"ხვალიდან გადავდივართ მასობრივ დაუმორჩილებლობაზე" - სააკაშვილი საპროტესტო აქციებს აანონსებს
მიხეილ სააკაშვილი საპრეზიდენტო არჩევნებს, არალეგიტიმურს უწოდებს და ხვალიდან მასობრივ დაუმორჩილებლობას აანონსებს. ექსპრეზიდენტი აღნიშნავს, რომ ქართულმა საზოგადოებამ უნდა გააცნობიეროს საფრთხეები და გადაარჩინოს საქართველო.
„ხვალინდელი დღიდან, მიუხედავად იმისა, რა შედეგები დადგება და იმედია, შედეგი იქნება, ჩვენ გადავდივართ მასობრივ დაუმორჩილებლობაზე. მე მოვუწოდებ საქართველოს პოლიციას, დადგეს ქართველი ხალხის მხარეს, მოვუწოდებ შეიარაღებულ ძალებს, არ შეასრულონ უკანონო ბრძანებები. ხვალიდან ჩვენ ვიწყებთ მასობრივ ქმედებებს, საქართველოს მთელი მასშტაბით, საოქალაქო, მშვიდობიანი დაუმორჩილებლობის, ივანიშვილის მიუღებლობის და ივანიშვილის ხელისუფლების დასრულების," - ამბობს ექსპრეზიდენტი.
მისივე თქმით, ბიძინა ივანიშვილმა საქართველოს კანონი და კონსტიტუცია "თავზე გადაახია".
"სირცხვილია, მრავალსაუკუნოვან ქართველ ერს ეს ტლუ, გაუნათლებელი, ავადმყოფი კრიმინალი მოაჯდეს და მართავდეს, როგორც მას უნდა," - განაცხადა მიხეილ სააკაშვილმა.
LIVE: ალეკო ელისაშვილი და გიორგი ვაშაძე "ნიუსრუმში"
ანტიკვარული ჭაღები, ხალიჩები და საათები - რამდენი დახარჯა სალომე ზურაბიშვილმა რეზიდენციის მოსაწყობად
