თბილისის მთავარი ნაძვის ხე აინთო და ის ულამაზესია - თუ არ გინახავთ, აუცილებლად უნდა ნახოთ

თბილისში, პირველი რესპუბლიკის მოედანზე დედაქალაქის მთავარი ნაძვის ხე საზეიმოდ აინთო. ღონისძიებას საქართველოს პრემიერ-მინისტრი, მამუკა ბახტაძე და თბილისის მერი, კახა კალაძე დაესწრნენ, ნაძვის ხე ღონისძიებაში მონაწილე ბავშვებთან ერთად აანთეს.

კახა კალაძის თქმით, ქვეყანას ბევრი პრობლემა ჰქონდა, თუმცა მნიშვნელოვანი რეფორმებიც გატარდა და დარწმუნებულია, რომ ხელისუფლება საზოგადოებასთან ერთად ყველა პრობლემის გადალახვას შეძლებს.

უკეთესი წლის მოლოდინი აქვს ქვეყნის პრემიერ-მინისტრსაც - მამუკა ბახტაძის თქმით, ხელისუფლება ყველაფერს აკეთებს, რომ მომავალი წელი ბევრად უკეთესი იყოს. ლამაზად მორთული დედაქალაქისთვის კი კალაძეს მადლობა გადაუხადა.

დღევანდელ ღონისძიებაზე ბავშვებმა საახალწლო სპექტაკლი წარმოადგინეს, რომლის რეჟისორი ნიკოლოზ შველიძე იყო, ხოლო კომპოზიტორი - მიშა მდინარაძე. წარმოდგენას პირველად ჰყავდა სუდო თარჯიმანი.

საახალწლო წარმოდგენაში - „გადაეცი სიყვარული“ მონაწილეობენ: სოფო გელოვანი, ნოდიკო ტატიშვილი, გიორგი ცაგარელი, გიორგი ალექსიძის სახელობის თბილისის თანამედროვე ბალეტი, მოძრაობის თეატრი, თბილისის მერიის „ტანვარჯიშის განვითარების სპორტული ცენტრი", თბილისის მერიის ალოიზ მიზანდარის სახელობის პირველი ხელოვნების სკოლის ბიჭუნათა კაპელა და ახალგაზრდული გუნდი.