მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სომეხი ლტოლვილი ოჯახის დასაცავად, ეკლესიაში უკვე 800 საათზე მეტია წირვა არ წყდება
14:15 / 30-11-2018
ჰოლანდიაში, ქალაქ ჰააგაში მდებარე ბეთელის ეკლესიაში საეკლესიო მსახურება არ წყდება, რათა სომეხი ლტოლვილების ოჯახი, რომელიც თავს ტაძარს აფარებს, ქვეყნიდან არ გააძევონ. CNN-ის ინფორმაციით, ნიდერლანდების კანონდებლობის მიხედვით, პოლიციას არ აქვს უფლება, საეკლესიო მსახურების დროს ეკლესიაში შევიდეს. სწორედ ამიტომ, ეკლესიის ამბიონზე თვეზე მეტია ასზე მეტი მღვდელი ენაცვლება ერთმანეთს, რომ ოჯახი დეპორტაციისგან გადაარჩინონ ოჯახი.
ტამრაზიანები, რომლებსაც სამი შვილი ჰყავთ - ჰაიარპი, ვარდუჰი და სეირანი, სომხეთიდან ჰოლანდიაში 2010 წლის აპრილში ჩავიდნენ, ახლა კი დეპორტაცია ემუქრებათ.
21 წლის ჰაიარპ ტამრაზიანი ამბობს, რომ ეკლესიის „უზომოდ მადლიერია“. მას შემდეგ, რაც ოჯახის გადასარჩენად საეკლესიო მსახურება დაიწყო, ჰაიარპი „ტვიტერზე“ დეტალურად აცნობს საზოგადოებას სიახლეების შესახებ და მხარდაჭერისთვის ყველას მადლობას უხდის.
ჰოლანდიაში მოქმედებს კანონი, რომლის თანახმადაც შესაძლებელია ბავშვების შეწყალება, რომლებიც 5 წელზე მეტია, ნიდერლანდებში ცხოვრობენ. ბავშვთა უფლებებზე მომუშავე მარტინ გოემანი ამბობს, რომ ამის მიუხედავად, თხოვნების დიდ ნაწილზე ხელისუფლება უარს ამბობს.
„უამრავი სამეცნიერო კვლევა ჩატარდა, რომელიც აჩვენებს, რომ 5 წლის შემდეგ ბავშვის დეპორტაცია არ შეიძლება. ამან მათ განვითარებაზე, შესაძლოა, დიდი უარყოფითი გავლენა მოახდინოს,“ - ამბობს გოემანი CNN-თან.
მისივე თქმით, მიგრაციის სამინისტრომ უნდა გამოიყენოს დისკრეციული უფლება და პრობლემა გადაჭრას.
კონკრეტული შემთხვევის შესახებ ჰოლანდიის მიგრაციის სამინისტროში არ საუბრობენ, თუმცა აცხადებენ, რომ მინისტრს შეუძლია ჩაერიოს „ძალიან სპეციფიკურ და სასწრაფო საქმეებში“, თუმცა ტამრაზიანების ოჯახის შემთხვევას ასეთად არ მიიჩნევენ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
