მნიშვნელოვანი ინფორმაცია
12
ივნისიდღის ზოგადი ასტროლოგიური პროგნოზი
ხუთშაბათი, მთვარის მეჩვიდმეტე დღე დაიწყება 23:57-ზე, მთვარე თხის რქაში გადავა 05:54 –
კარგად შეძლებთ მნიშვნელოვანი ამოცანების დაგეგმვასა. იმ სამუშაოს შესრულებას, რომელიც მოითხოვს სიზუსტეს, მათემატიკურ გამოთვლებს და ინსტრუქციების მკაფიო დაცვას. ადამიანი ავლენს პასუხისმგებლობას, პრაქტიკულობას და მოვალეობის გრძნობას. რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. აქტიური ორგანოებია: მუხლები, ძვლები, სახსრები, კანი, სისხლის მიმოქცევის სისტემა. დაიცავით უმარილო დიეტა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"როცა გამლახეს, საავადმყოფოში აღმოვჩნდი, სადაც ჩემი დაჭერა უნდოდათ თეთრ ხალათებში გადაცმულ კუდ-ის წევრებს" - 7 ნოემბრის საქმეზე ცნობილი მოწმეები იკითხებიან
14:45 / 12-12-2018
მეორედ როცა გამლახეს, უნებურად საავადმყოფოში აღმოვჩნდი, სადაც ჩემი დაჭერა უნდოდათ თეთრ ხალათებში გადაცმულ კუდ-ის წარმომადგენლებს. იქიდან გამოვიპარე, ვიდრე სააკაშვილი გადადგებოდა, ვიმალებოდი, - აღნიშნულის შესახებ სასამართლოს სხდომის პროცესის დაწყებამდე ჟურნალისტებს ლევან გაჩეჩილაძემ განუცხადა.
როგორც ის განმარტავს, ყოფილი ხელისუფლების ქმედებები ანტიკონსტიტუციური იყო.
„რაც იმდროინდელმა ხელისუფლებამ ჩაიდინა, ანტისახელმწიფოებრივი, ანტიქართული და ანტიკონსტიტუციური იყო. ამის ჩვენთვის გადმობრალება უნდოდათ, მაგრამ 100%-ით დარწმუნებული ვარ, რომ ისინი ანტიკონსტიტუციურად მოიქცენენ. მე მოშიმშილე ვიყავი, ორჯერ სასტიკად გამისწორდნენ. ძირითადად, კუდ-ის ქვედანაყოფები გამისწორდნენ, რომლებიც ძალიან ზომბირებულები იყვნენ. იმდენად ცუდად გავხდი, მეორედ როცა გამლახეს, უნებურად საავადმყოფოში აღმოვჩნდი, სადაც ჩემი დაჭერა უნდოდათ ისევ თეთრ ხალთებში გადაცმულ კუდ-ის წარმომადგენლებს. იქიდან გამოვიპარე, სანამ სააკაშვილი გადადგებოდა, ვიმალებოდი", - განაცხადა გაჩეჩილაძემ.
ამ წუთებში გაჩეჩილაძე თბილისის საქალაქო სასამართლოში 7 ნოემბერს მომხდარი დარბევის საქმეზე ჩვენებას აძლევს. სასამართლოში ჩვენების მისაცემად იმყოფებოდა ასევე პარლამენტის წევრი ზვიად ძიძიგური. მან ჟურნალისტებთან კიდევ ერთხელ გაიხსენა 2007 წლის 7 ნოემბრის დარბევა.
"დილით 11 საათზე ძალიან სასტიკი დარბევა იყო, რომელსაც ახორციელებდნენ ნიღაბში გამოწყობილი ადამიანები, მაგრამ ისინი არ იყვნენ პოლიციელები, ისინი ჯინსებში და სამოქალაქო ტანსაცმელში გამოწყობილი იყვნენ. იქ მოვყევი ჭყლეტაში, გავიგუდე გაზით და ძლივს მომასულიერეს რამდენიმე საათის განმავლობაში პარლამენტის შენობაში. შემდეგ რიყეზე დარბევაშიც მოვყევი, სადაც მასიური და სასტიკი დარბევა იყო, მომიტინგეებს უსწორდებოდნენ, ნაცემ ადამიანებს მისდევდნენ, მაღაზიებში, სადარბაზოებში და უსწორდებოდნენ.
