მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ე.წ. შავი სიიდან გათავისუფლებული ხალხი ლეგალურად დასაქმდება - რას პასუხობს კობა გვენეტაძის განცხადებას გიგა ბოკერია
17:08 / 22-12-2018
„ადამიანებს, რომლებსაც ვალები გაუნულდათ, საშუალება ექნებათ, რომ ლეგალურად დასაქმდნენ, მაგრამ ეს არამც და არამც არ ნიშნავს იმას, რომ ისინი ძალიან მალე შეძლებენ, სასესხო რესურსებზე წვდომა მოიპოვონ,“ - ამის შესახებ ეროვნული ბანკის პრეზიდენტმა კობა გვენეტაძემ პარლამენტში გამოსვლისას განაცხადა. მისი თქმით, ის კრიტერიუმები, რომლითაც ე.წ. ვალების განულების აქცია განისაზღვრა, მაქსიმალურად მიმართულია სოციალურად შეჭირვებულ ფენაზე.
„ეს ადამიანები, რომლებსაც უფრო და უფრო უჭირდათ სესხების გადახდა, გარკვეულწილად გამოთიშულები არიან ეკონომიკური ცხოვრებიდან, რადგანაც მათ აღარ აქვთ საშუალება, რომ ფორმალურ სექტორში დასაქმდნენ. ის ფაქტი, რომ მათ აღარ ექნებათ ეს დავალიანება, მათ დროთა განმავლობაში საშუალებას მისცემს, რომ დაუბრუნდნენ ფორმალურ სექტორს, ფორმალურ ეკონომიკას. მათ საშუალება ექნებათ, რომ ლეგალურად დასაქმდნენ, მაგრამ ეს არამც და არამც არ ნიშნავს იმას, რომ ისინი ძალიან მალე შეძლებენ წვდომა მოიპოვონ სასესხო რესურსებზე. გარკვეული პერიოდის განმავლობაში, ეს, ალბათ, ასეც უნდა იყოს, მაგრამ დროთა განმავლობაში ისინი შეძლებენ ისევ ეკონომიკაში დაბრუნებას. ის კრიტერიუმები რომლითაც განისაზღვრა ეს აქცია, ეს არის მაქსიმალურად მიზანმიმართული სოციალურად შეჭირვებულ ფენაზე,“ - განაცხადა კობა გვენეტაძემ.
„მართლა გჯერათ, რომ ე.წ. შავი სიიდან გათავისუფლებული ხალხი სამსახურს იშოვის? მიზეზ-შედეგი გერევათ,“ - ამ სიტყვებით „ევროპული საქართველოს“ ლიდერმა გიგა ბოკერიამ ეროვნული ბანკის პრეზიდენტს მიმართა. ბოკერიას თქმით, ეროვნული ბანკის პრეზიდენტმა მთავრობის მავნებლური პოლიტიკის თეზისები გაიმეორა.
„ძალიან ვწუხვარ, ბატონო კობა, რომ თქვენგან თითქმის ერთი ერთში ჩვენი მთავრობის მავნებლური და ახლომხედველური პოლიტიკის ფუძემდებლური თეზისების გამეორება მოვისმინე. ძალიან ვწუხვარ, რომ თქვენც გგონიათ, რომ ხალხის პრობლემა არ არის ის, რომ სამსახურს ვერ პოულობენ, სამუშაო ადგილები არ იქმნება და არის დაბალი ეკონომიკური ზრდა. გგონიათ, რომ ამ პრობლემების გადაჭრა ხდება წინასაარჩევნოდ მთავრობის მიერ. პრემიერ-მინისტრის ჩარევით მოხდა ამ ოპერაციის განხორციელება და თქვენ როგორც ეროვნული ბანკის პრეზიდენტს, ეს არ მიგაჩნიათ პრობლემად. ხალხი ვინც წვალობდა და იხდიდა, იმათთვის რა სიგნალია ეს და ხვალ რა მოუვა ყველა იმ ადამიანსა და ჭარბვალიანობას, როცა ერთხელ საარჩევნო სპეკულაციისთვის ასეთი რამე ხდება მთავრობის ჩარევით? თქვენ ამაზე ან არ გსურთ პოზიციის დაფიქსირება, ან კიდევ უფრო უარესი პოზიცია გაქვთ. კიდევ ერთი ფენომენალური ფრაზა თქვით - ის ხალხი, ვინც განთავისუფლდა ამ „შავი სიიდან“, ახლა წავლენ და სამსახურს იშოვიანო. მართლა გჯერათ, რომ ეგრე მოხდება? იმ ხალხმა სესხი იმიტომ აიღო, რომ სამსახურს ვერ შოულობდა. მიზეზ-შედეგი გერევათ,“ - მიმართა გიგა ბოკერიამ გვენეტაძეს.
ცნობისთვის, პრობლემური სესხების განულებისთვის შექმნილ სპეციალურ ვებგვერდზე - vali.ge მონაცემები კვლავ განახლდა.
როგორც „ინტერპრესნიუსს“ ფინანსთა სამინისტროდან აცნობეს, ერთიან ბაზას კიდევ 2 საფინანსო ორგანიზაციის მონაცემები დაემატა. ესენია: შპს “ფინპორტი” (სესხის გამცემი: 1click.ge) და შპს “ფრენდლი ფაინენს ჯორჯია” (სესხის გამცემი: mycredit.ge).
აღსანიშნავია, რომ კოლექტორების, ე.წ. ამომღები კომპანიების შემთხვევაში, სესხები შესაძლებელია შეძენილი იყოს სხვადასხვა ფინანსური ინსტიტუტიდან, როგორიცაა: ბანკი, მიკროსაფინანსო ორგანიზაცია, ონლაინ სესხის გამცემი და სხვა.
