მნიშვნელოვანი ინფორმაცია
13
ივლისიდღის ზოგადი ასტროლოგიური პროგნოზი
კვირა, მთვარის მეცხრამეტე დღე დაიწყება 23:31-ზე, მთვარე მერწყულშია – ფრთხილად იყავით სიტყვებთან და ქმედებებთან, იოლია კონფლიქტური სიტუაციის პროვოცირება. დღე მშვიდად გაატარე, მაგრამ არა მარტოობაში. ყურადღებით შეამოწმეთ ყველა ინფორმაცია. სერიოზული საქმეები გადადე. გაასუფთავეთ თქვენი სამუშაო ადგილი არასაჭირო ნივთებისგან. თანამშრომლებს ნაკლები შეხება უნდა ჰქონდეთ უფროსთან, მხოლოდ საჭიროების შემთხვევაში. დაიცავით ნეიტრალიტეტი კოლეგების მიმართ. არ არის რეკომენდებული შეხვედრების დანიშვნა. ხელშეკრულებების გაფორმება. ახალ სამსახურში გადასვლა. დაუფიქრებლად მოქმედება. ნუ აჰყვებით პროვოკაციებს და ნუ მოახდინეთ სხვების პროვოცირება. მოერიდეთ მთვრალ ადამიანებთან ურთიერთობა. უცნობ ადამიანებთან კონტაქტი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გუდაურში წელს სრულიად ახალი კურორტი დაგხვდებათ - რა სიახლეები გელით თოვლის და სრიალის მოყვარულებს
09:28 / 03-12-2018
გუდაურში წელს სრულიად ახალი კურორტი დაგხვდებათ - რა სიახლეები გელით თოვლის და სრიალის მოყვარულებს
09:28 / 03-12-2018
სამთო-სათხილამურო კურორტი გუდაური წელს 30 წლის ხდება და შეიძლება ითქვას, რომ თოვლისა და სრიალის მოყვარულებს სრულიად ახალი კურორტი დაგხვდებათ.
საქართველოს რეგიონული განვითარებისა და ინფრასტრუქტურის სამინისტროს ხელმძღვანელობით, კურორტზე რამდენიმე მსხვილი პროექტი მიმდინარეობს. მათ შორის, ერთ-ერთი მთავარი სიახლე ახალი საბაგიროებია - 2018-19 წლის სათხილამურო სეზონზე გუდაურში 6 ახალი და 1 რეკონსტრუირებული საბაგირო იქნება.
გუდაურში არსებული საბაგიროების - "პირველისა" და "სოლიკოს" დემონტაჟის შემდეგ, მათ ნაცვლად ახალი საბაგიროები აშენდა, რეკონსტრუქცია ჩაუტარდა "კუდების" საბაგიროს და კიდევ ერთი ახალი საბაგირო დაემატა.
"სოლიკო" და "კუდები" ღია ბაბლის ტიპის 6-ადგილიანი იქნება, რაც მგზავრის სიცივისაგან დაცვას უზრუნველყოფს, ხოლო საბაგირო "პირველი" ღია და ასევე 6-ადგილიანი. "პირველისა" და "სოლიკოს" გამტარუნარიანობა საათში 2 800 მგზავრი, ახალი "კუდების" კი 2 200 მგზავრი იქნება.
მთის კურორტების განვითარების კომპანიის ხელმძღვანელის, თეიმურაზ გამცემლიძის თქმით, წელს ძალიან ბევრი სასიამოვნო და საინტერესო სიახლით ხვდებიან გუდაურის დამსვენებლებს.
"ახალი და რეკონსტრუირებული საბაგიროები 3.5-ჯერ გაზრდის გამტარუნარიანობას და გაცილებით კომფორტული იქნება ტურისტებისთვის გუდაურში სრიალი. ასევე დამატებით დამონტაჟდა გათოვლიანების სისტემა. სრულდება გათოვლიანების მეორე ფაზა და დაახლოებით 5 კილომეტრით უფრო გაიზრდება გათოვლიანებული ტრასების ტერიტორია გუდაურში.
