გუფი ქეთა თოფურიასთან დაშორებას ძალიან განიცდის : "სიცოცხლის ბოლომდე მეყვარება"
ქეთა თოფურიასა და რუსი რეპერის, გუფის დაშორებიდან რამდენიმე კვირა გავიდა, თუმცა რუსული მედია მათზე საუბარს არ წყვეტს. თოფურიას საყვარელმა მამაკაცმა 18 წლის ეკატერინბურგელ მოდელთან, იანასთან უღალატა. ჟურნალისტები ამტკიცებენ, რომ მათი დაშორების მიზეზი სწორედ გუფის ღალატი გახდა.
რეპერმა გადაწყვიტა, მომხდარის შესახებ „ინსტაგრამის“ საშუალებით ესაუბრა, მან სოციალურ ქსელში მიმდევრების ყველა კითხვას გასცა პასუხი.
გუფის თქმით, ქეთასთან დაშორება არ უკავშირდება იანასთან ხანმოკლე ურთიერთობას. რეპერის თქმით, 18 წლის მოდელთან არაფერი აკავშირებდა და გოგონამ მის წინააღმდეგ ინტრიგები წამოიწყო.
გუფი ამბობს, რომ დაშორების მიუხედავად ქეთა ახლაც ძალიან უყვარს. „სიცოცხლის ბოლომდე მეყვარება,“ - აღნიშნავს რეპერი.
გუფისა და ქეთას დაშორების შესახებ ინფორმაცია ნოემბერში გავრცელდა. მოგვიანებით კი ცნობილი გახდა გუფისა და ეკატერინბურგელი იანას რომანის შესახებ. ცოტა ხნის წინ ქეთამ დაადასტურა, რომ ყოფილ შეყვარებულთან ურთიერთობა აღარ აქვს და მისი ცხოვრების შესახებ აღარაფერი იცის.
2019/2020 ექსკლუზიური არტ-კოლექცია ყველაზე მოდურ tuc tuc-ში
"2020-მა რომ სიმდიდრე მოგიტანოთ, დეკემბერში 8 კაკალი შეღებეთ“ - რომელ წლებში დაბადებულები გამდიდრდებიან ვირთხის წელში
