"ვერ აღვიძებდნენ 8 დღე, როცა გააღვიძეს, ტვინის დაჟეჟილობაც აღმოაჩნდა" - რა მდგომარეობაშია მიხეილ გიორგაძე თურქეთის კლინიკაში
განათლების, მეცნიერების, კულტურისა და სპორტის მინისტრის პირველი მოადგილე მიხეილ გიორგაძე, რომელიც ავარიის შემდეგ თურქეთის ერთ-ერთ კლინიკაში იმყოფება, რეანიმაციიდან პალატაში გადაიყვანეს.
ამის შესახებ AMBEBI.GE-ს მიხეილ გიორგაძის მეგობარმა კახა კანდელაკმა განუცხადა. მისივე თქმით, ფილტვის მუშაობა უკვე აღდგა და გიორგაძის მდგომარეობაც უმჯობესდება.
"როგორც იქნა, გადავრჩით. ექიმებსაც უკვირთ, ასეთი დაზიანებების შემდეგ როგორ მოახერხა მიშას ორგანიზმმა ასე სწრაფად რეაბილიტაციის დაწყება. გვითხრეს, რადგან სპორტსმენი იყო, ძლიერი ორგანიზმი აქვს და ამის დამსახურებით გადარჩაო. ლაპარაკიც შეუძლია. მენჯები და ნეკნები აქვს დამტვრეული, ახლა უნდა მოხდეს ამ ძვლების აღდგენა.
რაც მთავარია, ფილტვის მუშაობა აღდგა, სწორედ ამ ფილტვის გამო ჰყავდათ ხელოვნური სუნთქვის აპარატზე, ვერ აღვიძებდნენ 8 დღე, როცა გააღვიძეს, აღმოჩნდა, რომ ტვინის დაჟეჟილობაც ჰქონია. მაგრამ, საბედნიეროდ, ყველაფერი კარგად მიდის“, - განაცხადა კახა კანდელაკმა.
მიხეილ გიორგაძე ორი კვირის წინ ავარიაში მოყვა. იგი საქართველოდან თურქეთში, „ამერიკან ჰოსპიტალში“ გადაიყვანეს, სადაც ამ დრომდე მკურნალობას აგრძელებს.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
