სააკაშვილმა ხათუნა თოთლაძის ჩაცმის სტილს დასცინა - როგორ პასუხობს ავთო ცქვიტინიძე კრიტიკოსებს

საგარეო საქმეთა მინისტრის მოადგილე ხათუნა თოთლაძე ბოლო ორი დღეა სოციალური ქსელების მომხმარებელთა აქტიური განხილვის თემაა, კონკრეტულად კი მისი ჩაცმის სტილის გამო. გუშინ გამართული ბრიფინგის შემდეგ, სადაც ის ინაუგურაციაზე მოწვეული უცხოელი სტუმრების შესახებ საუბრობდა, მხრებზე მოხვეულ პიჯაკში გადაღებული ფოტო "ფეისბუქში" გავრცელდა, კადრს უამრავი კრიტიკული კომენტარი მოყვა. კრიტიკოსთა შორის აღმოჩნდა საქართველოს ყოფილი პრეზიდენტი მიხეილ სააკაშვილიც.

""პრეზიდენტის" "ინაუგურაციაზე" ჩამომსვლელ სტუმართა სია ზუსტად ასახავს საქართველოს საერთაშორისო მასშტაბით გაბანძებას და ასევე, წარმოადგენს სრულიად არა მიკიბ-მოკიბულ დემარშს არჩევნების გაყალბების ფაქტთან მიმართებაში. ისევ ჩვენმა ხალხმა უნდა ამოათრიოს ქვეყანა ჭაობიდან და გადაარჩინოს მისი რეპუტაცია.

პ.ს ს-საგარეოს ოფიციალური წარმომადგენლის ჩაცმულობა სრულად შეესამება ივანიშვილის ხელისუფლების ესთეტიკას და დონეს", - დაწერა სააკაშვილმა.

კრიტიკულმა კომენტარებმა ხათუნა თოთლაძის დიზაინერი მეუღლე, ავთანდილ ცქვიტინიძე მხიარულ განწყობაზე დააყენა და ხუმრობით დაწერა, რომ ხათუნა დასაჭერია. ავთომ მოხურულ პიჯაკში გადაღებული მეუღლის ფოტოები და მისი კრიტიკოსების ფოტოები გამოაქვყნა.