რუსთაველის გამზირზე სამართალდამცველთა განსაკუთრებული მობილიზებაა

თბილისში, რუსთაველის გამზირზე სამართალდამცველთა განსაკუთრებული მობილიზებაა. აღნიშნულის მიზეზია, პარლამენტის შენობის წინ და თავისუფლების მოედანზე მიმდინარე აქციები.

სამართალდამცველებს პარლამენტის შენობის მიმდებარე ტერიტორიაზე ცოცხალი კედელი აქვთ გაკეთებული, რათა აქციის მონაწილეებს შორის რამე ინციდენტს არ ჰქონდეს ადგილი. თუმცა, ტერიტორიაზე ამ დროისთვის სიმშვიდეა და რამე ექსცესი არ დაფიქსირებულა.

მიმდინარე აქციებიდან გამომდინარე ავტოტრანსპორტის მოძრაობა თავისუფლების მოედნიდან რუსთაველის გამზირის გავლით პირველი რესპუბლიკის მოედნამდე შეჩერებულია. ასევე შეზღუდულია მოძრაობა თავისუფლების მოედნისა და სოლოლაკის დამაკავშირებელ ცენტრალურ საავტომობილო მონაკვეთზე. ავტოტრანსპორტით გადაადგილება აკრძალულია ბარათაშვილიდან თავისუფლების მოედნის მიმართულებითაც. მოქალაქეებს გადაადგილება პარალელური ქუჩებით შეუძლიათ. მოძრაობას საპატრულო პოლიცია აკონტროლებს.