მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ზურაბიშვილი არ ითვალისწინებდა რჩევებს, მასთან მუშაობა რთული იყო" - მოშე კლუგჰაფტი საქართველოში მუშაობის შესახებ
15:26 / 10-12-2018
ისრაელელი პოლიტტექნოლოგი მოშე კლუგჰაფტი, რომელიც „ქართულ ოცნებას“ არჩევნების მეორე ტურისთვის ეხმარებოდა, ამბობს, რომ საქართველოს გარდა არცერთ ქვეყანაში მუშაობისას ანტისემიტური განცხადებები პოლიტიკოსებისგან არ მოუსმენია. პოლიტტექნოლოგმა ამის შესახებ ისრაელის „მეცხრე არხთან“ ისაუბრა, ინტერვიუს sova.news ავრცელებს.
კლუგჰაფტი მიხეილ სააკაშვილის განცხადებას ეხმაურება. საქართველოს ყოფილმა პრეზიდენტმა განაცხადა, რომ „ქართულმა ოცნებამ“ "ვიღაც ებრაელ აფერისტს, მოშეს მისცა მილიონ ორასი ათასზე მეტი“.
„ბოლო პერიოდში მსოფლიოს ბევრ ქვეყანაში მომიწია მუშაობა. არასოდეს გამიგია, რომ ვინმეს ჩემს წარმოშობაზე, ეროვნებასა და რელიგიაზე გაეკეთებინა აქცენტი. ეს არ არის ლამაზი და სრულიად უადგილოა. მგონია, რომ მან ბოდიში მოიხადა საკუთარი სიტყვებისთვის, რომლის გამოც საქართველოში დაცვა მომიჩინეს - ასეთი რამაც პირველად შემემთხვა. მაშინაც კი, როდესაც გრძნობთ, რომ აგებთ, სახე უნდა შეინარჩუნოთ. სააკაშვილი, ასევე, ამბობდა, რომ მე არ მესმის ქართული მენტალიტეტის და ამიტომ წავაგებდით. ის ამ შემთხვევაშიც შეცდა,“ - ამბობს კლუგჰაფტი ინტერვიუში.
პოლიტტექნოლოგი საუბრობს გადაწყვეტილებაზეც - საარჩევნო პლაკატებზე მეორე ტურისთვის სალომე ზურაბიშვილის გარდა მმართველი პარტიის ლიდერებიც გამოჩენილიყვნენ, რომელიც, როგორც ირკვევა, სწორედ მისმა გუნდმა მიიღო.
„ჩვენ ჩამოვედით მეორე ტურისთვის და გადავწყვიტეთ, გაგვეკეთებინა აქცენტი არა მხოლოდ კანდიდატზე, არამედ ძალაზე, რომელიც კანდიდატების უკან იდგნენ და მხარს უჭერდნენ მათ. ეს იყო „ქართული ოცნებისა“ და „ნაციონალური მოძრაობის“ დაპირისპირება. ამიტომ ბილბორდებისთვის არა მხოლოდ სალომე ზურაბიშვილის ფოტოები გამოვიყენეთ, სადაც ის ლიდერად არის წარმოჩენილი, არამედ - მმართველი პარტიის ლიდერების სურათებიც. იმის მიუხედავად, რომ ზურაბიშვილი დამოუკიდებლად იყრიდა კენჭს, სხვა პოლიტიკოსების გამოჩენა საჭირო იყო, ისინი პოპულარულები არიან და საკუთარ ელექტორატთან აქტიურად მუშაობდნენ. წინასაარჩევნო კამპანიის წესია - არის კანდიდატი და არიან ისინი, ვინც მას მხარს უჭერენ.
ასევე, იყვნენ სხვა ადამიანებიც, ვინც იდგნენ ოპოზიციის კანდიდატის, გრიგოლ ვაშაძის უკან. ძალიან მნიშვნელოვანი იყო, მიგვეტანა გზავნილი მოსახლეობამდე - არჩევანს აკეთებთ არა მხოლოდ ორ კანდიდატს, არამედ ორ იდეოლოგიას და მმართველობის ორ წესს შორის,“ - აღნიშნავს კლუგჰაფტი.