ამ დროისთვის, ვებგვერდზე განთავსებულია ინფორმაცია 604 ათას 797 მსესხებლის, 1 302 750 სასესხო ჩანაწერის შესახებ, ჯამური დავალიანების თანხა 3 933 145 876 ლარია.
ვებგვერდზე ატვირთულია 38 საფინანსო ორგანიზაციიდან შეძენილი სესხები/კრედიტები:
ბანკები: სს „საქართველოს ბანკი“; სს „თიბისი ბანკი“; სს „ლიბერთი ბანკი“; სს „სილქ როუდ ბანკი“; სს „ხალიკ ბანკი საქართველო“; სს „იშბანკი საქართველო“; სს „ვითიბი ბანკი ჯორჯია“; სს "ბაზისბანკი"; სს "ტერაბანკი"; სს "კრედო ბანკი"; სს "ფინკა ბანკი საქართველო".
არასაბანკო საფინანსო ორგანიზაციები: შპს "მიკროსაფინანსო ორგანიზაცია ლენდო" (სესხის გამცემი: lendo.ge, pino.ge, banko.ge); შპს "ემ.კოლექტორი" (სესხის გამცემი: sohocredit.ge); შპს "კრედიტ ექსპერტ ჯორჯია" (სესხის გამცემი: wandoo.ge, netcredit.ge, moneza.ge, credium.ge); შპს "გრანატ კაპიტალ" (სესხის გამცემი: netcredit.ge, moneza.ge)
შპს "გრანატ ინვესთმენთ" (სესხის გამცემი: vivus.ge)
შპს "პრობლემური აქტივების ბიურო“ (სესხის გამცემი: vivus.ge, amica.ge, moneybus.ge, wincredit.ge, moneyman.ge, mycredit.ge, netcredit.ge, moneza.ge, crediton.ge, lendo.ge, mamy.ge, ipuli.ge, okcredit.ge, credium.ge, solva.ge) ; შპს "ფინანსური ბიურო" (სესხის გამცემი: moneza.ge, mycredit.ge, netcredit.ge, vivus.ge); შპს "ფინანსური მონიტორინგის ბიურო" (სესხის გამცემი: vivus.ge); შპს "ფინანსური სექტორი" (სესხის გამცემი: ccloan.ge); შპს "კრედიტლაინი" (სესხის გამცემი: creditline.ge); შპს "UNIVERSAL SERVICE" (სესხის გამცემი: fastcredit.ge); სს "მისო ინტელექსპრესი" (სესხის გამცემი: inteliexpress.net); შპს "მიკროსაფინანსო ორგანიზაცია ლენდაფ" (სესხის გამცემი: lendup.ge); სს "მიკროსაფინანსო ორგანიზაცია მაიკრო ფინი" (სესხის გამცემი: microfin.ge); შპს "მონლაინ" (სესხის გამცემი: mon.ge, gocash.ge, espreso.ge, kapiki.ge, loan.ge); შპს "საკრედიტო ისტორიათა ქართული ბიურო" (სესხის გამცემი: სს "პრივატბანკი"); შპს "კრედიტ მენეჯმენტი" (სესხის გამცემი: vivus.ge); სს "მისო კრისტალი" (სესხის გამცემი: crystal.ge); შპს "მიკროსაფინანსო ორგანიზაცია ემ ბი ეს" (სესხის გამცემი: masesxe.ge); სს "მიკროსაფინანსო ორგანიზაცია სვის კაპიტალ" (სესხის გამცემი: swisscapital.ge); შპს "სვის კაპიტალ ავტო" (სესხის გამცემი: swisscapital.ge); სს "ზიპ კრედიტ" (სესხის გამცემი: zipcredit.ge); შპს "მიკროსაფინანსო ორგანიზაცია 4ფინანსი" (სესხის გამცემი: kimbi.ge, vivus.ge); სს "იკაპიტალი" (სესხის გამცემი: eloan.ge); სს მისო ქართული კრედიტი (სესხის გამცემი: georgiancredit.ge) ; შპს “ფინპორტი” (სესხის გამცემი: 1click.ge); შპს “ფრენდლი ფაინენს ჯორჯია” (სესხის გამცემი: mycredit.ge).
შეგახსენებთ, რომ ვებგვერდზე საკუთარი მონაცემების შესამოწმებლად საჭიროა სამი ეტაპის გავლა: მსესხებლის პირადი ნომრის შეყვანა; დაბადების დღე/თვე/წელი შეყვანა; უსაფრთხოების მიზნით სპეციალური გრაფის მონიშვნა.
„აღნიშნული ეტაპების გავლის შემდეგ, თუ მსესხებელი იპოვის თავის მონაცემებს, ეს ნიშნავს, რომ მას 15 დეკემბრიდან 31 დეკემბრის პერიოდში, გაუნულდება ვებგვერდზე გამოტანილი დავალიანება.
ვებგვერდზე განთავსებული ინფორმაცია მოწოდებულია საფინანსო ორგანიზაციების მიერ. იმ შემთხვევაში, თუ ფიზიკური პირი საკუთარ თავს ვერ აღმოაჩენს ვებგვერდზე წარმოდგენილ მონაცემებში, უნდა მიმართოს სესხის გამცემ ორგანიზაციას.
კვლავ მიმდინარეობს სხვა საფინანსო ორგანიზაციებიდან მოწოდებული ინფორმაციის დამუშავება და უახლოეს პერიოდში, ერთიან მონაცემთა ბაზას დაემატება განახლებული მონაცემები“, - განმარტავენ ფინანსთა სამინისტროში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
