უახლესი ინფორმაცია 14 წლის გაუჩინარებული ბავშვის სამძებრო ღონისძიებებზე - შს მინისტრის მოადგილის კომენტარი გორიდან
შს მინისტრის მოადგილის კახა საბანაძის ინფორმაციით, გორში, 8 წლის ნანა ბერიაშვილის მკვლელობაში ბრალდებულმა იაგო ნებიერიძემ სამართალდამცველებს 14 წლის წინ დაკარგული 11 წლის ზაქრო ბერძნიშვილთან დაკავშირებით დამატებითი ჩვენება მისცა.
„2004 წლის საქმესთან დაკავშირებით გამოიკითხა ბრალდებული იაგო ნებიერიძე. მან მოგვცა დამატებითი ჩვენება. ჩვენების ფარგლებში ჩატარდა საგამოძიებო ექსპერიმენტი, დათვალიერებული იქნა მითითებული ადგილი, აღებული იქნა დოკუმენტური მასალა და ამჟამად მიმდინარეობს აღნიშნული მასალის შესწავლა“, - განუცხადა ჟურნალისტებს კახა საბანაძემ.
შეგახსენებთ, გორის ცენტრში სამძებრო ღონისძიებები რამდენიმე დღის განმავლობაში მიმდინარეობდა.
11 წლის ზაქრო ბერძნიშვილი გორში, 2004 წლის 1-ელ ნოემბერს გაუჩინარდა. ოჯახს უცნობმა პირებმა გამოსასყიდი მოსთხოვეს. გაუჩინარებული ზაქრო ბერძნიშვილის საქმეში ფულის გამოძალვის ბრალდებით იაგო ნებიერიძე იხდიდა სასჯელს.
ლერი სულაბერიძის განზრახ მკვლელობის მცდელობის ფაქტზე ირაკლი ღლონტს ბრალი წარედგინა
"თვალთვალი, არაადეკვატური სატელეფონო ზარები..." - რა ინფორმაცია მიაწოდეს ომბუდსმენს ბაჩალიაშვილის ოჯახის ადვოკატმა და "ემპათიის" დირექტორმა
