მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ყველაფერზე მომყვება და მეორე დღეს ყველა ჩვენს ცეკვაზე ლაპარაკობს" - რას ამბობს ოთო ირინკასთან რომანტიულ ურთიერთობაზე
13:17 / 21-12-2018
ირინკა კავსაძისა და ოთო ფოლადაშვილის წყვილი მაყურებელს გამორჩეულად მოსწონს. „ცეკვავენ ვარსკვლავების“ დაწყებისას, ირინკას საქართველოში მასობრივად არავინ იცნობდა, რადგანაც ის აშშ-ში ცხოვრობს... დღეს კი უამრავი გულშემატკივარი და თაყვანისმცემელი ჰყავს. ირინკა კავსაძე მეწყვილესთან ერთად, მეგაშოუს ერთ-ერთი ძლიერი კონკურსანტი აღმოჩნდა, დაუღალავი შრომით ბევრს მიაღწია. შოუს ბოლომდე მიჰყვება. როგორია ირინკა კავსაძესთან მუშაობა, როგორ გახდა წყვილი წარმატებული და როგორი მეგობრები არიან ისინი, ამაზე ოთო ფოლადაშვილი გვესაუბრება.
- ოთო, ამ სეზონზე შენც გამორჩეული ხარ...
- არ ვიცი, რისი ბრალია, ერთი ვიცი, რომ თავს არასდროს ვზოგავ და ამ პროექტში პირველი სეზონიდან დაწყებული, მაყურებლისთვის, ამა თუ იმ პარტნიორთან, ბევრი დასამახსოვრებელი ცეკვა შევქმენი. ეს სეზონიც ამ კუთხით ერთ-ერთი საინტერესოა. რა იდეებიც მქონდა, მაქსიმალურად ვცდილობდი, ნომერზე მუშაობისას გამომეყენებინა.
- ამ სეზონზე, შენი და ირინკას ჰაერში ცეკვა გია ყანჩელის მუსიკაზე ყველაზე გამორჩეული იყო, აქამდე მსგავსი რამ ამ შოუში არ მინახავს...
- მეც მომწონს, ჩემი საყვარელი ცეკვაა, "ბოლო მოდელი ცეკვა" შევარქვი, ზუსტად ისეთი გამოვიდა, როგორიც მინდოდა, რომ გამოსულიყო და ახალი სიტყვა ყოფილიყო ცეკვის სამყაროში, მით უმეტეს, საქართველოში. მართლა გვინდოდა, ქართველებს გულზე ახლოს მოხვედროდათ, რადგანაც ქართული ცეკვა ხომ ჩვენთან ძალიან ახლოს არის. ნომრის მომზადებისას დაგვეხმარა ილიკო სუხიშვილი, რისთვისაც მას დიდი მადლობა. ამ ყველაფრის დაგვირგვინება კი ყანჩელის მუსიკაზე ჩვენი ჰაერში ფრენა იყო. მას მაყურებლისგან დიდი გამოხმაურება მოჰყვა. ყველა ცეკვასთან შედარებით გამორჩეულად ბევრი ნახვა ჰქონდა. მასზე მუშაობა ნამდვილად რისკი იყო, მაგრამ რადგანაც ასეთი გამოხმაურება იყო, ამდენი თბილი, ტკბილი სიტყვა მივიღეთ, ყველას კარგად ახსოვს, მგონი, ღირდა. იდეამ გაამართლა, ანუ ყველაფერი ისე მოხდა, როგორც წარმომედგინა.
- საერთოდ კი, გამართლებული აღმოჩნდა თქვენი დაწყვილება...
- ყოველი ცეკვის შემდეგ მიდიოდა იმაზე ლაპარაკი, ოთომ და ირინკამ ამის მეტი რაღა უნდა გააკეთონო? მაგრამ ყოველი ეპიზოდის შემდეგ, მაყურებელი აღფრთოვანებულია, ეს იმას ნიშნავს, რომ ჩვენ ყველა სტილს და ჟანრს ვცეკვავთ და ყველა კუთხით ვანახებთ მაყურებელს ირინკას იმ პლუსებს, რაც აქვს.
- და რა პლუსები აქვს ირინკას - შენს მეწყვილეს?
- ის, რომ ცეკვა მხიარული იქნება, იქნება დრამა, ჰაერში საფრენი, თუ რომანტიკა, - ნებისმიერი ხასიათის, ყველაფერზე მომყვება და მეორე დღეს უკვე ყველა ჩვენს ნომერზე ლაპარაკობს, რომ უძლიერესი იყო... მართლა ყველა უძლიერესი ცეკვა შევასრულეთ. ჩვენს შორის ურთიერთნდობაა და ვიღაცისთვის წარმოუდგენელი რაღაცები ცეკვაში, ჩვენთვის მარტივად წარმოსადგენია. ყველაფერს ენერგიულად ვაკეთებთ.
- მოიგებთ კონკურსს?
- ეს პროექტი არის სახალხო და ჩვენმა წყვილმა ხალხისგან დიდი სითბო და სიყვარული დაიმსახურა. თუ ხალხის რჩეულები ვართ და ეს სახალხო პროექტია, ხალხი გადაწყვეტს, ვინ იქნება "ცეკვავენ ვარსკვლავების" 2018 წლის გამარჯვებული. თუ ასე მოხდა, მე და ირინკა მადლიერები ვიქნებით.
- ხალხს ისიც აინტერესებს, რეალურად თქვენს შორის რამე სერიოზული ხომ არ ხდება, ამაზე სოციალურ ქსელში მუდმივად წერენ. როგორც ჩანს, ისე მოსწონხართ, რომ ცეკვის მიღმაც ვერ გაცალკევებენ...
- ჩვენ შორის მეგობრობის მეტი არაფერი ხდება. კარგი მეგობრები ვართ. პროექტის, ნერვების, ვარჯიშების, დატვირთული გრაფიკის, საერთო ენაზე საუბრის გარდა, არაფერი საერთო არ გვაქვს. მისი სახით კიდევ ერთი მეგობარი შევიძინე, რომელიც დღეს ჩემ გვრდით არის და ცეკვავს. საერთოდ, მინდა ვთქვა, რომ ძალიან კარგი სეზონია, ძლიერი წყვილები მონაწილეობდნენ. ყველაზე კარგი ის არის, რომ ერთმანეთთან კარგი დამოკიდებულება გვქონდა. ყველანი ერთმანეთს ვგულშემატკივრობთ და ერთმანეთისგან მხარდაჭერა გვაქვს. გარდა იმისა, რომ ამ პროექტში უამრავი სიყვარული, ბევრი ბედნიერი ფერია, ეს პროექტი ჩემთან ძალიან ახლოსაა. თან, აქ არის ირინკა და კიდევ არაერთი მეგობარი. მოკლედ, მეგობრების, კარგი ფერების, წარმატების, სიყვარულის, სითბოს, სიტკბოს შოუა...
- მეწყვილეში რა არის შენთვის მნიშვნელოვანი?
- მეწყვილე მიზანდასახული უნდა იყოს, შრომისმოყვარე, მაგრამ ასეთი რომც არ იყოს, იმდენს გავაკეთებ, ასეთად მაინც გავხადო, სხვა გამოსავალს არ დავუტოვებ. მაგრამ ირინკას ეს არ ეხება, უზომოდ შრომისმოყვარეა. და კიდევ - შოუში პარტნიორს არასდროს ვირჩევ, მირჩევენ, იღბლიანი ვარ. ამ სეზონშიც კიდევ ერთხელ გავუსვამდი ჩემს იღბლიანობას ხაზს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
