მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ბორის ბედია უსახლკაროდ დარჩა - "ფინანსურად მთლიანად ჩემს ახლობლებზე ვარ დამოკიდებული"
12:30 / 28-11-2018
მომღერალი ბორის ბედია, რომელსაც არც ხმა აკლია და არც ნიჭი, ქართული შოუბიზნესის მიღმაა დარჩენილი. რამდენიმე წელია საქართველოში გამართულ არც ერთ კონცერტში მიუღია მონაწილეობა, რადგან არავინ იწვევს. როგორც მომღერალი ჟურნალ "სარკესთან" საუბარში აცხადებს, იძულებითი ტაიმაუტი აქვს აღებული. ეს ყველაფერი მის ფინანსურ მდგომარეობაზე, რა თქმა უნდა, ცუდად აისახა. ამ რთული მდგომარეობიდან თავის დაღწევის ერთადერთ საშუალებად საქართველოდან წასვლა მიაჩნია, თვალი დასავლეთისკენ უჭირავს - ან ევროპისკენ, ან ამერიკისკენ.
- ბორის, დიდი ხანია საქართველოს შოუბიზნესის ასპარეზზე აღარ ჩანხართ. სად დაიკარგეთ?
- გეთანხმებით, სამ წელზე მეტია არანაირ კონცერტში არ ვარ ჩართული. წუწუნი არ მიყვარს, მარამ ძალიან ცუდი სიტუაცია რომ არის, ყველა ვხვდებით. სად არის ჩვენთან შოუბიზნესი?! შოუბიზნესმა არათუ მიიძინა, არამედ აღარ არსებობს. ქვეყანაში, სადაც მომღერლების უმრავლესობას მენეჯერი და პროდიუსერი არ ჰყავს, საერთოდ რაზე უნდა ისაუბრო.
- ქართველი მომღერლების დიდი ნაწილი რესტორნებში დასაქმდა. ერთი პერიოდი თქვენც მღეროდით იქ, ახლა ეს სამუშაოც არ გაქვთ?
- რესტორანში წლების წინ ვმუშაობდი და ის რესტორანიც დაიხურა. ზოგადად რომ ვთქვათ, შოუბიზნესმა დიდი ხანია რესტორნებში გადაინაცვლა.
- არც რესტორანში მღერით, არც კონცერტებში მონაწილეობთ, მაშინ თავს რითი ირჩენთ, რა არის თქვენი შემოსავლის წყარო?
- ძალიან ცუდ დღეში ვარ. არც სახლი მაქვს, არც ბიზნესი, სამაგიეროდ, მქონდა ვალები. რაღაც პრობლემა იყო, ჩავარდნა მაქვს და ასეთ ვითარეაში ვცხოვრობ. ფინანსურად მთლიანად ჩემს ახლობლებზე ვარ დამოკიდებული.
- ანუ სახლი არ გაქვთ?
- დიახ, ასეა. ხან ვისთან ვცხოვრობ, ხან ვისთან. ზოგჯერ ბიძასთან მივდივარ, ზოგჯერ სხვა ახლობლებთან, მაგრამ რაღაც აუცილებლად გამოჩნდება. დაღმართს აუცილებლად აღმართი მოსდევს. სასოწარკვეთილებაში არ უნდა ჩავვარდე. უცხოეთში წასვლაზეც ვფიქრობ. თუ რაღაც გამოჩნდება, დიდი სიამოვნებით წავალ. ძალიან მინდა ამერიკშაი გამგზავრება, ევროპრაზეც ვფიქრობ.
- თუ ადამიანს აქ არ უმართლებს, ამერიკაში ან ევროპაში გაუმართლებს?
- საქართველოში ძალიან ცუდი რამ გვჭირს, ქართველებს ნიჭიერი ხალხი არ უყვართ. მტერმაც ბევრჯერ თქვა, საქართველოში ნიჭიერ ხალხს ვერ აფასებენო. ეს არის ჩვენი ქვეყნის ყველაზე დიდი მინუსი. ერთმანეთის ბედნიერება არ უხარიათ. სხვა ერში ასე არ არის.
- თქვენ შეგეხოთ ეს შური, არც თქვენ გაფასებენ?
- რა თქმა უნდა, ასეა. მე რომ სხვა ქვეყანაში დავბადებულიყავი, გაცილებით კარგ სიტუაციაში ვიქნებოდი.
ირაკლი ვაჩიბერიძეჟურნალი "სარკე"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