ბოლოს ტელეკომპანია "იმედში", პოლიტიკურ გადაცემაში ვიყავი მიწვეული, იქაც "იმედს" შემოარტყა სპეცრაზმა ალყა, დეპუტატებიც დაგვაპატიმრეს, ჟურნალისტებიც და ცინიკური, შეურაცხმყოფელი ანგარიშსწორება იყო", - განაცხადა ძიძიგურმა.
დღეს სასამართლოში ჩვენებას კახა კუკავაც მისცემს.
როგორც პროცესის დაწყებამდე ჟურნალისტებს საქმის პროკურორმა, დავით ნეფარიძემ განუცხადა, დღეს დასაკითხი პირები 7 ნოემბერს, როგორც რუსთაველის გამზირზე და რიყის ტერიტორიაზე განვითარებულ მოვლენებზე ისაუბრებენ, ასევე, ისაუბრებენ ტელეკომპანია "იმედში" შეჭრის თაობაზეც.
"დღევანდელ სასამართლო სხდომაზე ბრალდების მხარეს წარმოდგენილი ჰყავს 5 მოწმე, მათ შორის 3 გახლავთ იმჟამინდელი ოპოზიციის წევრი, რომლებიც თბილისში, რუსთაველის გამზირზე 2 ნოემბრიდან მიმდინარე აქციების ორგანიზატორები იყვნენ და ამ აქციაში მინაწილეობდნენ. შესაბამისად, ისინი ისაუბრებენ 7 ნოემბერს, როგორც რუსთაველის გამზირზე და რიყის ტერიტორიაზე განვითარებულ მოვლენებზე, როცა დარბეული იქნა მშვიდობიანი აქცია, ასევე, ისაუბრებენ ტელეკომპანია "იმედში" შეჭრის თაობაზე, სადაც ისინი ერთ-ერთ თოქ შოუში მონაწილეობის მისაღებად იმყოფებოდნენ.
დღევანდელ სასამართლო სხდომაზე ასევე წარმოდგენილი არის ერთი გამომძიებელი, რომელიც მის მიერ ჩატარებულ საგამოძიებო მოქმედების გარშემო ისაუბრებს.
ასევე იქნება ერთი მოწმე წარმოდგენილი, რომელიც ბადრი პატარკაციშვილის ქონებასთან, კერძოდ, რუსთავის მეტალურგიულ ქარხანასთან დაკავშირებით მიაწვდის სასამართლოს ინფორმაციას", - განაცხადა ნეფარიძემ.
შეგახსენებთ, რომ 2007 წლის 7 ნოემბრის საქმეზე ბრალდებულები არიან: მიხეილ სააკაშვილი, გიგი უგულავა, ვანო მერაბიშვილი, დავით კეზერაშვილი და ზურაბ ადეიშვილი.
ოპოზიციის საპროტესტო აქციები, მიხეილ სააკაშვილის ხელისუფლების შეცვლის მოთხოვნით, 2007 წლის 3 ნოემბერს დაიწყო. 2007 წლის 7 ნოემბრისთვის ოპოზიციამ პარლამენტის შენობასთან "კარვების ქალაქის" გაშლა დააანონსა. პარალელურად, თბილისში არსებულ სახელმწიფო დაწესებულებებთან "სირცხვილის კორიდორების" მოწყობა გრძელდებოდა. აქცია პოლიციის მიერ მისი მონაწილეთა დაშლით, ცრემლსადენი აირის, ხელკეტების, რეზინის ტყვიების, აკუსტიკური თოფებისა და წყლის ჭავლის გამოყენებით, ტელეკომპანია "იმედში" სპეცრაზმის შეჭრითა და ქვეყანაში საგანგებო მდგომარეობის გამოცხადებით დასრულდა.
პოლიტიკური კრიზისის საპასუხოდ, მაშინდელმა პრეზიდენტმა მიხეილ სააკაშვილმა 15 დღით საგანგებო მდგომარეობა გამოაცხადა და ვადამდელი საპრეზიდენტო არჩევნები დანიშნა.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ძალიან სამწუხაროა-ეს ორი და მესამე-კუკავა-ნომრიანი გრუს აგენტი დღესაც,რომ პასუხს არ აგებენ ანტიქართულ ქმედებებზე! არა უშავს დრონი მეფობენ და არა...