მნიშვნელოვანი ინფორმაცია
10
ივნისიდღის ზოგადი ასტროლოგიური პროგნოზი
სამშაბათი, მთვარის მეთხუთმეტე დღე დაიწყება 22:19-ზე, მთვარე მშვილდოსანშია – ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, შესაძლოა სამომავლოდ გამოგადგეთ. არ არის რეკომენდებული გამოიჩინოთ ამბიცია. გადაიტანოთ პასუხისმგებლობა სხვა ადამიანებზე. ჩაერთოთ ფინანსურ ოპერაციებში. მნიშვნელოვანი მოლაპარაკებების წარმოება. დღეს მოხმარებული პროდუქტები უნდა იყოს მაღალი ხარისხის და ახალი. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"საღამო რომანტიულ ცეკვაში გავატარეთ, არც სექსი გვქონია და არც მეტი შეხვედრა..." - ვის უგზავნის წერილებს 25 წელია ირაკლი კაკაბაძე
14:45 / 07-12-2018
ვინ არის მისი ლივინგსტონი და რატომ უგზავნის მას უკვე წლებია წერილებს მწერალი და უფლებადამცველი ირაკლი კაკაბაძე. ამის შესახებ მწერალი "ფეისბუქის" პირად გვერდზე წერს და 1994 წელს გაცნობილი გოგონასთვის გაგზავნილ ერთ-ერთ წერილსაც აქვეყნებს:
"მისი ლივინგსტონი ერთი ტექსასელი გოგოა, რომელიც ვაშინგტონში ერთ-ერთ წვეულებაზე გავიცანი 1994 წლის შემოდგომაზე. ერთი ჩემი ახლობლის ქორწილი იყო და ხალხი ცეკვავდა. მე 25 წლის ვიყავი და ის დაახლოებით 20-ის. ძალიან მიმზიდველი გოგო იყო და მთელი ის საღამო საოცრად რომანტიულ ცეკვაში გავატარეთ. და საუბარში. ერთმანეთს თითქოს ვეალერსებოდით - თუმცა არც სექსი გვქონია და არც მეტი შეხვედრა საერთოდ, მეორე დღეს ის ტექსასში გაფრინდა და მე ვაშინგტონში დავრჩი სახელმწიფო დეპარტამენტში მუშაობის გასაგრძელებლად.
უცნაური იყო, რომ ეს ერთი საღამოს შეხვედრა თავიდან ვერაფრით ამოვიგდე და მასზე ხშირად ვფიქრობდი. და ამ შეხვედრიდან დაახლოებით წელიწადნახევარში - ჰოი, საოცრებავ. ფოსტაში აღმოვაჩინე მის მიერ გამოგზავნილი ხელნაწერი წერილი, სადაც ის თავის ცხოვრებაზე და ხელოვნებაზე მწერდა, რომელზეც ჩვენ მთელი საღამო ვსაუბრობდით, მაშინ როდესაც ერთმანეთს ვეალერსებოდით. ის ტექსასში გათხოვდა და ჩვენ მხოლოდ ერთი საღამოს - და არა ღამის - რომანტიულ მეგობრებად დავრჩით მთელი ცხოვრებით. რამოდენიმე წერილი გავცვალეთ. მერე კი - მეც გადავედი სხვაგან საცხოვრებლად და მანაც შეიცვალა მისამართი. ერთმანეთი თითქოს დავკარგეთ - მაგრამ, მე გავაგრძელე მისთვის წერილების მიწერა და ეს გახდა ჩემი მხატვრული შემოქმედების ნაწილი. მისი ფოტო-სურათიც კი არასდროს მქონია. მქონდა მხოლოდ გრძნობა და იდეა მის შესახებ.
ახლა ის თითქოს ინტუიტურად მპასუხობს - საიდანღაც - არც ის ვიცი, სად ცხოვრობს და იმედი მაქვს, რომ კარგად არის და ჯანმრთელია. დაახლოებით 20 წელია არანაირი ინფორმაცია მის შესახებ არ მაქვს. ეს წერილიც უკვე ქართულად მივწერე და მე მჯერა, რომ ის იღებს ამ წერილებს. ის სად აგზავნის თავის წერილებს, აღარ ვიცი დიდი ხანია. მაგრამ, რაც მთავარია მისი ნააზრევი მომდის. ადამიანებს შორის სიყვარულის ყველა ნაირსახეობას საოცარი ძალა აქვს - ის მატერიას სცდება ყოველთვის. სიყვარული მისტიურია და ამავე დროს საოცრად რაციონალურიც. სწორედ ამიტომაა რომ ვერ ვარ მატერიალისტი - და ამას არც ვნანობ".
წერილი მისი ლივინგსტონს:
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
