6
ივნისიდღის ზოგადი ასტროლოგიური პროგნოზი
საქართველოს ჯანდაცვის ყოფილი მინისტრი (2008-2010) და თსუ-ს ყოფილი რექტორი (2010-2013) ალექსანდრე კვიტაშვილი დაქორწინდა. სანდრო კვიტაშვილის მეორე მეუღლე უკრაინელი ანასტასია ოსტროვსკაა.
კვიტაშვილი ფოტოებს "ფეისბუქის" პირად გვერდზე აქვეყნებს და წერს, რომ მათ 6 თვის წინ იქორწინეს. ფოტოების კომენტარებში მილოცვის ტექსტს არაერთი ცნობილი ქართველი წერს. სანდრო და ანასტასია ამჟამად ნიუ-იორკში ცხოვრობენ.
წყვილმა ერთმანეთი, სავარაუდოდ, უკრაინაში გაიცნო, როდესაც სანდრო კვიტაშვილი უკრაინის ჯანდაცვის მინისტრად მუშაობდა (2014-2015). უკრაინის ჯანდაცვის სამინისტროში მუშაობდა ასევე ანასტასია ოსტროვსკაც. ის ამჟამად ორგანიზაცია CMI-ს თანამშრომელია, რომელიც კონფლიქტების დარეგულირების საკითხებზე მუშაობს.
ანასტასია ალექსანდრე კვიტაშვილისთვის მეორე მეუღლეა. მანამდე სანდრო კვიტაშვილი ნიკოლ ჟორდანიაზე გახლდათ დაქორწინებული, რომელთანაც ვაჟი, ნიკოლოზი ჰყავს.
ნიკოლი მენშევიკური საქართველოს მთავრობის თავმჯდომარის, ნოე ჟორდანიას შვილიშვილი და რეჯებ ჟორდანიას ქალიშვილი გახლდათ.
ამონარიდი სანდრო კვიტაშვილის ერთ-ერთი ინტერვიუდან, სადაც ის ყოფილი მეუღლის შესახებ საუბრობს: "ჩემი და ნიკოლის ურთიერთობა დაიწყო თბილისში. მე აქ იმავე ორგანიზაციაში ვმუშაობდი, რომელშიც ნიკოლი, ოღონდ ის ვაშინგტონში იყო. ჩემს მომავალ მეუღლეს უფრო ადრიდანაც ვიცნობდი. ჩემი მეგობრის დედა ასწავლიდა ქართულს და მეც ხშირად ვიყავი იქ. ნიკოლი ამერიკაში გაიზარდა, მაგრამ თინეიჯერობის ასაკში, როცა თავისი წარმომავლობა გაარკვია, საქართველოში ჩამოდიოდა ხოლმე და ენის შესწავლასაც შეუდგა. იმ პერიოდში დაიწყო ჩვენი ისტორია და დავქორწინდით კიდეც... სანამ ამერიკაში წავიდოდით, რამდენიმე წელი საქართველოში ვცხოვრობდით. ასე რომ, მერე იმ გარემოში დაბრუნება, რომელიც ჩვენთვის ახლობელი იყო, ნამდვილად არ გაგვჭირვებია. იმის მიუხედავად, რომ ნიკოლი ამერიკაში გაიზარდა, თვისებებით ნამდვილი გურულია. გურულის გაევროპელება ან გაამერიკელება, გამორიცხულია. ამას, ალბათ, რამდენიმე თაობა დასჭირდება. სტალინმა კი თქვა, გენეტიკა არ არსებობსო, მაგრამ გენეტიკა ძალიან ძლიერი რამ არის".
_2018-12-15_jNkIaxXsvL.jpg)
