მნიშვნელოვანი ინფორმაცია
10
ივნისიდღის ზოგადი ასტროლოგიური პროგნოზი
სამშაბათი, მთვარის მეთხუთმეტე დღე დაიწყება 22:19-ზე, მთვარე მშვილდოსანშია – ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, შესაძლოა სამომავლოდ გამოგადგეთ. არ არის რეკომენდებული გამოიჩინოთ ამბიცია. გადაიტანოთ პასუხისმგებლობა სხვა ადამიანებზე. ჩაერთოთ ფინანსურ ოპერაციებში. მნიშვნელოვანი მოლაპარაკებების წარმოება. დღეს მოხმარებული პროდუქტები უნდა იყოს მაღალი ხარისხის და ახალი. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გვისმენენ და მღერიან ისინი, ვინც მაშინ პატარები იყვნენ, დღეს კი შვილებს ასმენინებენ..." - ჩვენი ბავშვობის საყვარელი მულტფილმი ბრუნდება
17:45 / 21-11-2018
"თოვლის გუნდა" ბევრი პატარისთვის საყვარელი მულტიპლიკაციური ფილმია, რომელიც კომპოზიტორ ალექსანდრე ბასილაიას უკვდავ სიმღერაზეა შექმნილი. მასზე არაერთი თაობა აღიზარდა, თუმცა ფილმი დღესდღეობით ცოტათი მოძველდა და თანამედროვე ბავშვებს მისი აღქმა უჭირთ, ამიტომ, გამომცემლობა "პალიტრა L"-მა მისი ახალი ვერსიის შექმნა გადაწყვიტა. ფილმი მზად არის და მისი ხილვა მსურველებს უკვე შეუძლიათ.
"თოვლის გუნდას" რეჟისორია ირაკლი საამაშვილი, სცენარი ლევან ლორთქიფანიძეს, გელა ბერიანიძეს და ვიქტორ წიკლაურს ეკუთვნით, რომლებმაც მულტიპლიკაციური ფილმის გრაფიკაზეც იმუშავეს.
ირაკლი საამიშვილი, "პალიტრა მედიას" გენერალური დირექტორის მოადგილე:
"6 თვის წინ გადავწყვიტეთ, გაგვეახლებინა "გუდას" მულტფილმი. ეს ჩვენთვის რთული გამოწვევა იყო, რადგანაც მსგავსი სახის პრაქტიკა არ გვქონდა. ამისთვის შესაბამისი სპეციალიტები დავიხმარეთ, კონსულტაციები გავიარეთ და რეკომენდაციები მივიღეთ იმაზე, რთულ ამოცანას როგორ გავმკლავებოდით. ჩვენი სცენარი მაქსიმალურად მიახლოებულია ძველთან, რომელიც ვეცადეთ, ახალი ელემენტებით გაგვემდიდრებინა. გავითვალიწინეთ, ახალ თაობას რა მოეწონებოდა და ასე ვიმოქმედეთ. ცხადია, გამოვიყენეთ თანამედროვე გრაფიკა.
მნიშვნელოვანია, ასევე ფილმის მუსიკალური გაფორმება - ალექსანდრე ბასილაიას ეს შესანიშნავი სიმღერაც ცოტათი გავათანამედროვეთ. მადლობა ნუგზარ კვაშალს (ამ სიმღერის შემსრულებელს) გვერდში დგომისთვის, თუმცა სიუჟეტისთვის ფასეულობა არ დაგვიკარგავს, შევუნარჩუნეთ. ძველი ფილმი არა, მაგრამ ეს ახალი უკვე სიამოვნებით ნახეს ჩემმა შვილებმა!"
ნუგზარ კვაშალი, სიმღერა "თოვლის გუნდას" ერთადერთი უცვლელი შემსრულებელია. ახალ ვერსიაშიც ის მღერის, ტელეწამყვან თამთა ასათიანთან ერთად:
"მულტფილმებზე მუშაობა ყველაზე სასიამოვნო რამ არის, რაც კი შეიძლება მსახიობისთვის, მუსიკოსისთვის ცხოვრებაში იყოს. მისი გახმოვანება და ჩაწერა ჩემთვის ძალიან სასიამოვნოა. მულტფილმებზე ბევრჯერ მიმუშავია და არაერთ პროფესიონალთან მომიხდა პარტნიორობა.
