მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჩვენ არჩევანის წინაშე ვართ: სამხედრო ვითარება ან კაპიტულაცია" - რას წერენ უკრაინელები რუსეთ-უკრაინას შორის დაძაბულობაზე
15:24 / 26-11-2018
უკრაინის ხელისუფლებამ რუსეთის მიერ უკრაინული გემებისთვის ცეცხლის გახსნისა და მათი დაკავების შემდეგ, სამხედრო კაბინეტის შეთავაზებაზე, უკრაინაში საომარი მდგომარეობის გამოცხადების შესახებ მხარი დაუჭირა.
პრეზიდენტი პეტრო პოროშენკო ამბობს, რომ საომარი მდგომარეობა არ ნიშნავს ომის გამოცხადებას, თუმცა ეს ნაბიჯი ქვეყნის თავდაცვისუნარიანობას გააძლიერებს.
უკრაინელი მოსახლეობის ერთი ნაწილის თქმით, მათ საერთაშორისო საზოგადოების იმედი აქვთ, რათა საომარი მოქმედებები უფრო მასშტაბური არ გახდეს, სხვები კი მიიჩნევენ, რომ ომი უკვე დაწყებულია, ახლა კი, ყველაფერს თავისი სახელი უნდა დაერქვას, ან კაპიტულაცია გამოაცხადონ.
უკრაინელი სამხედრო ჟურნალისტის სემიონ პეგოვის თქმით, უკრაინული მხარე იმ დაჭრილი სამხედროების გადმოცემას ითხოვს, რომლებიც უკრაინულ გემზე თავდასხმის შედეგად დაშავდნენ. მათ ჭრილობები ძირითადად ქვედა კიდურებში აქვთ მიყენებული და ამ დროისთვის ქერჩის საავადმყოფოში ФСБ-ს დაცვის ქვეშ იმყოფებიან. დაჭრილებიდან ერთი ოფიცერია, ორი კი სამხედრო სამსახურის კონტრაქტორი იყო.
უკრაინელები სოციალურ ქსელში წერენ, რომ ისინი ახლა არჩევანის წინაშე დგანან - კაპიტულაცია თუ ომი?! არადა, ომი უკვე დიდი ხანია რუსეთსა და უკრაინას შორის მიმდინარეობს, ახლა მხოლოდ მასშტაბების გაზრდაზეა საუბარი...
"ჩვენ ახლა არჩევანის წინაშე ვდგავართ - სამხედრო ვითარება თუ კაპიტულაცია... მე ვემხრობი საომარ მდგომარეობას, თუ ის ადამიანებიც იბრძოლებენ თავისუფლებისთვის, ვინც კაპიტულაციაზე ფიქრობდა..." - უკრაინელი მიმომხილველი დიმიტრი კორჩინსკი.
"ჩვენ თუ ამას შევეგუეთ, მერე აღარასდროს ვიკითხოთ, რატომ მოხდა უკრაინის ჰოლოდომორი და უკრაინელთა მასობრივი მკვლელობა... შეგვიძლია აქედანვე მოვიფიქროთ ზღაპრები კეთილ ბატონსა და მონებზე, რაც დანებების შემთხვევაში გველოდება. 4 წელია ომში ვართ, პირველად ვიგებთ ამას? ბარემ პირდაპირ სცენა დადგას პუტინმა მის მიერ რესპუბლიკებად აღიარებულ ქვეყნებში და მორჩა, თეატრს ისედაც ვუყურებთ..." - წერს უკრაინელი ინტერნეტმომხარებელი "იური გაგარინი".
"შეჩერდეს სატრასნპორტო ურთიერთთობა მოსკოვთან! დაიხუროს მისი საელჩოები და საკონსულოები უკრაინაში! დააპატიმრონ აქ მოქმედი კრემლის ოლიგარქები ნოვინსკი, მედვედჩუკი, მურაევი, ბოიკა, ვილკულა, ლევოჩკინა, ახმეტოვა, ავგუსტინა, რაბინოვიჩი და სხვები, რომლებივ მოსკოვის "ლეგალური აგენტები" არიან და შემდეგ ვილაპარაკოთ საომარ ვითარება. სხვა დანარჩენი ფარსია და სპექტაკლი!" - წერს კიდევ ერთი ინტერნეტმომხარებელი ალექსანდრ სემიონოვი.
"ჩემს შვილიშვილებსა და მათ შვილებს მინდა ვანახო, რას ნიშნავს რუსი ოფიცრის ღირსება, თუ მე ვერ ვნახავ, გთხოვთ თქვენ ანახოთ, რათა ყოველთვის ახსოვდეთ და არასდროს დაივიწყონ, ვინ არიან რუსები, ვინ ცხოვრობს მათ მეზობლად და ყოველთვის გაიაზრონ - რას ნიშნავს "დიდი რუსეთის სულიერება..." - წერს უკრაინელი ალექსანდრა სმილიანსკაია.
25 ნოემბრის საღამოს, ევროკავშირმა რუსეთს მოუწოდა, აღადგინოს ქერჩის სრუტეში "გავლის თავისუფლება". ნატო-ს წარმომადგენელმა, ოანა ლუნგესკუმ განაცხადა, რომ "ნატო ყურადღებით აკვირდება ვითარების განვითარებას აზოვის ზღვასა და ქერჩის სრუტეში და იმყოფება უკრაინის ხელისუფლებთან კავშირში", მხარეებს კი თავშეკავებისა და განმუხტვისკენ მოუწოდებს.
რუსეთის საგარეო საქმეთა სამინისტროს წარმომადგენელი, მარია ზახაროვა აცხადებს, რომ უკრაინის ხელისუფლება ქერჩის სრუტეში "განგსტერულად იქცევა" - ჯერ დაიწყეს პროვოკაციით, შემდეგ ზეწოლაზე გადავიდნენ და აგრესიით დაასრულეს..." - აცხადებს ზახაროვა.
რუსეთის უშიშროების ფედერალურმა სამსახურმა, რომელიც სასაზღვრო დაცვის სამსახურს მეთვალყურეობს, განაცხადა, რომ მისმა ძალებმა ცეცხლი გაუხსნეს უკრაინის ფლოტის გემებს, რათა შეეჩერებინათ მას მერე, რაც რუსეთის ტერიტორიულ წყლებში შევიდნენ.
უკრაინის საზღვაო ფლოტი აცხადებს, რომ გემებს შეუტიეს მაშინ, როცა ქერჩის სრუტის 12-მილიან ზონას ტოვებდნენ და შავ ზღვაში გადიოდნენ. უკრაინის პრეზიდენტის განცხადებით - "რუსეთის სპეციალურმა ძალებმა გემები დაიკავეს". პოროშენკომ გვიან ღამით სამხედრო კაბინეტის სხდომა გამართა და შემდგომი ნაბიჯები განსაზღვრა. "საერთაშორისო სამართლის დარღვევას, უკრაინა საერთაშორისო და დიპლომატიურ სამართლებრივ პასუხს გასცემს" - აცხადებს უკრაინის ხელისუფლება.
ფოტო: RT.com
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
