ქეთა თოფურია და გუფი დაშორდნენ - ვისთან უღალატა რეპერმა A'Studio-ს სოლისტს

ქეთა თოფურია და რეპერი გუფი დაშორდნენ, ახალ ამბავს რუსული მედია უკვე რამდენიმე დღეა, აქტიურად განიხილავს.

„იუთუბის“ არხთან Пушка ქეთამ დაადასტურა, რომ გუფისთან ურთიერთობა აღარ აქვს.

წყვილის დაშორების მიზეზი ღალატია - რეპერს 18 წლის ეკატერინბურგელ გოგონასთან, იანასთან ჰქონდა ურთიერთობა. გუფი ცდილობდა, რომანის შესახებ ქეთას არაფერი შეეტყო, თუმცა იანამ მოისურვა, მათი ურთიერთობა ყველასთვის ცნობილი გამხდარიყო და რეპერის დაშანტაჟება დაიწყო. გუფმა იანასთან ურთიერთობა გაწყვიტა, თუმცა ამბის შესახებ ყველამ შეიტყო.

რეპერმა განაცხადა, რომ სექსუალური კავშირისთვის გოგონას ფულს უხდიდა, იანამ კი, თავის მხრივ, აღნიშნა, რომ ქეთასთან ურთიერთობის შესახებ გუფი მასთან მუდმივად წუწუნებდა და მასთან დაშორებას გეგმავდა.

ქეთა თოფურიასა და გუფის რომანი წელიწადზე მეტ ხანს გაგრძელდა.