მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორია საქართველოს ასტროლოგიური რუკა და რატომ იყო არასწორად შერჩეული ინაუგურაციის თარიღი
12:40 / 19-12-2018
მსოფლიოს ყველა ქვეყანას თავისი ასტროლოგიური რუკა აქვს, რომელიც სხვადასხვა კრიტერიუმების მიხედვით განისაზღვრება. რა ცვლის მას და ძლიერია თუ სუსტი საქართველოს ასტროლოგიური რუკა - ამ თემაზე AMBEBI.GE-სთან ინტერვიუში ასტროლოგი ხათუნა ნოელი საუბრობს:
- სანამ საქართველოზე დაწვრილებით მოგახსენებთ, ვნახოთ, რა მოვლენებს ეფუძნება, მსოფლიოს სხვადასხვა ქვეყნის ასტროლოგიური რუკა. მათგან უმეტესი ნაწილი, ჩვენსავით დამოუკიდებლობის გამოცხადების აქტზე ხელის მოწერის მომენტს უკავშირდება. ეს ქვეყნები (ბრიტანეთის, საფრანგეთის, აშშ-ს სსრკ-ს და ა.შ.) მანამდე რომელიმე კოლონიალურ გაერთიანებაში იმყოფებოდნენ. ასევე ბევრია რუკა, რომელიც რესპუბლიკად გამოცხადებაზეა აგებული, მაგალითად, ეგვიპტის, ავსტრიის იტალიის, საფრანგეთის...
რამდენიმე ქვეყნის რუკისთვის (დიდი ბრიტანეთის გაერთიანებული სამეფო, თანზანია) პირიქით, გაერთიანებაში შესვლის თარიღია აღებული. თითქმის ანალოგიურ მომენტად უნდა ჩაითვალოს კონსტიტუციის ძალაში შესვლის (შვედეთი, შვეიცარია, ახალი ზელანდია, მექსიკა, დანია), ან ისეთი ცვლილებების შეტანის გაფორმებაც, რომელიც ასევე სტრუქტურულ ცვლილებებს იწვევს. ამ უკანასკნელის მაგალითად, შეგვიძლია, ბრაზილია და იაპონია მოვიტანოთ.
ქვეყნების რუკები დგებოდა სხვადასხვა რევოლუციების, ეროვნული და სახალხო აჯანყებების, თუ სახელმწიფო გადატრიალებების, რომელიმე კონკრეტული მმართველის ჩამოგდების (ჩეუშესკუ რუმინეთში) ან დაბრუნების (ირანი-ხომეინის დაბრუნება) თარიღებზეც. არსებობს ქვეყნები, რომელთა რუკები სახელმწიფოს მმართველის ინაუგურაციების (სამხრეთ აფრიკა, მონაკო) ან კორონაციების (ესპანეთის, გერმანიის, შოტლანდიის, ინგლისის) თარიღებს ეფუძნება.
- როგორც ვნახეთ, ქვეყნების რუკები იცვლება მნიშვნელოვანი პოლიტიკური ცვლილებების დროს...
- დიახ, ასეა. მაგალითად, ახალი პრეზიდენტის - სალომე ზურაბიშვილის იანაუგურაციასთან ერთად, ძალაში შევიდა კონსტიტუციის ახალი პროექტი, რომელიც საქართველოს საპრეზიდენტო მმართველობიდან საპარლამენტო მმართველობის რელსებზე გადაიყვანს. თუ დასახელებულ ქვეყნებს გავითვალისწინებთ, წესით, უნდა მივხვდეთ, რომ ეს მომენტი ძალზე მნიშვნელოვანია და ჩვენი ქვეყანა მნიშვნელოვანი რეალობის წინაშე დადგა.
ანუ 16 დეკემბერს, 15:09 წუთზე, იმ მომენტიდან, რაც ქალბატონმა სალომემ ფიცის წარმოთქმა დაასრულა, საქართველოს ასტროლოგიური რუკა შეიცვალა. ყველა ქართველი ასტროლოგი იმაზე ვთანხმდებოდით, რომ 1991 წლის 9 აპრილის რუკა ძალზე სუსტი იყო და შესაცვლელი, თუმცა ესეც დიდი ხვითო რომ არაა, ფაქტია: მარსი, რომელიც ჯარს განასახიერებს, მისთვის ძალზე სუსტ ნიშანში - თევზებში მოხვდა, მზით დაკვადრატებული, ვენერა, რომელსაც ფინანსები და დიპლომატია აბარია, გაძევების ნიშანში, მორიელშია, ანუ ისიც სუსტი, მთვარეს - ხალხს, ნეგატიური ასპექტი აქვს სატურნისაგან ანუ კანონისაგან...
არამხოლოდ ინაუგურაციის თარიღი გახლდათ უხეიროდ შერჩეული, არამედ საათიც, რადგან ასტროლოგიაში თითქმის ყოველი წუთი მნიშვნელოვანია. დროის ასეთი უთავბოლო შერჩევის გამო, თავად ხელისუფლების მთავარი წარმომადგენელობის აღმნიშვნელი მზეც კი უკიდურესად სტრესულ მე-8 სახლში დგას, რაც ასტროლოგიური ენიდან ჩვეულებრივ, მოკვდავთათვის გასაგებ ენაზე რომ ვთარგმნოთ, გამოდის, არც ხელისუფლებისთვისაა ეს ახალი რუკა სახეირო.
არადა, ცნობილი ფაქტია, რომ რონალდ რეიგანმა თავისი ინაუგურაცია ასტროლოგების რჩევის გათვალისწინებით, დილის 5 საათზე დანიშნა და უთენია წამოყარა მთელი ამერიკის შეერთებული შტატები ლოგინიდან ფეხზე. ეს, რა თქმა უნდა, არა მხოლოდ თავად რეიგანის, არამედ მთლიანად ქვეყნის ინტერესების გათვალისწინებით გაკეთდა. გაკეთდა იმისათვის, რომ ის 4-წლიანი პერიოდი კიდევ უფრო მეტი სტაბილურობის, მეტი გაძლიერების ხანა ყოფილიყო და ამ ნაბიჯის სისწორე შემდეგმა მოვლენებმაც დაგვანახა... ეს ამერიკაში.
ჩვენთან კი, რა თქმა უნდა, ასტროლოგებს ამჯერადაც არაფერი გვკითხეს. როდის გვექნება მორიგი შესაძლებლობა, რომ უვარგისი რუკა ახლით შეიცვალოს, რა ხელახალი სტრუქტურული ცვლილებების გატარება იქნება ამისათვის აუცილებელი, მაშინ მაინც თუ მოგვისმენენ ხელისუფლების წარმომადგენლები ასტროლოგებს, ეს უკვე ღმერთმა იცის...
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
