სინდი კროუფორდი და მისი 17 წლის ქალიშვილი წითელ ხალიჩაზე - დედა-შვილს თვალს ვერ მოწყვეტთ
90-იანების სუპერმოდელი სინდი კროუფორდი და მისი 17 წლის ქალიშვილი, მსოფლიო პოდიუმის ამომავალი ვარსკვლავი კაია გერბერი ლონდონში გამართული ღონისძიების ერთ-ერთ მთავარ ვარსკვლავებად იქცნენ. დედა-შვილი "ალბერტ ჰოლში" წითელ ხალიჩაზე ფანტასტიკურად გამოიყურებოდა და ფოტოგრაფებისთვის პოზირებდა.
კროუფორდი-გერბერების ოჯახი სრული შემადგენლობით მივიდა 2018 წლის მოდის სამყაროს პრესტიჟულ დაჯილდოვებაზე: სინდი კროუფორდის ქმარი, რენდი გერბერი და წყვილის შვილები - კაია და პრესლი (რომელიც ასევე მოდელია).
კროუფორდმა წითელ ხალიჩაზე Marchesa-ს შავი კაბით გაიბრწყინა, მის ქალიშვილს კი Alexander McQueen-ის შავ-ვერცხლისფერი კაბა ეცვა.
ღონისძიებაზე კაიამ მნიშვნელოვანი ჯილდო მიიღო - ის 2018 წლის მოდელად დასახელდა. 17 წლის კაიამ პირველობა არ დაუთმო ისეთ მოდელებს, როგორებიც არიან: ბელა ჰადიდი და ვინი ჰარლოუ.
უდავოა, რომ კაიას სილამაზე და უზადო გარეგნობა მემკვიდრეობით მშობლებისგან ერგო. გოგონა მოდის ინდუსტრიაში 10 წლის ასაკიდან ჩაება, როდესაც "ვერსაჩეს" ახალგაზრდული სამოსი წარადგინა. ფოტოსესიაზე კაია პროფესიონალი მოდელივით იქცეოდა და კამერის წინ პოზირება არ გასჭირვებია.
საუკეთესოდ ჩაცმული ქალები "ოქროს გლობუსის" ცერემონიაზე - ვინ გახდა წითელი ხალიჩის დედოფალი?
"პროფილაქტიკაში შავ სამუშაოებს ვასრულებ..." - გაიცანით ლაშა ნანობაშვილი "მხოლოდ ქართულიდან"
