მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
თბილისში ცნობილი ქუჩის მუსიკოსი გარდაიცვალა - "გადაიტანა უამრავი ტკივილი, შიმშილი, ჩაგვრა..."
14:12 / 29-11-2018
თბილისელებისთვის კარგად ნაცნობი ქუჩის მუსიკოსი, სამირ სავჩუკი გარდაიცვალა. თბილისის მეტროსადგურებში და მიწისქვეშა გადასასვლელებში, ხშირად შეამჩნევდით ახალგაზრდა, გამორჩეული გარეგნობის მამაკაცს, სწორი შავი თმებითა და ჭრელი თვალებით, რომელიც გიტარაზე უკრავდა და გამვლელებისთვის მღეროდა. ბოლო 15 წლის განმავლობაში, სამირ სავჩუკი ქუჩაში დაკვრით ირჩენდა თავს.
შსს-ს ინფორმაციით, სამირ სავჩუკი თბილისში ვეძინის ქუჩაზე მდებარე ნაქირავებ ბინაში 27 ნოემბერს იპოვეს გარდაცვლილი. საქმე აღიძრა 115-ე მუხლით. არსებული ინფორმაციით, ახალგაზრდა მამაკაცი სახლში ალკოჰოლური ზემოქმედების ქვეშ მივიდა და გარდაცვლილი დილას, საწოლში იპოვეს.
სამირ სავჩუკის გარდაცვალების შესახებ სოციალურ ქსელში მისი ნაცნობები და მეგობრები წერენ:
"კარგი ბიჭი გარდაიცვალა... წესიერი და თბილი ადამიანი იყო, ძალიან ტრაგიკული ცხოვრებით. უზომოდ განიცდიდა ჩვენი ეპოქის სიცივეს და ხშირად წუწუნებდა, რომ ადამიანობას ვკარგავდით"
"გზა მშვიდობისა სამირ... მანდ მშვიდად იქნები - არც ზამთარი შეგაწუხებს, არც სიცივე, არც ხალხი..."
"ბევრმა შეიძლება თავის ქებად ჩამომართვას, მაგრამ მაინც უნდა ვთქვა... რამდენიმე წლის წინ მეტროთი ვმგზავრობდი, ვაგზლის მოედანზე ჩავსხედით ვარკეთილის მიმართულებით, იმავე ვაგონის მეორე ბოლიდან სიცილ-ღრიანცელის ხმა მოდიოდა, გავიხედე და ეს ბიჭი იდგა თავჩაქინდრული და ვიღაც 3 გამაძღარი ახალგაზრდა მაგარს ეკაიფებოდა და დასცინოდნენ. ერთერთმა რაღაც ხურდა ამოიღო და შეაყარა - ჰა მიდი დაუკარიო და მსგავსები, ბიჭი ხმას არ სცემდა... ირგვლივ ხალხი იყო და არც არავინ გამოესარჩლა!
ძაან ემოციური ვარ ზოგადად, იასნად ვერ მოვითმინე, მივედი და მაგ ჯოგს საკადრისი პასუხი გავეცი! მერე ირგვლივ მდგომ ბრბოს შემოვუტრიალდი და მათაც ერთი-ორი შემოვუკურთხე! ისეთი აურა ტრიალებდა ირგვლივ, ეგ ფაქტი, დარწმუნებული ვარ, თითოეულ იქ მყოფს და მითუმეტეს მაგ ნაბიჭვრებს მთელი ცხოვრება ემახსოვრებათ. ხო და ახლა თუ მოკრავენ ამ ტრაგედიას ყურს, იმედია, ახლა მაინც დაფიქრდებიან თავიანთ უბადრუკ და არასწორ ცხოვრებაზე! ხო და კიდევ ზოგადად, ვინც მაშინ მანდ იდექით თქვენ არანაკლები ხართ! მამრიონს გეხებათ ჭიქა ღვინით ხელში ხო მაგრად იძახით ერთურთის სიყვარულის და კიდევ ბევრ ლამაზ სადღეგრძელოს! გამიგრძელდა და ბოდიში, უბრალოდ უემოციოდ არ შემეძლო... ერთი დღით არასდროს იცხოვრო ადამიანმა, ყველას ყველაფერი ბუმერანგივით უკან მოგიბრუნდებათ! ხსოვნა იყოს ამ კეთილშობილი პიროვნების"
"ძალიან უყვარდა მისი ქვეყანა, ის განიცდიდა თითოეული ადამიანის ტკივილს, სიცოცხლით და სიყვარულით აღსავსე ადამიანი, მე მას ვიცნობდი, და მიყვებოდა ხოლმე მის ცხოვრებაზე, ძალიან ბევრი რამ ვისწავლე მისგან. ის ჩემი მეგობარი იყო, ის ჩვენი მეგობარი იყო. გადაიტანა უამრავი დამცირება, შეურაცხყოფა, ტკივილი, ცემა, დაჩაგვრა, სიცივე, შიმშილი...
ამ ყველაფერთან ერთად ის მღეროდა სიყვარულზე, და ყველას მოუწოდებდა სიყვარულისკენ, ვერ იტანდა უსამართლობას! ნათელში იყოს მისი სული, გამიკვირდა ეს დღეები არ ჩანდა, მივხდი რომ მას რაღაც მოუვიდა, ძალიან ბევრი რამ მახსოვს და შემიძლია ვთქვა მასზე... ვინც მას ჩაგრავდა, რა ნამუსით და გულით შეძლებთ ცხოვრებას! თქვენი მიყენებული ტკივილი მას მიწაში ჩაყვა!" - წერენ გარდაცვლილის ახლობლები.
სამირ სავჩუკს ძალიან ტრაგიკული ისტორია ჰქონდა. 4 წლის ასაკში დედამ მიატოვა - კიევის ერთ-ერთ შენობაში, მერვე სართულზე დატოვა და წავიდა. პატარა ბიჭი ბავშვთა სახლში აღმოჩნდა, საიდანაც საქართველოში წამოიყვანეს ჭიათურაში მცხოვრებმა ცოლ-ქმარმა. მისი დედობილი რუსი, მამობილი კი უკრაინელი იყო. თუმცა, არც მათთან ჰქონია ბედნიერი ცხოვრება ბიჭს - როგორც თავად ყვებოდა გია ჯაჯანიძის "სხვა რაკურსში", ის მათთვის არა შვილი, არამედ მონა იყო.
15 წლის ასაკში სამირი თბილისში გადავიდა დედობილთან ერთად საცხოვრებლად, მამობილმა კი ოჯახი მიატოვა. მოგვიანებით ის მარტო გადავიდა საცხოვრებლად და ქირით თბილისის სხვადასხვა უბანში ცხოვრობდა. რამდენიმე წლის წინ, სამირი ერთ-ერთ მეტროსადგურში გამვლელებმა სასტიკად სცემეს. მძიმე დაზიანებების შედეგად, ქუჩის მუსიკოსს სუნთქვის პრობლემა შეექმნა.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მსუბუქი იყოს შენთვის საქართველოს მიწა მეგობარო
სული ამიფორიაქდა...ნაძირალები და ბოროტები რატომ არსებობენ?რატომ განიცდიან სხვისთვის ტკივილის მიყენებით სიამოვნებას,რატომ?