რა თანამდებობას დაიკავებს ადვოკატი დიმიტრი გაბუნია სალომე ზურაბიშვილის ადმინისტრაციაში

საქართველოს არჩეული პრეზიდენტის, სალომე ზურაბიშვილის გუნდის კიდევ ერთი წევრი ადვოკატი დიმიტრი გაბუნია იქნება.

„ინტერპრესნიუსის“ ინფორმაციით, გაბუნიას სალომე ზურაბიშვილი პრეზიდენტის საპარლამენტო მდივნის თანამდებობაზე მოიაზრებს.

დიმიტრი გაბუნია სალომე ზურაბიშვილის ღია მხარდამჭერი იყო და მას დახმარებას საარჩევნო შტაბშიც უწევდა.

როგორც ცნობილია, „ინტერპრესნიუსმა“ რამდენიმე დღის წინ ასევე გაავრცელა ინფორმაცია, რომ სალომე ზურაბიშვილის შტაბიდან არჩეული პრეზიდენტის ადმინისტრაციაში გადაინაცვლებდნენ ეკონომიკის ყოფილი მინისტრი ლაშა ჟვანია და შიდა ქართლის ყოფილი გუბერნატორი კახა სამხარაძე.

დიმიტრი გაბუნია უკვე რამდენიმე წელია, სალომე ზურაბიშვილის უფლებებს იცავს. ადვოკატმა გასულ თვეს ჯერ კიდევ პრეზიდენტობის კანდიდატის მისამართით განხორციელებული მუქარის გამო შეიტანა სარჩელი.