ორმა მონაზონმა ნახევარი მილიონი დოლარი კაზინოებში დახარჯა - აშშ-ს პოლიცია საქმეს არ აღძრავს

ორმა მონაზონმა, რომლებიც კათოლიკურ სკოლაში მუშაობენ, აღიარეს, რომ სკოლის კუთვნილი 500 ათასი დოლარი ლას-ვეგასში, კაზინოში დახარჯეს, ინფორმაციას BBC ავრცელებს.

მერი კრეუპერმა და ლანა ჩენგმა, რომლებიც უახლოესი მეგობრები არიან, თანხა ლოს-ანჯელესთან მდებარე ქალაქის, ტორენსის სკოლიდან მოიპარეს.

მონაზვნები ამბობენ, რომ დანაშაულს ნანობენ.

მერი კრეუპერი სკოლის დირექტორად 29 წლის განმავლობაში მუშაობდა, ლანა ჩენგს კი ამავე სკოლაში მასწავლებლად მუშაობის 20 წლიანი სტაჟი აქვს. აღნიშნული თანხა მონაზვნებმა, სავარაუდოდ, ბოლო 10 წლის განმავლობაში დახარჯეს მოგზაურობასა და აზარტულ თამაშებში.

წმინდა ჯეიმსის სახელობის კათოლიკურმა სკოლამ გაავრცელა განცხადება, რომ მონაზვნები ჩადენილი დანაშაულის გამო „ღრმა სინანულს“ გამოთქვამენ. მომხდარის შესახებ პოლიციას ინფორმაცია აქვს, თუმცა მათ წინააღმდეგ საქმეს არ აღძრავენ.

„დებმა აღიარეს ფონდში არსებული თანხის უკანონოდ გახარჯვა და გამოძიებასთან ითანამშრომლეს,“ - აღნიშნულია სკოლის განცხადებაში.