გოგა ხაინდრავა სალომე ზურაბიშვილთან ამჯერად გვირილებით მივიდა - "ეს თაიგული საქართველოს პრეზიდენტისთვის მიმაქვს"
კინორეჟისორი გოგა ხაინდრავა სალომე ზურაბიშვილის შტაბში ამჯერად გვირილებით მივიდა. როგორ მან ჟურნალისტებთან საუბრისას განაცხადა, თაიგული საქართველოს პრეზიდენტს მიუტანა.
"ვერასდროს ჩეკისტები საქართველოში ვეღარ გაიმარჯვებენ, ვერასდროს დაბრუნდება საბჭოთა კავშირი საქართველოში. ეს თაიგული საქართველოს პრეზიდენტისთვის მიმაქვს. "რუსთავი 2"-ს და "ნაციონალურ მოძრაობას" გული რომ არ დაწყდეს თქვენთვის "ვენოკი" მაქვს შეკვეთილი. „კურიერია“ ირაკლი ოქრუაშვილი და ის მოგიტანთ ადგილზე" - აღნიშნა გოგა ხაინდრავამ.
გოგა ხაინდრავამ სალომე ზურაბიშვილს თაიგული არჩევნების პირველი ტურის შემდეგაც მიართვა.
შეგახსენებთ, საპრეზიდენტო არჩევნების მეორე ტურთან დაკავშირებით ეგზიტპოლის შედეგები "რუსთავი 2"-მა და "იმედმა" გამოაქვეყნეს. ტელეკომპანია "რუსთავი 2"-ის დაკვეთით ჩატარებული ეგზიტპოლის შედეგებით, საპრეზიდენტო არჩევნების მეორე ტურში მმართველი გუნდის მიერ მხარდაჭერილმა კანდიდატმა სალომე ზურაბიშვილმა 55% მიიღო, ხოლო გაერთიანებული ოპოზიციის საპრეზიდენტო კანდიდატმა გრიგოლ ვაშაძემ - 45 %.
ხოლო ტელეკომპანია "იმედის" დაკვეთით ჩატარებული ეგზიტპოლის შედეგების მიხედვით სალომე ზურაბიშვილმა ხმების - 58%, გრიგოლ ვაშაძემ კი 42% დააგროვა.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
