გათამაშებები და დაუვიწყარი შოუ ცნობილი სტუმრებისთვის - "ბომონდის" გრანდიოზული წინასაახალწლო წვეულება

მართალია, ახალი წელი ჯერ არ დამდგარა, მაგრამ ჟურნალ “ბომონდის” პარტნიორებს და მკითხველს ნამდვილად გაუმართლა. ყველაზე გლამურულმა გამოცემამ, უკვე მეორე წინასაახალწლო წვეულება გამართა, სადაც სტუმრებისთვის გათამაშებები და დაუვიწყარი შოუ მოაწყო ივენთ კომპანია „Bloom Events”-ის დახმარებით. წვეულება „ფლამინგო ლაუნჯში“ შედგა, სადაც უამრავი სტუმარი შეიკრიბა. ვინც თვალს ადევნებს „ბომონდის“ წვეულებებს, დაგვეთანხმება, რომ ის საკუთარ სახელს ყოველთვის ამართლებს და გლამურულთან ერთად, ორიგინალური და განსხვავებულია. სტუმრებს შორის უამრავი ცნობილი სახე იყო, რომლებმაც „ფლამინგოს“ უგემრიელესი და ეგზოტიკური ფურშეტი დააგემოვნეს, ვისაც უფრო გაუმართლა, საჩუქრებიც მოიგო.

დათო ევგენიძე (მუსიკოსი):

- ბომონდი ნიშნავს ისეთ წვეულებას, სადაც ხვდები ხალხს, ვისაც გინდა რომ შეხვდე, სწორედ ასეთი ღონისძიება მოეწყო დღეს აქ. აქტიურად ვადევნებ თვალს „ბომონდს“, მას ხელოვანი ადამიანების პულსზე უდევს ხელი და მათ სთორებს ასხივებს. ღმერთმა დაიფაროს ქვეყანა ბომონდის გარეშე. ძალიან საჭირო გამოცემაა.

ნინო ცქიტიშვილი („ლუქ მოდელსის“ დამფუძნებელი):

- ძალიან მიყვარს ჟურნალი „ბომონდი“, ყოველთვის ვკითხულობ, რესპოდენტიც არაერთხელ ვყოფილვარ. დღეს „ფლამინგოში“ ულამაზესი წვეულება მოეწყო და ნამდვილად შემექმნა საახალწლო განწყობა. „ბომონდი“ ქართულ ბაზარზე უკვე 22 წელია არსებობს და არაერთ წამყვან ბრენდთან აკავშირებს პარტნიორობა. რომლებსაც ჟურნალის მიერ მოწყობილ ღონისძიებებზე მუდმივად შეხვდებით.

წინასაახალწლო საღამოს პარტნიორი და „ბომონდის“ მრავალგზის მეგობარი კომპანია „გაგრა პლიუსი“ გახლდათ, რომელიც ღონისძიებაზე არაყი „სტოლით“ იყო წარმოდგენილი.

ნინა თალკვაძე, „არტთაიმის“ მარკეტინგის ხელმძღვანელი:

- ჩვენს კომპანიას „ბომონდთან“ თანამშრომლობის მრავალწლიანი გამოცდილება აქვს. ჩვენ მხოლოდ ჟურნალის კუთხით არ ვთანამშრომლობთ, საინტერესო პროექტებს ვახორციელებთ ერთად.

სოფო კოტრიკაძე „ახალი ნათების“ მარკეტინგის მენეჯერი:

- ვის თუ არა „ბომონდს“, ყოველთვის შეუძლია ჩვენი გაოცება. დღეს აქ ჟურნალის წინასაახალწლო წვეულებაზე შევიკრიბეთ, სადაც კარგი სანახაობა მოეწყო.

თეონა ელიზბარაშვილი „ფლამინგო ლაუნჯის“ არტ-დირექტორი:

- ძალიან გვიყვარს ერთობლივი პროექტები, ამჯერად „ბომონდს“ შევთავაზეთ ერთობლივი პროექტის იდეა და მგონი კარგი საღამო გამოვიდა. სტუმრებს უგემრიელესი ფურშეტით და საინტერესო სანაოხაობით გავუმასპინძლდით. ღონისძიებაზე უამრავმა ადამიანმა მოიგო პრიზი. გათამაშდა „არტთაიმის“, ლაიმალუქსის“ პროდუქცია. ასევე „frank provost” ნაკრები, „არომატეკას“ სუნამო, ლაუნჯ „ფლამინგოს“ და ახალი ნათების“, სამ რაან სპას“ ვაუჩერი. ასევე არაყი „სტოლის“ პროდუქცია.