"ირაკლი არავისთვის წამირთმევია, ის მაშინაც მარტო იყო, როდესაც ნანა ჟორჟოლიანმა გაიცნო" - კატიკა დიდა კომენტარებს ეხმიანება

ერეკლე კოდუას ფოტომ, სადაც სოდ-ის ყოფილი მაღალჩინოსანი საყვარელ ქალთან, კატიკა დიდასთან ერთად არის გადაღებული, სოციალურ ქსელში დიდი მითქმა-მოთქმა გამოიწვია. "ფეისბუქის" მომხმარებლები კოდუას ღალატში ადანაშაულებენ, კატიკას ნანუკა ჟორჟოლიანს ადარებენ და აღნიშნავენ, რომ დიდას ქართველი ტელეწამყვანი "ბევრად ჯობია".

ერთ-ერთმა მომხმარებელმა კი დაწერა, რომ კატიკა ყაზახია.

ფოტოს კომენტარების ავტორებს ცოტა ხნის წინ ერეკლე კოდუას რჩეულიც გამოეხმაურა და აღნიშნა, რომ ნანუკა ჟორჟოლიანთან შედარება მისთვის სასიამოვნო არ არის.

"გამარჯობა, მე ყაზახი არ ვარ. უკრაინაში დავიბადე და უნგრეთის მოქალაქე ვარ. ირაკლიმ ყველა კომენტარი მითარგმნა. ყველას მადლობას ვუხდი, ვინც ჩვენზე დადებითად წერს, თუმცა გული დამწყდა, რომ ამდენი ბოროტი ადამიანია... მე არ ვიცნობდი ქართველებს, ირაკლი პირველი ქართველია, ვინც მე გავიცანი. მის მაგალითზე მეგონა, რომ ყველა ქართველი კარგია... თუმცა ამ ყველაფრის წაკითხვის შემდეგ მივხვდი, რომ ასე არ არის. ხალხო, რა გჭირთ? მე ის არავისთვის წამირთმევია. ირაკლი უნგრეთში გავიცანი და ის აქ მარტო იყო, ლტოლვილი. მის შესახებ არაფერი ვიცოდი, შემიყვარდა. ის ასევე მარტო იყო, როდესაც ნანა ჟორჟოლიანმა გაიცნო, 4 შვილის მამა. მეცინება და არ არის ჩემთვის კომფორტული, როდესაც იმ ქალს [ნანუკა ჟორჟოლიანს] მადარებენ, ამაზე კომენტარის გაკეთება არ მსურს. მადლობა ყველას, გისურვებთ მეტ სიკეთეს," - წერს კატიკა დიდა.