წლების წინ "გუდა-გუდაზე" მუშაობა იმით დაიწყო, რომ ბუთხუზ ბასილაიამ მაიძულა, მე მემღერა, წამიყვანა გახმოვანებაზე - შენ ხარ გუდა-გუდა და შენი ხმით იმღერეო. ჰოდა, მაშინ რომ დავიწყე ეს სიმღერა დღემდე არ გავჩერებულვარ, ყველგან ვმღერი. მაყურებელს, მსმენელს ძალიან უყვარს - ჩემთან ერთად მთელი დარბაზი მღერის ხოლმე. არადა, პირველი აჟღებიდან 35 წელი გავიდა. გვისმენენ და მღერიან ისინი, ვინც მაშინ პატარები იყვნენ, დღეს უკვე თავიანთ შვილებს ასმენინებენ, ვინც დედები იყვნენ - შვილიშვილებს, რაც სასიამოვნოა.
ეს ბასილაიას უკვდავი და საოცარი მელოდიის "ბრალია". უნიკალური მუსიკაა, ყოველ გაჟღერებაზე სხვადასხვანაირად მესმის. მოგვიანებით ის "პალიტრამედიამ" აიტაცა, ჯერ იყო სათამაშო თოვლის გუნდა გააცოცხლა და ძველი მულტფილმი მაყურებელს ასე გაახსენა. "პალიტრაში" ნიჭიერი ხალხი მუშაობს და ახლა მულტფილმიც გადაიღეს და ისევ მე მომიწია ამ სიმღერის შესრულება. შესანიშნავ გოგონასთან თამთა ასათიანთან ერთად ვიმღერე. სულ პირველად კი ის ლიკა ურუშაძემ შეასრულა. ასე რომ, ამ სიმღერისთვის ასაკს მნიშვნელობა არ აქვს - წლების წინაც ასევე ვმღეროდი, როგორც ახლა. ამიტომ, ადამიანები სულ იმღებენ "თოვლის გუნდას", ამისთვის მადლობა "პალიტრამედიას"!
თამთა ასათიანი, "პალიტრანიუსის" წამყვანი:
"გუდა-გუდა" ჩემი ბავშვობის საყვარელი მულტფილმია და არ მეგულება ბავშვი, რომელსაც ეს მულტფილმი არ მოსწონს და ემოციურად არ განაწყობს. ამ მულტფილმს რომ ვიხსენებ, როდესაც ვუყურებდი გუდას დნობისა და გაქრობის ეპიზოდს, საოცრად განვიცდიდი, ცრემლებსაც ვერ ვიკავებდი. ახლა როცა ამდენი წელი გავიდა და მითხრეს, განახლებულ ვერსიაში ეს ცნობილი სიმღერა უნდა იმღეროო, მნიშვნელოვანი და ამაღელვებელი იყო, ამავე დროს საპასუხისმგებლო. დიდი სიამოვნებით დავთანხმდი, - თუკი შევძლებდი და გამომივიდოდა, ეს ჩემთვის სასიამოვნო იქნებოდა.
ბატონმა ნუგზარ კვაშალმა ამიხსნა შესრულებისას რა ემოცია უნდა დამეჭირა, რაზე უნდა გამემახვილებინა ყურადღება, ბევრი რჩევა მომცა, რაც მუშაობის პროცესში ძალიან დამეხმარა. მგონი, ჩვენი დუეტი შედგა და კარგი გამოვიდა. ამ ყველაფერს კი წლების წინ ვერასდროს წარმოვიდგენდი. თუმცა ბატონ ნუგზართან მანამდეც მქონია შეხება, "პალიტრანიუსისთვის" ერთხელ ინტერვიუ ჩავწერე, გადაცემაშიც გვყავდა სტუმრად, თუმცა ხმის ჩამწერ სტუდიაში მუშაობისას სხვა კუთხით დავინახე. მადლობა ბატონ მასს გვერდში დგომისთვის, რეკომენდაციებისთვის.
ასე რომ, ძალიან დიდი სიამოვნება ელოდებათ პატარებს და არა მარტო მათ - ჩვენს თაობას, ჩვენს წინა თაობასაც და უმცროსებსაც, ყველას უყვარს ეს მულტფილმი, რომელიც დღეს ისეთი ხარისხის აღარ იყო, რომ ინტერნეტში ბავშვებს ენახათ, თან, იმ ტექნიკით გადაღებული მათთვის რთული აღსაქმელია. ამიტომ სასიამოვნოა, განახლებული "გუდა-გუდას" მულტფილმის შექმნა. დარწმუნებული ვარ, ახალი თაობისთვისაც ისეთივე საყვარელი ზღაპრის გმირი გახდება, როგორც ჩვენთვის იყო..."
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
