მნიშვნელოვანი ინფორმაცია
24
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამერვე დღე დაიწყება 02:47-ზე, მთვარე ტყუპშია – შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი, ხილი და ბოსტნეული. უმჯობესია რაციონიდან გამორიცხოთ მარცვლეული და ცხოველური საკვები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა ხდებოდა რუსთაველის გამზირზე, სადაც გაერთიანებული ოპოზიციის აქცია გაიმართა
15:35 / 02-12-2018
რუსთაველის გამზირზე გაერთიანებული ოპოზიციის მიერ ორგანიზებული საპროტესტო აქცია გაიმართა.
აქციის ორგანიზატორებს პარლამენტის შენობის წინ დამონტაჟებული ჰქონდათ სცენა, ეკრანი და ხმის გამაძლიერებლები. საპატრულო პოლიციამ რუსთაველის გამზირზე აქციის გამო საავტომობილო მოძრაობა გადაკეტა.
გაერთიანებული ოპოზიციის მოთხოვნები ყოფილმა საპრეზიდენტო კანდიდატმა გრიგოლ ვაშაძემ გაასაჯაროვა.
“ჩვენ არჩევნებს ჩატარებულად არ ვაღიარებთ და მის შედეგებს არ ვცნობთ. საქართველოს პრეზიდენტი არ ჰყავს - პრეზიდენტი ჰყავს ქურდულ ოცნებას და ბიძინა ივანიშვილს“, - განაცხადა გრიგოლ ვაშაძემ და აქციაზე პირადობის მოწმობები წარმოადგინა, რაც მისივე ინფორმაციით, გურიაში იპოვეს და წლების წინ გარდაცვლილ პირებს ეკუთვნით.
ამასთან, როგორც ვაშაძემ განაცხადა, გაერთიანებული ოპოზიცია კრიმინალურ ხელისუფლებას კანონიერი და კონსტიტუციური გზით დაამთავრებს.
გაერთიანებული ოპოზიციის ერთ-ერთმა ლიდერმა გიორგი ვაშაძემ "ქართულ ოცნებას" მიმართა და მათი მოთხოვნების დაკმაყოფილებისკენ მოუწოდა, წინააღმდეგ შემთხვევაში, ვაშაძის თქმით, პროტესტს განგრძობითი ხასიათი ექნება.
"საქართველოში არ ჩატარებულა სამართლიანი არჩევნები და ჩვენ გვაქვს უფლება ეს გავაპროტესტოთ. ჩვენ ან ვიკრიბებით და ვამბობთ, რომ ასეთი არჩევნები აღარ უნდა ჩატარდეს ან ვეგუებით დემოკრატიის ფეხქვეშ გათელვას. ჩვენ, აქ შეკრებილები, ვერ შევეგუებით უსამართლობას, რაც ქვეყანაში ხდება. ჩვენ გვინდა მაგალითი იყოს საქართველო თანამედროვე ცივილურ სამყაროში და არა დესტრუქციის", - განაცხადა ვაშაძემ.
„ნაციონალური მოძრაობის“ ერთ-ერთმა ლიდერმა ნიკა მელიამ აქციაზე სიტყვით გამოსვლისას განაცხადა, რომ ოპოზიცია კონსტიტუციის ფარგლებს არ გასცდება.
"ხელისუფლებამ მესმე ტური დანიშნა და ეგონა ჩვენ დავიღლებიდით. ჩვენ არათუ მივიღებთ მონაწილეობას მესამე ტურში, არამედ გავიმარჯვებთ. მათ იკადრეს და სოციალურად დაუცველებს ეუბნებოდნენ, რომ თუ ხმას არ მისცემდნენ მათ, დახმარებას მოუხსნიდნენ. პედაგოგებს და ბაღის თანამშრომლებს ეუბნებოდნენ, თუ სალომე ზურაბიშვილი არ მოიგებს იმ უბანს, სადაც მუშაობთ, სამსახურიდან გაგიშვებთო. ეს იყო ტოტალური გაყალბება.
ერთმა ქალბატონმა მითხრა, რომ სალომე ზურაბიშვილი რომ მოვხაზე ვიტირეო. პოლიციის უფროსი და კრიმინალი ერთად აყალბებდა არჩევნებს. არ იქნება სალომე ზურაბიშვილი ჩვენი პრეზიდენტი. ეს არის ღირსების საკითხი", - განაცხადა ნიკა მელიამ.
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ზურაბ ჯაფარიძეს საგამოძიებო კომისიის მოთხოვნის შეუსრულებლობის საქმეზე, 7 თვით თავისუფლების აღკვეთა მიესაჯა, ასევე აეკრძალა 2 წლის ვადით თანამდებობის დაკავება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
