მნიშვნელოვანი ინფორმაცია
24
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამერვე დღე დაიწყება 02:47-ზე, მთვარე ტყუპშია – შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი, ხილი და ბოსტნეული. უმჯობესია რაციონიდან გამორიცხოთ მარცვლეული და ცხოველური საკვები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ ვიკვებოთ ზამთარში, რომ წონაში არ მოვიმატოთ - ენდოკრინოლოგის შერჩეული რაციონი
18:46 / 06-01-2020
ზამთარში ადამიანების კვებითი რეჟიმი და რაციონი სხვა სეზონებთან შედარებით, განსხვავებულია და სწორედ ამიტომაც ხდება უმეტესად ზამთარში წონის მატება, რაც სერიოზული პრობლემაა. ზამთრის პერიოდი საშობაო მარხვასაც იტევს და შესაბამისად კვება აქაც სერიოზულად უნდა გაკონტროლდეს.
კვების რა რეჟიმი უნდა შევარჩიოთ, რა პროდუქტები მივიღოთ, რომ ჩვენი რაციონი დავაბალანსოთ, ამაზე ენდოკრინოლოგი ლაშა უჩავა გვესაუბრება.
- ჩვენს ორგანიზმს ყველა სეზონზე განსხვავებული კვება აქვს. ზამთრის სეზონი ძალიან განსხვავდება როგორც ზაფხულის, ასევე შემოდგომის სეზონისგან, რადგანაც ისინი უფრო დატვირთულია ვიტამინებით და მინერალებით, ვიდრე ზამთარი. წინა სეზონის კვებიდან იმ მინერალებს და ვიტამინებს ვიღებთ, რაც შემდეგი თვეების განმავლობაში ორგანიზმმა უნდა გამოიყენოს.
ზამთარში ინფექციების, ვირუსების განვითარების რისკიც არსებობს, ამიტომ განსაკუთრებული კვება გვჭირდება - რაციონში ხილი და ბოსტნეული მეტად უნდა ჩავრთოთ. იმისთვის, რომ გარკვეული ანტიოქსიდანტები, მინერალები და ვიტამინები ჰქონდეს ორგანიზმს, უნდა მივიღოთ C ვიტამინის შემცველი პროდუქტები, ციტრუსები, რითიც ზამთარში საკმაოდ განებივრებულები ვართ და საქართველოს ბაზარიც, ამ მხრივ, ძალიან მდიდარია.
რაც შეეხება ბოსტნეულს, ორგანიზმს იცავს: ბროკოლი, კომბოსტო, სტაფილო, რითაც ასევე მდიდარია საქართველოში ბაზარი...
- ზამთარში წონის მატებას მართლაც ბევრი უჩივის...
- დიახ და ეს დაკავშირებულია უმეტესად ბურღულეულის გამოყენებასთან, რადგანაც გადადიან ნახშირწყლებზე, კარტოფილზე, პურეულზე. ამ პროდუქტების გამოყენებას უმეტესად ჩვენი უდროობა იწვევს, ვიდრე ვთქვათ, ცოცხალი სალათების, წვნიანების მიღება. ხშირ შემთხვევაში, ხილი როგორც დანაყრების საშუალება, არ ჰყოფნით, რა დროსაც სახამებელი - ცომეული, კარტოფილი ბევრად აქტუალური ხდება.
გარდა ამისა, საქართველოს პირობებში აქტუალურია კონსერვირებული საკვებ-პროდუქტები - ხილი და ბოსტნეული, მათი გამოყენებაც იწვევს აღნიშნულ პრობლემას, წონის მატებას, რადგანაც მასში დიდი რაოდენობით არის შაქარი, მარილი და ცხიმი...
- ე.ი. საზამთროდ შენახული პროდუქტები წონის მატებისთვის ერთ-ერთი მაპროვოცირებელი ფაქტორია.
- დიახ... იმისათვის, რომ თან ჯანმრთელობა შევინარჩუნოთ, ორგანიზმი ინფექციებისა და ვირუსებისადმი მდგრადი გავხადოთ, გარდა ამისა, ეს პრობლემა წონაზე არ აისახოს, უმჯობესია, ის პროდუქტები მივიღოთ, რაც ამ სეზონზე გვაქვს. ბუნება ძალიან გვანებივრებს ასეთი პროდუქტებით და სეზონურად გვაქვს ის ხილი და ბოსტნეული, რომელიც აუცილებელია.
