რა შეგიძლიათ იჩუქოთ და რაზე მიიღოთ 70%-მდე ფასდაკლება საახალწლოდ?

iTechnics- მა თავის მომხმარებელს წინა საახალწლო პერიოდში ძალიან საინტერესო კამპანია შესთავაზა, რომლის ფარგლებშიც მომხმარებელს საშუალება აქვს iTechnics-ის ნებისმიერ ფილიალში მიიტანოს თავისი ძველი პროდუქცია და მისი მდგომარეობის მიუხედავად სრულიად უფასოდ ახალი მიიღოს. არ აქვს მნიშვნელობა წარმოდგენილი აქსესუარები დაზიანებული იქნება თუ გატეხილი, საახალწლო კამპანიის ფარგლებში ძველი ნივთის ახლით შეცვლას ყველა შეძლებს.

„კამპანია უკვე 2 კვირაა მიმდინარეობს და მისით უკვე ისარგებლა ბევრმა ადამიანმა. ამ ხნის მანძილზე მომხმარებელმა უკვე იჩუქა iTechnics-ისგან ბრონირებული დამცავები და ყურსასმენები. გასაჩუქებელი დარჩა ქეისები და USB კაბელები, რომელთა გაჩუქების დღეც 23 დეკემბერი და 13 იანვარია,“ - განმარტავს iTechnics-ის მარკეტინგის მენეჯერი ირაკლი ქირია.

გარდა ამისა, საახალწლო დღეებში 70%-მდე ფასდაკლება იმოქმედებს აქსესუარებსა და პროგრამულ უზრუნველყოფაზე. სხვადასხვა ტიპის ფასდაკლება შეეხება უკლებლივ ყველა ტექნიკასა და აქსესუარს. კომპანია საუკეთესო ფასს სთავაზობს მომხმარებელს წლის ყველაზე მოთხოვნად მოდელებზე, iPhone X, iPhone 7-ისა და სხვა მოდელების შეძენა ყველაზე ხელსაყრელი პირობებით სწორედ iTechnics-შია შესაძლებელი. მაღაზიაში ასევე შეხვდებით სასაჩუქრე კომპლექტებს, რაც იმას გულისხმობს, რომ სამი აქსესუარის ყიდვას მომხმარებელი ერთის ფასად შეძლებს.

აქცია მოქმედებს ბავშვებისთვის ყველაზე სასურველ საახალწლო საჩუქრებზე ელექტრო ველოსიპედებსა და ჰოვერბორდებზე. ელექტრო ველოსიპედის შეძენის შემთხვევაში ჰოვერბორდს საჩუქრად მიიღებთ. ასე რომ, თუ თქვენმა შვილმა სანტას საახალწლო საჩუქრად ჰოვერბორდის ან ელექტრო ველოსიპედის მიტანა სთხოვა, ნუ მოიწყენთ, თქვენთვის ხელსაყრელ ფასად შეძლებთ პატარების გახარებას.

„iTechnics არის კომპანია, რომელიც მუდმივად ლოიალური მომხმარებლების კმაყოფილებაზე ზრუნავს. ახალი წელი ყველასთვის საყვარელი დღესასწაულია და ამასთან ბევრისთვის მისი საყვარელი საჩუქრების მიღებასთანაც ასოცირდება. სწორედ ამიტომ გადავწყვიტეთ, რომ განსაკუთრებული და დასამახსოვრებელი საახალწლო კამპანიები შეგვეთავაზებინა ჩვენი მომხმარებლებისათვის. გავაკეთეთ ისეთი აქციები, რომლის ფარგლებშიც ვფიქრობთ დიდებიც და პატარებიც კმაყოფილები დარჩებიან“- დაამატა ირაკლი ქირიამ.

შეგახსენებთ რომ iTechnics, რომელიც ქართულ ბაზარზე უკვე 7 წელია ოპერირებს, გასულ წელს Apple-ის ოფიციალური რესელერი გახდა. ეს კი კომპანიას საშუალებას აძლევს მომხმარებელს საუკეთესო ფასი და საგარანტიო პირობები შესთავაზოს. iTechnics-ში ნაყიდ ტექნიკაზე როგორც საქართველოში, ისე საზღვარგარეთ ოფიციალური გარანტია მოქმედებს.