მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან – რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დღეს და ხვალ გაისვრიან ქვემეხებს" - რა ხდება თელავში, სადაც ინაუგურაციის მოსამზადებელი სამუშაოები მიმდინარეობს
10:48 / 14-12-2018
არჩეული პრეზიდენტის ინაუგურაციის საორგანიზაციო ჯგუფის წევრები, მათ შორის რეჟისორი ბასა ფოცხიშვილი დღეს თელავში მიმდინარე სამზადისს ადგილზე გაეცნობა.
ერეკლე მეფის სასახლის ტერიტორიაზე რამდენიმე დღეა ინაუგურაციის მოსამზადებელი სამუშაოები მიმდინარეობს. ამ დროისთვის ტრიბუნის და სცენის მოწყობა თითქმის დასრულებულია.
თელავის ქუჩებში საქართველოს სახელმწიფო დროშებია გამოფენილი.
"ძირითადი სამუშაოები თითქმის დასრულებულია. ქალაქის ტერიტორიაზე რამდენიმე დღეა ინტენსიური რეჟიმით მიმდინარეობს კეთილმოწყობის სამუშაოები. ბატონის ციხის ტერიტორიაზე სცენის და ტრიბუნის მოწყობა უკვე დასასრულს უახლოვდება. დღეს და ხვალ ერთჯერადად, სატესტო რეჟიმში გაისვრიან ქვემეხებს. ამის შესახებ ჩვენ განცხადება გუშინ გავავრცელეთ და მოსახლეობა გავაფრთხილეთ ხმაურის გამო შესაძლო პანიკის თავიდან აცილების მიზნით", - აღნიშნა თელავის მუნიციპალიტეტის მერმა შოთა ნარეკლიშვილმა.
დღეს, 15:00 საათზე ერეკლე მეორის სახლ-მუზეუმის ეზოში ჯარის რეპეტიცია გაიმართება. როგორც ინაუგურაციის ღონისძიების რეჟისორმა. ბასა ფოცხიშვილმა ჟურნალისტებს ადგილზე განუცხადა, 16 დეკემბრისთვის მოსამზადებელი სამუშაოები დასრულდება და ინაუგურაცია ყოველგვარი მხატვრული ელემენტების გარეშე ჩატარდება.
“დღეს საღამოს უკვე დამთავრდება ტრიბუნების მშენებლობა. ვფიქრობ, ყველაფერი მზად იქნება კვირისთვის. ბოლო შტრიხები კეთდება. დღეს შესაძლოა ჯარის რეპეტიციაც გაიმართოს. კვირას, მაყურებელი იხილავს ინაუგურაციას. საერთოდ, ყველა ზედმეტი გადახვევა და მხატვრული ელემენტების დამატება არამართებულად მიიჩნევა ინაუგურაციის ცერემონიაში. ასე, რომ ეს იქნება წესების დაცვით გაკეთებული სადა, კულტურული ინაუგურაცია, ყოველგვარი ზედმეტობის და მხატვრული ელემენტების გარეშე. ჩვენ რასაც აქ ვაკეთებთ, ვაკეთებთ იმ სტილში, რომ მისადაგებული იყოს არსებულ გარემოსთან“, - განაცხადა ბასა ფოცხიშვილმა და დასძინა, რომ დღეს, 3 საათზე ყველაფერი მზად იქნება ჯარის რეპეტიციისთვის.
თელავში, სალომე ზურაბიშვილის ინაუგურაცია 16 დეკემბერს, 15:00 საათზე დაიწყება და 40 წუთს გასტანს. მოსახლეობას საშუალება ექნება ინაუგურაციას თვალი თელავის ვაჟა- ფშაველას სახელობის თეატრის წინ დამონტაჟებულ მონიტორზე ადევნოს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
