2
ივნისიდღის ზოგადი ასტროლოგიური პროგნოზი
წინასაარჩევნო პერიოდში მოსახლეობის უმეტესობა აქტიურად ეცნობა მიმდინარე პოლიტიკურ პროცესებს, პოლიტიკოსების განცხადებებს და დაპირებებს. თემის მიმართ ინტერესი მაღალია, თუმცა ბევრი ჩვენგანისთვის პოლიტიკური პარტიების ბრძოლა ამომრჩევლების ხმებისთვის ძალიან დამღლელია.
შესაძლოა, რთულად წარმოსადგენი იყოს, მაგრამ არსებობს ქვეყნები, სადაც არ არის პოლიტიკური პარტიები, ასეთ ქვეყნებს შორისაა პალაუ, კუნძულოვანი სახელმწიფო წყნარ ოკეანეში, რომელიც აშშ-სთან არის ასოცირებული.
ნახეთ ვიდეო :ქვეყანა, სადაც პოლიტიკური პარტიების ფორმირება კანონით არის აკრძალული
პალაუ დემოკრატიული რესპუბლიკაა, რომელსაც პრეზიდენტი მართავს - ის არის სახელმწიფოს მეთაურიც და მთავრობის ხელმძღვანელიც. ქვეყანაში პოლიტიკური პარტიების ფორმირება კანონით არის აკრძალული. აღმასრულებელი ხელისუფლება - მთავრობაა, საკანონმდებლო ძალაუფლება კი აქვს როგორც მთავრობას, ასევე - ეროვნულ კონგრესს.
საპრეზიდენტო არჩევნები პალაუში ყოველ 4 წელიწადში იმართება. ამჟამად ქვეყნის მეთაურია ტომას რემენგსაუ ჯუნიორი.
2016 წლის მონაცემებით, ქვეყანაში 21 503 ადამიანი ცხოვრობს, მათი უმეტესობა (45.3%) კათოლიკეა.
კუნძულოვან სახელმწიფოს ულამაზესი პლაჟები აქვს, წყალქვეშა ცურვის მოყვარულებისთვის კი პალაუ ნამდვილი სამოთხეა. მთავარი ღირსშესანიშნაობა კი მედუზების ტბებია, პალაუში ასეთი სულ 4 ტბაა, თუმცა ცურვა მხოლოდ ერთ მათგანშია შესაძლებელი.
იმის მიუხედავად, რომ კრიმინალის მაჩვენებელი ქვეყანაში ძალიან დაბალია, კორორის შტატში, სადაც ძირითადი ტურისტული ღირსშესანიშნაობები მდებარეობს, კვირის დღეებში ღამის 2.30-დან დილის 5 საათამდე კომენდანტის საათი მოქმედებს.
პალაუს ეკონომიკის საფუძველი ტურიზმია. ადგილობრივებს თავი, ასევე, თევზჭერით გააქვთ. სოფლის მეურნეობის ძირითადი პროდუქტი კი ქოქოსის პალმა და ტაპიოკაა.
