რომელ ქალაქებში წააგო სალომე ზურაბიშვილმა - ცესკო-მ ბიულეტენების 99.7% დაითვალა

ცენტრალური საარჩევნო კომისიის მიერ, ხმების 99,78 %-ის დათვლის შედეგად, საპრეზიდენტო არჩევნების მეორე ტურში მმართველი გუნდის მიერ მხარდაჭერილ კანდიდატ სალომე ზურაბიშვილს ხმა ამომრჩეველთა 59,55 %-მა მისცა, გაერთიანებული ოპოზიციის კანდიდატ გრიგოლ ვაშაძეს კი 40,45 %-მა.

ამ ეტაპზე 3 705 საარჩევნო უბნიდან დათვლილია 3686 ჩვეულებრივი და 11 სპეცუბანი.

რაც შეეხება შედეგებს კონკრეტული ხმების რაოდენობის მიხედვით, სალომე ზურაბიშვილმა 1 146 063 ხმა მიიღო, გრიგოლ ვაშაძემ კი - 778 167.

ამ დროისთვის არსებული მონაცემებით, ორი ქალაქი, სადაც ზურაბიშვილზე მეტი ხმა გაერთიანებული ოპოზიციის კანდიდატ გრიგოლ ვაშაძეს აქვს მიღებული, თელავი და რუსთავია.

თავის მხრივ, სალომე ზურაბიშვილმა მეტი ხმა მიიღო:

საგარეჯოში, გურჯაანში, სიღნაღში, დედოფლისწყაროში, ლაგოდეხში, ყვარელში, ახმეტაში, თიანეთში, გარდაბანში, მარნეულში, ბოლნისში, დმანისში, წალკაში, თეთრიწყაროში, მცხეთაში, დუშეთში, ყაზბეგში, კასპში, გორში, ქარელში, ხაშურში, ბორჯომში, ახალციხეში, ადიგენში, ასპინძში, ახალქალაქში, ნინოწმინდაში, ონში, ამბროლაურში, ცაგერში, ლენტეხში, მესტიაში, ხარაგაულში, თერჯოლაში,საჩხერეში, ზესტაფონში, ბაღდათში, ვანში, სამტრედიაში, ხონში, ჭიათურაში, ტყიბულში, წყალტუბოში, ქუთაისში, ოზურგეთში, ლანჩხუთში, ჩოხატაურში, აბაშაში, სენაკში, მარტვილში, ხობში, ზუგდიდში, წალენჯიხაში, ჩხოროწყუში, ფოთში, ბათუმში, ქედაში, ქობულეთში, შუახევში, ხელვაჩაურსა და ხულოში.

სალომე ზურაბიშვილი გრიგოლ ვაშაძეს არჩევნებს უგებს დედაქალაქის 10-ვე საარჩევნო ოლქშიც.

ცესკოს ამ დროისთვის 3705 საარჩევნო უბნიდან 3683 ჩვეულებრივი და 11 სპეცუბნის შედეგები აქვს დათვლილი, რაც ბიულეტენების საერთო რაოდენობის 99,7 %-ს შეადგენს.