"ბომონდის" ოქროსფერი ღამე - რა ხდებოდა წუხელ სამორინე "ამბასადორში"

ჟურნალმა "ბომონდმა" წინასაახალწლოდ საკუთარ მკითხველს და პარტნიორებს წვეულება მოუწყო, რომელზეც უამრავმა ადამიანმა მოიყარა თავი. გლამურულმა ქართულმა გამოცემამ ტრადიციას არც ამჯერად უღალატა და 22 წლის საიუბილეო ღონისძიებაზე, სტუმრებს განსაკუთრებულ გარემოში - სამორინე "ამბასადორში" უმასპინძლა.

ცნობილი ადამიანებს ღონისძიებაზე დრეს-კოდის შესაბამისად შავი და ოქროსფერი სამოსი ეცვათ. "Beaumonde golden night"-ის სტუმრებისთვის ეს მართლაც ოქროს წვეულება გამოდგა, სადაც უამრავი საჩუქარი გათამაშდა.

თეა აგლაძე, "ბომონდის" მთავარი რედაქტორი:

"ჟურნალი "ბომონდი" ცნობილია ორიგინალური წვეულებებით და გვინდოდა ეს ტრადიცია არც წინასაახალწლოდ დაგვერღვია. ამიტომ ჩვენს სტუმრებს უჩვეულო და უპრეცედენტო გარემოში, სამორინეში ვუმასპინძლეთ. დიდ მადლობას ვუხდით მხარდაჭერისთვის გენერალურ სპონსორს - კომპანია "გაგრა პლუსს", "ლიერაკს" და კაზინო "ამბასადორს".

მარიამ გოგოჭური, სამორინე "ამბასადორის" მარკეტინგის ხელმძღვანელი:

"სამორინე "ამბასადორმა" დღეს დაუშვა უპრეცედენტო ფაქტი, მედიის წარმომადგენლებს და სხვა ადამიანებს უმასპინძლა სათამაშო სივრცეში. იმედი გვაქვს ყველა სტუმარი კმაყოფილი დარჩა"

თეონა ადამია, ბრენდ-მენეჯერი გაგრა+:

"კომპანია "გაგრა +" ყოველთვის მხარს უჭერს "ბომონდის" ღონისძიებებს. დღეს, ამ უჩვეულო გარემოში ჩვენი კომპანია წარმოდგენილია პრემიუმ ხარისხის ბრენდით Stoli Gold.

სასტუმრო "ამბასადორის" მისაღებში, "ბომონდის" სტენდთან ფოტოების გადაღების და პოზირების შემდეგ, სტუმრებმა სამორინეში გადაინაცვლეს, სადაც მათ გემრიელი კერძები დააგემოვნეს და გათამაშებაში მიიღეს მონაწილეობა.

გათამაშდა "ლიერაკის" სილამაზის ჩემოდნები, "Stoli Gold"-ის პრემიუმ არაყი, ასევე საჩუქრები გაათამაშეს "ბომონდის" პარტნიორებმა: "ართთაიმი"; "Sam Raan Spa"; "ერგოლაინი", "ლუტეცია", კომპლექსი "კაჭრეთი ამბასადორი", "არომათეკა" და "Stefano Ricci". ასევე, კაზინომ სტუმრებისთვის ორი 200-დოლარიანი ვაუჩერი გაათამაშა.

ჟურნალი "ბომონდი" ქართულ ბაზარზე რამდენიმე ათეული წლის წინ გამოჩნდა და მას არაერთი დღეს უკვე წარმატებული ადამიანის აღმოჩენაში და პოპულარიზაციაში აქვს საკუთარი წვლილი შეტანილი. შესაბამისად ისინი ჟურნალის ღონისიებებს მუდმივად სტუმრობენ.

ცისანა სეფიაშვილი, მომღერალი: რაც თავი მახსოვს, მახსოვს რომ არსებობს ჟურნალი "ბომონდი". ჩემი პირველი ნაბიჯები სწორედ "ბომონდთან" არის დაკავშირებული და შესაბამისად განსაკუთრებულად მიყვარს. ვულოცავ მას 22 წლის იუბილეს და ვუსურვებ ბევრჯერ გაგვახაროს საინტერესო პროექტებით და გამოგონებებით.

ეკა ჩხეიძე, მსახიობი: "ბომონდის" საღამოები ყოველთვის არაჩვეულებრივია, ამიტომ მუდამ დიდი სიხარულით მოვდივარ. ამ ჟურნალის მუდმივი მკითხველი ვარ და რესპოდენტიც არაერთხელ ვყოფილვარ.

ნიკა წულუკიძე, თეატრმცოდნე: ვულოცავ "ბომონდს" 22 წლის იუბილეს. ეს არის მნიშვნელოვანი გამოცემა, რომელსაც მუდმივად უდევს ხელი, ქალაქის პულსაციაზე. ამ ჟურნალს პირველად ეგვიპტეში დავუმეგობრდი, მე და დათო ტურაშვილმა ნილოსით შემოვიარეთ მთელი ეგვიპტე და იქ შევხვდით რედაქტორს, ქალბატონ თეა აგლაძეს. დღევანდელ საღამოს რაც შეეხება, პირველად ვარ სამორინეში და არაჩვეულებრივი ღონისძიება შედგა".

ფოტო: გიორგი ჟამერაშვილი