პოლიტტექნოლოგი ყვება, რომ საქართველოში ჩამოსვლამდე ქვეყნის შესახებ არაფერი იცოდა, თუმცა თბილისში მალევე შეისწავლა ყველაფერი, რაც მუშაობისთვის სჭირდებოდა.
„სიღრმისეული ანალიზის შემდეგ აყალიბებთ სწორ დაპირებებს, რომელიც ხალხს იმ გადაწყვეტილებისკენ უბიძგებს, რომელიც თქვენს კანდიდატს წაადგება. ამასთან, გზავნილებმა არ უნდა შეაშინოს ისინი, ვინც ცალსახად მხარს უჭერენ თქვენს კანდიდატს“ - ყვება საკუთარი მიდგომების შესახებ მოშე კლუგჰაფტი.
ჟურნალისტის კითხვაზე, რამდენად სწორი იყო სააკაშვილის მიერ დასახელებული თანხა - მილიონ ორასი ათასი დოლარი საქართველოში ჩატარებული პიარკამპანიისთვის, კლუგჰაფტი პასუხობს, რომ „დაე, სააკაშვილმა დაფაროს განსხვავება“, თუმცა რა თანხა გადაუხადა საქართველოს ხელისუფლებამ, ის არ აკონკრეტებს.
„საქართველოში რომ ჩავედი, პირველი დღეების განმავლობაში ქვეყანაში ხმაური იყო, მიტინგები... „ქართული ოცნების“ მისამართით მძიმე ბრალდებებს ვისმენდით. ავრცელებდნენ პარტიის ლიდერების უძრავი ქონების ფოტოებს, რომელიც დრონებით იყო გადაღებული. მქონდა განცდა, რომ ეს ყველა თავდასხმა მმართველ პარტიაზე ვიღაცას წინასწარ ჰქონდა დაგეგმილი და გათვლილი. ამიტომ განვაცხადე - უნდა გადავიდეთ საპასუხო თავდასხმაზე და არ უნდა ვიყოთ თავის მართლების რეჟიმში,“ - იხსენებს კლუგჰაფტი.
რაც შეეხება თავად სალომე ზურაბიშვილს, ისრაელელი პოლიტტექნოლოგის შეფასებით, არჩეული პრეზიდენტი უფრო ლიდერია, ვიდრე - პოლიტიკოსი და მასთან მუშაობა მარტივი არ იყო.
„ის ლიდერია, ამიტომ გაუჭირდა კამპანიის ჩატარება. ზურაბიშვილი საქმის ადამიანია. იყო საგარეო საქმეთა მინისტრი, ელჩი, მოვიდა, რომ ემუშავა. ამიტომ, როდესაც ვუთხარით, რომ საჭიროა საზოგადოებაში გასვლა, ბავშვებისთვის ლოყაზე კოცნა, ის ამით დიდად არ დაინტერესდა და რჩევები არ გაითვალისწინა. ზურაბიშვილი არ ცდილობს გააკეთოს ის, რასაც აკეთებენ სხვა პოლიტიკოსები წინასაარჩევნო კამპანიის დროს. ამ კუთხით - ის არის კანდიდატი, ვისთან მუშაობაც რთულია.
კამპანიის დროს მიღებული პრაქტიკაა შეხვედრა ხალხთან, ახალგაზრდობასთან. მისვლა იქ, სადაც სხვა დროს არ დადიხართ. მან ამ ყველაფერზე უარი თქვა. გადაწყვიტა, რომ უნდა ყოფილიყო ისეთი, როგორიც იქნება არჩევნების შემდეგ. მე ვუთხარი - „გასაგებია, რომ არ მოგწონთ თავის მოჩვენება, მხოლოდ ერთ რამეს გთხოვთ - ისე მოიქეცით, თითქოს უკვე პრეზიდენტი ხართ“. მან ჩემი რჩევა გაითვალისწინა და მგონია, რომ სწორედ ამან იმუშავა მის სასარგებლოდ,“ - განაცხადა ინტერვიუში კლუგჰაფტმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
