არასწორი პარკირებისთვის 319 000-მდე სტანდარტული ჯარიმა გამოიწერა, მანქანის საჯარიმო სადგომზე გადაყვანა კი 2 765 შემთხვევაში განხორციელდა.
რობაქიძის თქმით, მას შემდეგ რაც თბილისის პარკინგის სისტემის მენეჯმენტი დაევალა თბილისის სატრანსპორტო კომპანიას, სისტემა დარჩა იგივე უბრალოდ მათ მენეჯმენტი ჩაიბარეს. ამ ხნის განმავლობაში ჩატარებული სამუშაოების შესახებ, სატრანსპორტო კომპანიამ ასეთი ინფორმაცია მოგვაწოდა:
- პარკირების ადგილები
ამ ეტაპზე უკვე 15 ათასი კვ.მ არის დახაზული. გამოიცვალა საგზაო ნიშნები, კერძოდ 6 300-მდე ნიშანი გამოიცვალა და 300 ახალი ნიშანი დაემატა.
თბილისში საპარკინგე ადგილების რაოდენობა ამ ეტაპზე 32 ათასამდეა და ეს ადგილები არის თანამედროვე სტანდარტების მიხედვით გაკეთებული.
არ არსებობს არანაირი ხელისშემშლელი ფაქტორი, რომ მძღოლმა დამოუკიდებლად ვერ შეძლოს დაყენება ან გამოყვანა მანქანის.
- ვებ-გვერდი ჯარიმების სანახავად
შეიქმნა სპეციალური ვებ-გვერდი, სადაც მომხმარებელს შეუძლია ონლაინ შეიძინოს საშვი, ასევე გადაიხადოს ჯარიმა, შეამოწმოს აქვს თუ არა მას რაიმე სახის დავალიანება. ამ ყველაფრის ნახვა შესაძლებელია საიტზე parking.tbilisi.gov.ge.
- ე.წ სტაიანშიკები
ჩვენ არაერთხელ განვაცხადეთ, რომ სადაც განთავსებულია თბილისის პარკინგის ნიშანი, ყველა მძღოლს შეუძლია დააყენოს მანქანა თუ მას შეძენილი აქვს თბილისის პარკინგის საშვი. თუ რაიმე ხელისშემშლელი ფაქტორი იქნება, მძღოლებს შეუძლიათ დარეკონ ცხელ ხაზზე (322 93 44 44), რომელიც მითითებულია ყველგან ჩვენს საპარკინგე ადგილებზე და სატრანსპორტო კომპანიის თანამშრომლები ადგილზე მივლენ და აღმოფხვრიან პრობლემას.
- ტროტუარზე პარკირებული ავტომობილები და დაჯარიმების სისტემა
თბილისის მერიის მიერ გამოყოფილი პარკირებისთვის განკუთვნილი ზოგიერთი ადგილი ტროტუარზეა განთავსებული. რაც შეეხება ისეთ ადგილებს, სადაც საპარკინგე ადგილი არ არის გამოყოფილი და ტროტუარზე მაინც დგას მანქანები - სატრანსპორტო კომპანიას შეუძლია დააჯარიმოს მძღოლი ჩვენს საპარკინგე ადგილზე მანქანის არასწორად დაყენებისთვის, ხოლო ისეთ ადგილზებზე, რომელიც ჩვენი საპარკინგე ტერიტორია არ არის, არანაირი უფლებამოსილება არ გვაქვს დავაჯარიმოთ მძღოლი, ეს უფრო შსს-ს პრეროგატივაა.
ფოტო: სალომე აბულაშვილი
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
