მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მოგმართავთ ყველას, ვისთვისაც სულერთი არ არის ჩემი პატარების და ჩემი ოჯახის მომავალი" - ირინა სარიშვილი დახმარებას ითხოვს
13:09 / 08-12-2018
ირინა სარიშვილი "ფეისბუქის" პირად გვერდზე ვრცელ მიმართვას აქვეყნებს, რომელშიც საზოგადოებას დახმარებას თხოვს. სარიშვილის თქმით, მისი პატარების შვილად აყვანის საკითხი სასამართლოს გადაეცა, რის გამოც გადაუდებელ აუცილებლობს წარმოადგენს, მის ოჯახს ჰქონდეს მუდმივი საცხოვრებელი ადგილი, რასაც სასამართლო გაითვალისწინებს. ამის გამო, სარიშვილის მეგობრებმა საქველმოქმედო ფონდში დაიწყეს მისთვის თანხის შეგროვება ბინის შესაძენად. აი, რას წერს ყოფილი პარლამენტარი:
"2018 წლის აგვისტოში ჩემმა მეგობრებმა ამერიკაში ცნობილ ამერიკულ საიტზე gofundme.com-ზე წამოიწყეს კამპანია ჩემთვის და ჩემი ოჯახისთვის ბინის შესაძენი თანხის მოსაგროვებლად. ჩემი მეგობრები დიდი ხანია ამის გაკეთებას აპირებდნენ, მაგრამ ვერ იწყებდნენ იმის გამო, რომ მე თვითონ ვიყავი კატეგორიული წინააღმდეგი ამ გზით ჩემი ოჯახის პრობლემის გადაწყვეტის, რადგან ჯერ ერთი, ბინა მუდმივად შენია თუ ნაქირავები, ჩემთვის არანაირ ტრაგედიას არ წარმოადგენს, ასე ამ ქვეყნადაც დროებით ვართ; და მეორეც - დახმარებისთვის მიმართო სხვებს, მით უმეტეს ამ გაჭირვებულ ყოფაში ჩემთვის დასაშვებია მხოლოდ იმ შემთხვევაში, თუ საქმე ჯანმრთელობას, სიცოცხლეს ეხება.
მიზეზი, რის გამოც მე დავთანხმდი ჩემს მეგობრებს ამ კამპანიის დაწყებაზე, არ არის უბრალოდ ბინის თემა, რომელიც ვიმეორებ მე ნაკლებად მაღელვებს, რაკი თუნდაც ქირით ცხოვრების საშუალება გვაქვს. საქმე ის გახლავთ, რომ რამდენიმე თვის წინ, ჩემი პატარების შვილად აყვანის საკითხი სასამართლოს გადაეცა. მართალი გითხრათ, მე ამის გაკეთებას უფრო მოგვიანებით, სადღაც 2-3 წელიწადში ვაპირებდი, რადგან ჯერ ერთი, ჩვენი კანონმდებლობის თანახმად, როგორც კი ბავშვს ოფიციალურად შვილად გააფორმებ, სახელმწიფო დახმარება წყდება. ეს დახმარება კი ნამდვილად არ არის ზედმეტი პრობლემური ბავშვის სრულფასოვნად მოსავლელად. უფრო მეტიც, მარტო მასაჟებს რა თანხაც ჭირდება, ბევრად აღემატება ამ დახმარების რაოდენობას (სახელმწიფო ვარჯიშების იმის მესამედსაც ვერ აფინანსებს, რაც პრობლემური ბავშვებისთვის აუცილებელია);
მეორე მიზეზი - ეს გახლდათ ბინის საკუთრებაში არქონა, რაც პრობლემა შეიძლება გახდეს სასამართლო პროცესზე. ასეა თუ ისე, "კეთილისმსურველების" თუ რამე სხვა მოსაზრების გამო ჩვენი საქმე უკვე სასამართლოშია. ეხლა ამის მიზეზებზე საუბარს აზრი აღარა აქვს. ჩვენი მთავარი პრობლემა დღეს არის ის რომ მე არ მაქვს ბინა საკუთრებაში, რასაც ითხოვს სასამართლო. ამდენად ბინის თემა ჩემთვის სასიცოცხლო მნიშვნელობის გახდა და პირდაპირ კავშირშია ჩემი შვილების მომავალთან.
მხოლოდ ამიტომ დავთანხმდი ჩემს მეგობრებს ჩემი ბინის შესაძენი თანხის მოგროვების კამპანიის დაწყებაზე და მხოლოდ ამიტომ მოგმართავთ დახმარებისთვის ყველას, ვისთვისაც სულერთი არ არის ჩემი პატარების და მთლიანად ჩემი ოჯახის მომავალი. კარგად ვიცი როგორ უჭირს დღეს ყველას და სურვილიც რომ ჰქონდეს, დიდი თანხით დახმარება უმრავლესობას არ შეუძლია. ასეთი კამპანიის დროს არანაირი მნიშვნელობა ამას არა აქვს. მნიშვნელობა აქვს იმ ადამიანთა რაოდენობას რომლებიც გვერდით დაგვიდგება და მაშინ სულ მცირედი შენატანიც ჯამში საკმარისი იქნება სულ ერთია როგორი და რამხელა, უბრალოდ ბინის შესაძენად, რომ მე სასამართლოსთვის ბინის საკუთრების ცნობა მქონდეს.
არ ვიცი, რამდენად გასაგებად აგიხსენით ჩემი პრობლემა. ძალიან მიჭირს ამაზე საუბარი არა ჩემი ქედმაღლობის გამო, არამედ იმიტომ რომ კარგად ვიცი როგორ უჭირს დღეს ყველას და რამდენი მატერიალურად ჩემზე უარეს დღეშია. მე და ჩემ ოჯახს იმდენი მეგობარი გვახვევია თავს, რომ ნამდვილად ვერ დავიწუწუნებ. უბრალოდ იმან, რომ სასწორზეა ჩემი შვილების მომავალი ანუ ჩემი სოცოცხლე, გამაბედინა თქვენ ასეთი თხოვნით მოგმართოთ. დიდი ბოდიში და უღრმესი მადლობა ყველას, ვინც გულთან ახლოს მიიტანს ამ თხოვნას.
ნახავთ ამ საიტის ბმულს, შეხვალთ და შემდეგ ინსტრუქციის მიხედვით მოიქცევით ვინც თუნდაც ძალიან მცირედით დახმარებას გადაწყვეტს. თუ რომელიმე თქვენგანს რაიმე სხვა გზა ურჩევნია დახმარების, შეუძლია მომმართოს პირადში. ვთხოვ ყველას, საინფორმაციო სააგენტოებს, ჟურნალისტებს, სოციალური ქსელის მომხმარებლებს, გაავრცელოს ეს განცხადება.
კიდევ ერთხელ დიდი ბოდიში და უღრმესი მადლობა ყველას" - წერს ირინა სარიშვილი.
შეგახსენებთ, სარიშვილმა წლების განმავლობაში 7 ბავშვი აიყვანა და მათგან ექვსს ზრდის.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბავშვებს ყველაფერი საუკეთესო . შენ კი მეეჭვები კარგი დედა იყო წარსულიდან გამომდინარე .