სასურველი იქნება, თუ ჩვენი რაციონში ამ პროდუქტებს გამოვიყენებთ, მით უმეტეს, ვიცით, რომ მთელი ზამთრის პერიოდი, 7 იანვრამდე შობის მარხვასაც მოიცავს. ამ დროს ხორცის და რძის პროდუქტების გამოყენება მმარხველებისთვის აკრძალულია, თუმცა ეს ერთგვარი განტვირთვაც არის. ამასთან, ამ ხილის და ბოსტნეულის მიღება უკვე მზადებაა გაზაფხულის სეზონისთვის, რომ ორგანიზმი ზაფხულის სეზონს მინერალებითა და ვიტამინებით მდიდარი შეხვდეს.
- იქნებ მკითხველს საზამთროდ შესაბამისი დიეტა შევთავაზოთ?
- იმისთვის, რომ დილით მზად ვიყოთ გარეთ გასასვლელად, ვირუსებისგან თავის დასაცავად, სასურველი იქნება, თუ სტაფილოს და ვაშლის ფრეშს მივიღებთ და მასში ცოტათი ციტრუსსაც გამოვიყენებთ, ცოტა ფორთოხალს, ან მანდარინს, ლიმონს დავამატებთ - მშვენიერი კოქტეილი გამოვა და ენერგიის წყაროც იქნება, ვინაიდან, ხილში ნახშირწყლები შედის და ანტიოქსიდანტური დანიშნულებაც აქვს.
დილა შეგვიძლია დავიწყოთ ბურღულეულით (ჰერკულესით, ან წიწიბურით, ოღონდ, რძის პროდუქტებთან ერთად). ლანჩისთვის - გამოვიყენოთ ბოსტნეულის სალათი, დამატებად ხილი. სადილზე - არა მარხვის პირობებში, სასურველია მივიღოთ ხორცი ან თევზი, ასევე წვნიანი, ე.წ. ბორში, რომელსაც ექნება - კომბოსტო, სტაფილო ჭარხალი და ბევრი მწვანილი.
დღის მეორე ნახევარში უმჯობესია, თუ ხილს არ გამოვიყენებთ, თუმცა ციტრუსი მისი ნახშირწყლებიდან გამომდინარე, დასაშვებია.
კარგია, თუ ბოსტნეულის სალათი იქნება და საღამოს კვება მსუბუქი რძის პროდუქტებით შეივსება, ხოლო მარხვის პირობებში შეიძლება ბოსტნეული მოვთუშოთ, რომ კუჭ-ნაწლავის ტრაქტი ცოცხალი ბოსტნეულით არ გადავტვირთოთ.
წყალს და სითხეს გადამწყვეტი მნიშვნელობა აქვს! ზამთრის პირობებში შეიძლება სხვადასხვა ჩაის სახით ხილის მიღება, ასევე მწვანე ჩაი, გვირილის, გვირილას ანთების საწინააღმდეგო ეფექტებიც გააჩნია.
- ყავაზეც შევჩერდეთ. როგორც ვიცით, ის ორგანიზმიდან კალციუმს გამოდევნის. რა დოზით უნდა მივიღოთ?
- სამწუხაროდ, კალციუმის ორგანიზმიდან გამოდევნას ორივე (ნალექიანი, უნალექო) ყავა იწვევს, ამიტომ, გარკვეული დოზირებაა საჭირო და დღეში 2 ფინჯანია დასაშვები.
უბრალოდ, გასათვალისწინებელია, როდესაც ყავას მივირთმევთ, ის რძის პროდუქტთან ერთად მივიღოთ, რათა ორგანიზმში კალციუმის ათვისება მოხდეს. თავად ყავა და მასში შემავალი ნივთიერებები აუცილებელიც კია, ვინაიდან ისინი ჯანმრთელობისთვის სასარგებლოა.
ბოლოდროინდელი კვლევებით, ყავას ანტიკარცეროგენული, ანთების საწინააღმდეგო ეფექტი აქვს და ცხიმოვანი ქსოვილის წვასაც 30 პროცენტით აუმჯობესებს. თუმცა სასურველია, დილა მხოლოდ ყავით არ დავიწყოთ, ყავასთან რაიმეს დამატებაა საჭირო.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ზურაბ ჯაფარიძეს საგამოძიებო კომისიის მოთხოვნის შეუსრულებლობის საქმეზე, 7 თვით თავისუფლების აღკვეთა მიესაჯა, ასევე აეკრძალა 2 წლის ვადით თანამდებობის დაკავება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ერთი ვერ მივაღწიე ვინმემ ამოღერღოს- როგორ უნდა მოიმატო წონაში,როცა ჭამით არაფერი გამოდის!!!!!ვერავინ ამას ვერ უპასუხა,არადა ნახევარს ეს პრობლემა აქვს...აბა იციით რამე??
დააყენე ბატონო სიგნალიზაცია მაცივარზე და ვსიო