"მის საქართველო 2018" ნინი გოგიჩაიშვილი გახდა

2018 წლის ყველაზე ლამაზი გოგონა საქართველოში მოდელი და ტელეწამყვანი ნინი გოგიჩაიშვილია.

ქვეყნის ყველაზე ლამაზი გოგონას ტიტულის მოსაპოვებლად 20 ლამაზმანი უწევდა ერთმანეთს კონკურენციას. მათი ასაკი 17-დან 25 წლამდეა. კონკურსანტების უმრავლესობა თბილისიდანაა, ასევე არიან კონკურსანტები ქუთაისიდან, ფოთიდან, ზუგდიდიდან, წყალტუბოდან, ოკრიბიდან.

25 წლის ნინი გოგიჩაიშვილი ცნობილი ტელეწამყვანის გიორგი გოგიჩაიშვილის და ჟურნალისტის ნათია ბანძელაძის ქალიშვილია. ნინის უფროსი და ნანუკა გოგიჩაიშვილი 2009 წელს მონაწილეობდა "მის საქართველოს" კონკურსში და ვიცე მისი გახდა.

"მის საქართველო 2018"-ის გამოსავლენად გამართულ კონკურსს წინა წლების მისებიც ესწრებოდნენ. ღონისძიებას "მის საქართველო 2004" ირინა ონაშვილი და მსახიობი დიმიტრი ტატიშვილი უძღვებოდნენ.