მნიშვნელოვანი ინფორმაცია
26
ივნისიდღის ზოგადი ასტროლოგიური პროგნოზი
პარასკევი, მთვარის მესამე დღე დაიწყება 06:24-ზე, მთვარე ლომში გადავა 10:09-ზე – ენერგიული დღეა. მოქმედების დროა, ხელსაყრელია ფიზიკური დატვირთვა. მოერიდეთ აგრესიის ნებისმიერ გამოვლინებას. გამოიჩინეთ მონდომება და გამძლეობა. არ არის რეკომენდებული ფინანსური საკითხების მოგვარება, შესაძლებელია ფულადი დანაკარგები. აქტიური ორგანოებია გული, სისხლის მიმოქცევის სისტემა, არტერიები, ზურგი, დიაფრაგმა. ცილები და ხილი კარგად შეიწოვება. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
„ასაფეთქებლებს“ 18 წლამდე პირები ვეღარ იყიდიან - პარლამენტი კანონს დაჩქარებული წესით განიხილავს
11:44 / 13-12-2018
„ადმინისტრაციულ სამართალდარღვევათა კოდექსში“ შესატანი ცვლილებები, რომლის მიხედვით, პიროტექნიკის 18 წლამდე პირებისთვის მიყიდვა იკრძალება და ადმინისტრაციული წესით დასჯადი ხდება, პარლამენტის იურიდიულ საკითხთა კომიტეტზე დაჩქარებული წესით განიხილეს.
როგორც კომიტეტის სხდომაზე პარლამენტის განათლების და კულტურის კომიტეტის თავმჯდომარემ, მარიამ ჯაშმა განაცხადა, პიროტექნიკის გამოყენების გამო, მხოლოდ 2018 წლის 2 იანვრისთვის 44 ტრავმატიზმის შემთხვევა იყო დაფიქსირებული, მათ შორის 24 ბავშვებში.
„წინასაახალწლოდ და სადღესასწაულო დღეებში ჩვენ ყოველწლიურად მნიშვნელოვანი ტრავმატიზმის შემთხვევების მომსწრენი ვართ, რომელიც დაკავშირებულია პიროტექნიკის უსაფრთხოდ გამოყენების წესების დარღვევასთან. მხოლოდ 2018 წლის 2 იანვრისთვის 44 ტრავმატიზმის შემთხვევა იყო დაფიქსირებული, მათ შორის 24 ბავშვებში. დასავლეთ ევროპის ქვეყნებში, ასევე შეერთებულ შტატებში მთელი რიგი რეგულაციები აწესრიგებს პიროტექნიკის უსაფრთხოების წესებს, არა მხოლოდ გამოყენების, არამედ, იმპორტის, ექსპორტის, შეფუთვის და ა.შ. ბუნებრივია, ამ წესების დანერგვა იქნებოდა ნაჩქარევი, ის მოითხოვს განხილვას, როგორც კერძო სექტორის წარმომადგენლებთან, ასევე რეალიზაციაში ჩართულ კომპანიებთან. მინიმალური სტანდარტი ამ მიმართულებით არის ასაკობრივი შეზღუდვა პიროტექნიკის პროდუქციის შესყიდვაზე. ჩვენი რეალობიდან გამომდინარე, ვფიქრობთ, რომ ბევრად უფრო მარტივი იქნება ადმინისტრაციის თვალსაზრისით, 18 წლამდე არასრულწლოვნებისთვის შეზღუდვის დაწესება. მეორე მნიშვნელოვანი კომპონენტია, რომ მთავრობასთან შეთანხმებით, აღსრულებას მოახდენს მუნიციპალიტეტი. კანონპროექტის მთავარი არსია ადმინისტრაციული ჯარიმის დაწესება კანონის დარღვევის შემთხვევაში ფიზიკური პირებისთვის 100 ლარი, ხოლო იურიდიული პირებისთვის 200 ლარი. განმეორების შემთხვევაში კი ჯარიმების გაორმაგება“, - განაცხადა მარიამ ჯაშმა.
კანონპროექტის მიხედვით, ადმინისტრაციულ სამართალდარღვევათა ოქმებს ადგენს და საქმეებს იხილავს მუნიციპალიტეტის აღმასრულებელი ორგანოს შესაბამისი სამსახური ან მის მიერ უფლებამოსილი პირი.
ცნობისთვის, ადმინისტრაციულ სამართალდარღვევათა კოდექსში“ შესატანი ცვლილებების კანონპროექტის ავტორი და ინიციატორები არიან პარლამენტის წევრები: მარიამ ჯაში, სიმონ ნოზაძე, რევაზ არველაძე, გურამ მაჭარაშვილი, დიმიტრი ხუნდაძე, ენძელა მაჭავარიანი, სვეტლანა კუდბა, რატი იონათამიშვილი და ზაზა გაბუნია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
