24
ივნისიდღის ზოგადი ასტროლოგიური პროგნოზი
ჩინელი მეცნიერი ამტკიცებს, რომ პირველი გენშეცვლილი ბავშვები "შექმნა". Associated Press-ის ინფორმაციით, ჰე ჯიანკუიმ შვიდი წყვილის ემბრიონი შეცვალა. მისივე თქმით, გენშეცვლილი ბავშვები უკვე დაიბადნენ, ტყუპი გოგონები.
მეცნიერის თქმით, მისი მიზანი არ ყოფილა მემკვიდრეობით მიღებული დაავადებების პრევენცია, ანდა განკურნება. ჯიანკუი ამბობს, რომ იმედი ჰქონდა, ბავშვებს ექნებათ ბუნებრივი უნარი, სამომავლოდ აივ-ინფექციას გაუმკლავდნენ.
მეცნიერის განცხადებით, ბავშვების მშობლებს ვინაობის გამხელა არ სურთ და ამიტომ მათი საცხოვრებლის შესახებ ინფორმაცია ჟურნალისტებს არ გაანდო.
გენის შეცვლის შესახებ ინფორმაცია სამეცნიერო ჟურნალში არ დაწერილა, ჯიანკუის მიღწევების შესახებ ჰონგ-კონგში გამართულ კონფერენციაზე გახდა ცნობილი, რომელიც გენის ცვლილებებს ეხებოდა.
„ძალიან დიდ პასუხისმგებლობას ვგრძნობ, რადგან ეს შემთხვევა არა მხოლოდ პირველია, არამედ - მაგალითიც არის მეცნიერებისთვის. საზოგადოება გადაწყვეტს, რა გაკეთდება მომავალში,“ - ამბობს AP-სთან ჯიანკუი.
მიუხედავად ჩინელი ექიმის მტკიცებისა, მსოფლიოს მეცნიერები გენშეცვლილი ბავშვების დაბადებას ეჭვქვეშ აყენებენ.
პენსილვანიის უნივერსიტეტის გენეტიკური ცვლილებების ექსპერტი, დოქტორი კირან მუსუნურუ ჩინელი მეცნიერის განცხადებას „არაკეთილსინდისიერს“ უწოდებს და ამბობს, რომ ადამიანებზე ჩატარებული ექსპერიმენტი მორალურად და ეთიკურად გაუმართლებელია. მას არაერთი მეცნიერი ეთანხმება, თუმცა ჰარვარდის უნივერსიტეტის პროფესორი ჯორჯ ჩერჩი ამბობს, რომ აივ-ინფექცია ძალიან მნიშვნელოვანი საფრთხეა საზოგადოებრივი ჯანდაცვისთვის და გენეტიკური ცვლილების ექსპერიმენტს „დასაშვებად“ მიიჩნევს.
წლის დასაწყისში ჩინელმა მეცნიერებმა განაცხადეს, რომ პირველი გენშეცვლილი თაგვები შექმნეს, მათ დიდ ხანს იცხოვრეს და გამრავლებაც კი შეძლეს.
მსოფლიოს ქვეყნების უმეტესობაში, მათ შორის - დიდ ბრიტანეთში ბავშვების გენის შეცვლა არალეგალურია.
მოდი, ასე შევხედოთ ამ საკითხს. ბევრი ბავშვი ავადდება და იღუპება. თუ მისი გენის შეცვლით , ბავშვის დაბადებამდე შეძლებენ --მოსალოდნელი ავადობის აცილებას--ეს ცუდი იქნება? ამბობენ, კოდი ჩადებულია დნკ-ში, იქ " წ ე რ ი ა" რა დაავადება შეეყრება, რა სისუსტე და რა გამძლეობა ექნება უჯრედს--ანუ ამ სხეულის სიცოცხლისუნარიანობის თავისებური პროგრამაა ეს გენი. ალბათ, სწორედ იქ მოახდინა ამ მეცნიერმა ცვლილება--გააძლიერა სუსტი გ ე ნ ი . ამოაცალა ცუდის მოხდენის შესაძლებლობა და მშობლებს გადასცა სრულიად ჯანმრთელი სიცოცხლისუნარიანი ბავშვი, ჩემი აზრით, ნაცვლად--დაავადების აუცილებლად შეყრისა--გენის მეხსიერებიდან ამოვარდა მომაკვდინებელი ავადობა. დ ი დ ე ბ უ ლ ი საქმეა! მახინჯები აღარ დაიბადებიან, ადამიანები ავადობით ადრეული სიკვდილისგან დაცულები იქნებიან. კაცობრიობას ერთი დიდი პრობლემა სამუდამოდ მ ო ე ხ ს ნ ე ბ ა, ყოჩაღ, თუ ეს მართლაც ასე იქნება!