_2018-04-17_OIn5pvoZp9n3as.jpg)
მნიშვნელოვანი ინფორმაცია
29
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა თქვა სასამართლოში ვეფხია ბაქრაძემ - "ბრალდებული ცდილობს თავის გამართლებას..."
17:11 / 05-12-2018
განსაკუთრებული სისასტიკით მკვლელობაა 32 ჭრილობა გარდაცვლილის სხეულზე და ასევე, განსაკუთრებული სისასტიკეა 6 და 3 წლის შვილების თვალწინ დედის მკვლელობა, - აღნიშნულის შესახებ პროცესის დასრულების შემდეგ 25 წლის თამარ გამრეკელაშვილის მკვლელობის საქმის პროკურორმა, გია შაიშმელაშვილმა ჟურნალისტებს განუცხადა.
როგორც ის განმარტავს, ბრალდებული ვეფხია ბაქრაძე განსაკუთრებული სისასტიკისგან თავის არიდებას ცდილობს.
„დღევანდელ სასამართლო სხდომაზე დასრულდა ბრალდებულის დაკითხვა, რომელიც წინა პროცესზე დაიწყო. ბრალდებული ცდილობს თავის გამართლებას და განსაკუთრებული სისასტიკისგან თავის არიდებას. საქმის გარემოებები კი სულ სხვა ფაქტებზე მიუთითებენ.
განსაკუთრებული სისასტიკით რომ არის აღნიშნული მკვლელობა ჩადენილი, ამაზე ბრალდებულისგან არც ველოდით ინფორმაციის მოწოდებას. ამის თაობაზე საქმეში არსებული მტკიცებულებები საუბრობს და საუბრობენ მოწმეები, არსებობს ექსპერტიზის დასკვნები, რითიც დასტურდება განსაკუთრებული სისასტიკით ჩადენილი მკვლელობა", - განაცხადა შაიშმელაშვილმა.
შემდეგი სასამართლო სხდომა 10 დეკემბერს, 14:00 საათზე დაცვის მხარის დასკვნითი სიტყვით გაგრძელდება.
ვეფხია ბაქრაძემ შვილი მცირეწლოვანი ბავშვების თვალწინ მომიკლა. რა თქმა უნდა, ეს არის სისასტიკე! ის იმსახურებს უვადო პატიმრობას, - აღნიშნულის შესახებ ჟურნალისტებს პროცესის დასრულების შემდეგ ბარნოვზე მოკლული 25 წლის თამარ გამრეკელაშვილის დედამ, ნათელა გობაძემ განუცხადა.
როგორც ის განმარტავს, მკვლელობა რომ ნამდვილად სისასტიკით არის ჩადენილი, ეს ექსპერტიზამ დაადასტურა.
„დღევანდელი პროცესი ძალიან მძიმე მოსასმენი იყო, შოკირებული ვარ. ბრალდებულმა ჩაიდინა დანაშაული. ამბობს, რომ ბავშვები არ იყვნენ, ეს სრული აბსურდია. ბავშვი დაიკითხა და სასამართლოში მოყვა რა, როგორ იყო. თავის დაცვის მიზნით მის ადვოკატთან ერთად რაღაცას მოიმოქმედებს. ადვოკატი იცავს, მაგრამ რას იცავს, ვის იცავს და როგორ?
ამბობს თითქოს, ბავშვები არ იყვნენ და ჩემმა შვილმა იძალადა. ძალიან ბევრი უაზრობა მოვისმინე მისი მხრიდან. იმედი მაქვს, სასამართლო სწორ გადაწყვეტილებას მიიღებს.
მან შვილი მომიკლა და ამის გამო უნდა დაისაჯოს. შვილი მომიკლა თავისი მცირეწლოვანი ბავშვების თვალწინ, ეს არის სრული სიმართლე. რა თქმა უნდა, ეს არის სისასტიკე! ის იმსახურებს უვადო პატიმრობას", - აცხადებს ნათელა გობაძე.
გამოძიების განზრახვა მძიმე ბრალდებების შერაცხვა იყო, რაც სასამართლო განხილვების დროს არ დადგინდა. ღრმად ვარ დარწმუნებული, რა ბრალდებებიც ბრალდების მხრიდანაა შერაცხული, აბსოლუტურად ტყუილია, - აღნიშნულის შესახებ პროცესის დასრულების შემდეგ ჟურნალისტებთან ბარნოვზე 25 წლის თამარ გამრეკელაშვილის მკვლელობაში ბრალდებული ვეფხია ბაქრაძის ადვოკატმა, თეიმურაზ მაგრაქველიძემ განაცხადა.
როგორც ის განმარტავს, ბრალდებულს დანას თამარ გამრეკელაშვილი ურტყამდა და ამის შედეგად, მან დაზიანებებიც მიიღო. თუმცა, საქმეში ამის დამადასტურებელი მტკიცებულება არ არსებობს.
„როცა მოსამართლე დაეკითხა ჩემი დაცვის ქვეშ მყოფს, ბაქრაძემ აღნიშნა თუ სად ჰქონდა დაზიანებები, რაც ექსპერტმა არ დაადასტურა. ბრალდებულს გამოკითხვის ოქმიც არ გადასცეს. გამოძიების განზრახვა მძიმე ბრალდებების შერაცხვა იყო, რაც სასამართლო განხილვების დროს არ დადგინდა.
პროკურორმა გამოკითხა ბრალდებული ვეფხია ბაქრაძე. მის მიმართ მძიმე მუხლითაა ბრალდება შერაცხული - განსაკუთრებული სისასტიკით ჩადენილი მკვლელობა, წამება, მუქარა, გაუპატიურება. ძნელი წარმოსადგენია, რომ ადამიანი ასეთ რამეს შეძლებდა. ისეთი მუხლები აქვს შერაცხული, რომ პროკურორი ყველაფერს ცდილობს, რათა სასამართლო და მოსამართლე ამაში დაარწმუნოს“, - განაცხადა მაგრაქველიძემ.
შეგახსენებთ, რომ თამარ გამრეკელაშვილი მიმდინარე წლის 13 აპრილს, თბილისში, ბარნოვის ქუჩაზე მოკლეს. მას ყელი ჰქონდა გამოჭრილი. აღნიშნულ დანაშაულზე სამართალდამცავებმა მოკლულის მამინაცვალი, ვეფხია ბაქრაძე 14 აპრილს, თელეთში დააკავეს. ის მიმალვაში იმყოფებოდა.
გამოძიება 11 პრიმა 109-ე მუხლით მიმდინარეობს, რაც ოჯახში ძალადობის ნიადაგზე ჩადენილ განზრახ მკვლელობას დამამძიმებელ გარემოებაში გულისხმობს. აღნიშნული მუხლი 16-დან 20 წლამდე ან უვადო პატიმრობას ითვალისწინებს.
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიკა მელია სასამართლო სხდომაზე გამოცხადებას და გირაოს გადახდას არ აპირებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