ასევე უნდა აღვნიშნო მუნიციპალური განვითარების ფონდის პროექტი - კობიდან გუდაურისკენ გაიჭიმა სამი ახალი საბაგირო, რაც გუდაური-კობი-ყაზბეგს ერთ კლასტერად გადააქცევს. ეს საბაგირო წელს სატესტო რეჟიმში იმუშავებს და ის მხოლოდ კარგ ამინდებში ჩაირთვება, მომავალი წლიდან კი გადავა სისტემურ რეჟიმზე" - აღნიშნა გამცემლიძემ.
რაც შეეხება კიდევ ერთ, ძალიან მნიშვნელოვან სიახლეს - კობი-გუდაურის საბაგიროების მშენებლობა, რომელიც 7.5 კმ. სიგრძისაა, თითქმის სრულდება. კობი-გუდაურის საბაგიროს პროექტი მნიშვნელოვანია იმით, რომ როდესაც ზამთარში არის ზვავსაშიშროება და ჯვრის უღელტეხილი იკეტება, მოსახლეობას ვერტმფრენის გარდა ერთადერთი საშუალება ექნება, ისარგებლოს საბაგიროთი და გადავიდეს მეორე მხარეს.
"ეს ამ რეგიონისთვის ახალი სიცოცხლე იქნება. საბაგირო გზა 7 კილომეტრზე მეტია და დაყოფილია სამ სეგმენტად - გვაქვს ექვსი სადგური და 3 საბაგირო. კობიდან გადავდივართ კობის უღელტეხილზე და ჩავდივართ გუდაურში გონდოლის ზედა სადგურზე - ამისთვის დაგვჭირდება ნახევარი საათი, მაქსიმუმ 40 წუთი და ეს დამოკიდებული იქნება ამინდზე.
უღელტეხილზე დამონტაჟებულია ერთი საბაგირო სადგური, რომელიც უნიკალურია არამარტო საქართველოში, არამედ ამიერკავკასიაში. ამ სადგურის უნიკალურობა მდგომარეობს იმაში, რომ როცა გონდოლას მოვხსნით ბაგირიდან, ტრანსფერის სისტემით შეგვიძლია გადავიტანოთ შემდეგ საბაგიროზე, ისე რომ მგზავრი არ გადმოვა გონდოლიდან და იმავე გონდოლით აგრძელებს გზას კობის ან გუდაურის მიმართულებით. ანუ, ეს არის საშუალება, ერთი გონდოლით, მგზავრმა იმოძრავოს ორ საბაგიროზე" - აღნიშნა საუბრისას შპს "ფერის" ინსტალაციის მენეჯერმა დავით კიკალიშვილმა.
2018-2019 წლის ზამთრის კურორტებზე სეზონი 8 დეკემბრიდან გაიხსნება. 8 დეკემბერს სეზონი ოფიციალურად გაიხსნება კურორტ გოდერძიზე, ხოლო "გუდაურში" - 15 დეკემბერს. დიდველის სათხილამურო ტრასა დამსვენებლებს 8 დეკემბრიდან მიიღებს, თეთნულდი-ჰაწვალის და კოხტა-მიტარბის ტრასები კი 22 დეკემბერს.
წელს გუდაურში საბაგიროებით სარგებლობის ფასი მოიმატებს. მთის კურორტების განვითარების სააგენტოს ინფორმაციით, 2018 წლის 1-ლი დეკემბრიდან 2019 წლის 10 მარტის ჩათვლით გუდაურში 1-დღიანი აბონიმენტის ღირებულება 50 ლარი იქნება, შარშან მისი ფასი 40 ლარი იყო. 2-დღიანი აბონიმეტი კი 80 ლარის ნაცვლად 100 ლარი ერიღება. 3-დღიანი აბონიმენტის ფასი შარშანდელი 112-ლარიდან 140 ლარამდე გაძვირდა.
რაც შეეხება საბაგიროთი ერთ ასვლას, ის წინა წლის მსგავსად 10 ლარი ეღირება, ამდენივე ღირს კობი-გუდაურის საბაგირო გზით სარგლებლობაც.
00:00 / 00:00
გააკეთეთ კომენტარი
