მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ფერეიდნელი ქართველები და თანამედროვე საქართველო - ქართული ენისა და კულტურის სწავლების პროექტი ფერეიდნელი ქართველებისათვის
10:30 / 13-12-2018
უკვე მესამე წელია, რაც ქართული ენისა და კულტურის შესწავლისა თუ უკეთ გაცნობის მიზნით, საქართველოში, ფერეიდნელი ქართველების ჩამოყვანა ხორციელდება.
პროექტის ფარგლებში ჯგუფები კომპლექტდება იმ ქართველების შთამომავლებით, რომლებიც მე-17 საუკუნეში შაჰ აბასმა გადაასახლა ირანში. აღსანიშნავია, რომ მიუხედავად მძიმე პირობებისა, ფერეიდნელი ქართველები უკვე რამდენიმე ასწლეულია ცდილობენ შეინარჩუნონ ქართული ფესვები და თვითმყოფადობა. ერთთვიანი კურსის ფარგლებში, ფერეიდნელების ჯგუფები იღებენ ქართული ენის გაკვეთილებს, ეცნობიან ქართულ კულტურას, სწავლობენ ქართულ ხალხურ სიმღერას, სტუმრობენ ქვეყნის სხვადასხვა კუთხეებს, ხოლო დასკვნითი ღონისძიების ფარგლებში, ხალხური სიმღერის კონცერტსაც მართავენ. პროექტი, რომელსაც სათავეში ზვიად ტომარაძე უდგას, ბოლო პერიოდში სახელმწიფოს, კერძოდ კი პრეზიდენტის სარეზერვო ფონდიდან ფინანსდებოდა.
2018 წელს, ოქტომბერი-ნოემბრის თვეში, უკვე მეათე ჯგუფის ჩამოყვანა მოხდა საქართველოში, რომელიც ამჯერად კერძო სექტორიდან, „დრესაპ ჯგუფის“ დაფინანსების საშუალებით განხორციელდა.
ზვიად ტომარაზე - პროექტის ორგანიზატორი:
„2015 წლის 6 მაისიდან 10 მაისის ჩათვლით, ვიმყოფებოდი ფერეიდანში, სადაც ჩავიტანე ქართული წიგნები ფერეიდნელი ქართველებისთვის. ამ ვიზიტის დროს გამოიკვეთა ამ პროექტის განხორციელების სურვილი და აუცილებლობა ირანში მცხოვრები ქართველებისგან. მართალია ფერეიდნელთა უმრავლესობა ქართულად საუბარს ახერხებს, თუმცა მათი ქართული ენის ცოდნა არ არის სრულყოფილი და ქართულად წერა უმრავლესობას უჭირს. 2016 წლის 15 ივნისიდან 2018 წლის 14 ნოემბრამდე წარმატებით განხორციელდა 10 პროექტი.
პროექტის არსებობის ფარგლებში, მისი დაფინანსება 2-ჯერ მოხდა „ბავშვთა ახალგაზრდობისა და განვითარების ფონდის“ მიერ, შვიდჯერ პრეზიდენტის სარეზერვო ფონდიდან, მე-10 საიუბილეო პროექტი კი „დრესაპ ჯგუფმა“ დააფინანსა. წლევანდელი მეათე ჯგუფისათვის ჩატარებულ კურსის შეთხვევაში, პირველად დაფიქსირდა პრეცენდენტი, როდესაც კურსის დაფინანსება მოხდა კერძო სექტორის მხრიდან, რაც ვფიქრობ რომ ნამდვილად სამაგალითო საქციელია და კარგი იქნება, თუ სხვა კომპანიებიც დაინტერესდებიან და ჩაერთვებიან ამ საერო პროექტში.“
წელს, ნოემბრის თვეში ჩატარებული კურსი კიდევ ერთი ფაქტორით იყო უნიკალური. პროექტის არსებობის ფარგლებში პირველად, ჯგუფის წევრებს საშუალება მიეცათ მიეღოთ რეალური სამუშაო გამოცდილება, ქართულ საზოგადოებასთან უკეთესი ინტეგრაციისათვის. დღეისათვის “დრესაპ ჯგუფში“ შემავალ ერთ-ერთ მაღაზიაში - „ჯინს გალერი“, ოთხი ფერეიდნელი ქართველი გადის სამუშაო პრაქტიკას. პრაქტიკის ფარგლებში ფერეიდნელებს უწევთ საზოგადოებასთან აქტიური კომუნიკაცია, რაც მათ კიდევ უფრო მეტად ეხმარება ქართული სასაუბრო ენის დახვეწაში. აღნიშნული პრაქტიკის ფარგლებშიც, „დრესაპ ჯგუფი“ დამატებითი სტიპენდიით უზრუნველყოფს ფერეიდნელ ქართველებს.
„დრესაპ ჯგუფის“ მაღაზიათა ქსელის დირექტორი ლელა სამხარაძე:
„ჩვენი ჯგუფი ყოველთვის ცდილობს მაქსიმალურად მხარი დაუჭიროს ყველაფერს ქართულს და იმას რაც ჩვენს ისტორიას, წინაპრებს, ენას და კულტურას ეხება.
ქართველი ფერეიდნელების საკითხიც, ისევე როგორც საქართველოსა და მისი ისტორიისათვის, ასევე პირადად ჩემთვისაც ძალიან მგრძნობიარე თემაა. შესაბამისად, გადავწვიტეთ, რომ ამ მნიშვნელოვანი პროექტის განხორციელებაში ჩვენი წვლილი შეგვეტანა. გაგვიხარდება, თუ სამომავლოდ სხვა კომპანიებიც ჩაებმებიან ამ კეთილ და ეროვნულ საქმეში.“
ფერეიდნელების ნოემბრის ვიზიტი ბოლო პროექტი იყო 2018 წლისათვის. ბატონი ზვიადის, როგორც პროექტის ავტორისა და ორგანიზატორის თქმით, აღნიშნული პროექტის მიმართ არსებობს დიდი დაინტერესება ახალგაზრდა ქართველი ფერეიდნელების მხრიდან. იგი იმედს იტოვებს, რომ ქართული საზოგადოებისა თუ ბიზნეს სექტორის ჩართულობითა და დახმარებით პროექტი 2019 წელსაც შედგება.
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
