ბოდიბილდერი, ფინანსური მენეჯერი და ყოფილი "მისტერ საქართველო" - გაიცანით გიორგი ორბელაძე "ცეკვავენ ვარსკვლავებიდან"

"სპორტი და ვარჯიში ჩემი ცხოვრეის წესია. ჯერ კიდევ ძალიან პატარა ასაკიდან სხვადახვა სახეობაში წრამატებლად გამოვდიოდი", - გვეუბნება ბოდიბილდერი გიორგი ორბელაძე, რომელმაც ცოტა ხნის წინ საერთაშორისო შერჯიბრებაზე ათლეტიზმში წარმატებას მიაღწია, ვერცხლის მედლის მფლობელი გახდა. ის ამჟამად მეგაპროექტში "ცეკვავენ ვარსკვლავები" მონაწილეობს. სანამ ბოდიბილდერი გახდებოდა, ბანკში მუშაობდა, შემდეგ სხვადსხვა კომპანიაში, იყო ფინანსური მენეჯერი.

"იმ პერიოდში სამსახურის მერე ყოველთვის ვცდილობდი, ერთი-ორი საათი საკუთარი თავისთვის დამეთმო, მერე შევატყე, რომ ჩემი მონაცემბი, საშუალებას მაძლევდა, სპორტული მიმართულებით მეტად გამევითარებინა. გაამართლა - 2016-2017 წლებში საქართველოს ჩემპიონი გავხდი", - გვეუბნება გიორგი.

- დღეს ბოდიბილდერი ხარ, ბევრისთვის ასეთი სხეულის ფორმები მიუღებელია, ოჯახში, ან საყვარელი ადამიანისგან წინააღმდეგობა ხომ არ შეგხვედრია?

- არსებობს ბოდიბილდინგის სხვადასვხა კატეგორიები. ჩვენს კატეგორიაში მნიშვნელოვანია სხეულის ფორმები, პროპორციები და არა დიდი კუნთური მასა, რაც ესთეტიკურ სიამოვნებას არ იწვევს. ჩვენ შემთხვევაში მსაჯები აქცენტს კუნთურ მასაზე არ აკეთებენ. ჩვენ შემთხვევაში აქტუალურია სხეულის სილამაზე. მე არანაირი წინააღმდეგობა არ შემხვედრია. თუ რატომ მაქვს ლამაზი სხეული, ამაში ჩემ გარშემო ვერავინ ვერაფერს საგანგაშოს ვერ ხედავდა და ხედავს.

- ანუ შენი სხეული ლამაზად აღიქმება?

- კი, რამდენად ესთეტური და პროპორციულია ის, ასე ფასდება... ვარჯიში ჩემთვის განტვირთვის კარგი საშუალებაა, ჯანსაღი ცხოვრების წესია. ფიტნესი სპორტის სახეობაა და კონკრეტულად რომელიმე კატეგორიის ადამიანებისთვის არ არის შექმნილი. მისით ნებისმიერს, განურჩევლად ასაკისა და სქესისა შეუძლია დაკავდეს. უპირველესად ჯანსაღი ცხოვრების წესია და ჯანმრთელობისთვის აუცილებელი რამ. თან, ამ საქმეში იმისთვის ჩავერთე, რომ ეს სფერო პოპულარული გამეხადა... მოკლედ, უკვე წლებია, ვმუშაობ, მაქვს ჩემი "ფეიჯი", სადაც ამ ყველაფერს პროპაგანდას ვუწევ. მინდა, რომ ადამიანებმა ივარჯიშონ.

- კმაყოფილი ხარ საკუთარი სხეულის პროპორციებით?

- ამ ვარჯიშის გარდა საჭიროა, დიდი რესურსი როგორც მატერიალური, ისე ფინანსური, თუნდაც იმისთვის, რომ სწორად იკვებო, რაც ძვირი ჯდება. ჩვენ ვიკვვებით ჯანსაღი საკვებით იმისთვის, რომ კარგი სხეული გვქონდეს. რაციონი მოიცავს ჯანსაღ ცილებს, ცხიმებს, ზღვის პროდუქტებს, რაციონშია ასევე საკვები დანამატები, რომელსაც სპორტსმენები შედეგების გასაუმჯობესებლად იყენებენ, რაც ძვირი სიამოვნებაა. იმ პირობების გათვალისწინებით, რა პირობებშიც ჩვენ ვართ ზოგადად, ამ ყველაფრის ზუსტად დაცვის საშუალება არ გვაქვს, მაგრამ მაინც კარგ შედეგებს ვაღწევთ. სხეულის ყველა ნაწილი ჰარმონიაშია.

- 2010 წელს "მისტერ საქართველო" ყოფილხარ...

- მაშინ პირველკურსელი და 18 წლის ვიყავი. რომელსაც ჯერ არ მქონდა გადაწყვეტილი, რამ მიმართულებით წავიდოდი. ერთ-ერთი სამოდელო კარიერა იყო, გარეგნობა ხელს მიწყობდა. ის კონკურსიც მაშინ პირველად ჩატარდა. გავიმარჯვე და საქართველო სამხერთ კორეაში წარმოვადგინე. თუმცა მერე მივხვდი, რომ სამოდელო საქმიანობა არ იყო ის, რაც სამომავლოდ უნდა მეკეთებინა, თან, ამ სფეროში თავს კომფორტულად არ ვიგრძნობდი, არც ის მეგნა, თუ წარმატებას მივაღწევდი და ამიტომ, უნივერსიტეტში გავარგრძელე სწავლა.

- ახლა პროექტში "ცეკვავენ ვარსკვლავების" მონაწილეობ. კმაყოფილი ხარ, რომ კონკურსანტობას დათანხმდი?

- სასიამოვნო იყო ნამდვილად შემოთავაზება, თუმცა ადვილად არ დავთანხმებულვარ. უბრალოდ, შეჯიბრება რომ მელოდა, ამის გამო ვყოყმანობდი. რადგანაც საპასუხისმგებლო ასპარეზობა იყო. თან, ამ სახეობაში მომზადება, სხვა სახეობებისგან განსხვავბით, რთულია, ძალიან დატვირთული ფიზიკური ვარჯიში გვიწევს, საშინელი დიეტის დაცვა, რაც ორგანიზმსთვის არ არის ადვილი. ასევე ვარ ფიტნეს კლუბის მენეჯერი და ძალიან დაკავებული. მოკლლედ, მიუხედავად ამისა, დამარწმუნეს, რომ გავუძლებდი, თან, დედას უნდოდა მეცეკვა... მიხარია, რომ გავუძელი, დარწმუნებული ვარ, რომ კიდევ მეტს შევძლებ. ცხოვრებაში არასდროს მიცეკვია, თან, ცოტა კომპლექსიც მქონდა, მეგონა, არ გამომივიდოდა. თუმცა ცეკვებმა დამანახა, რომ შემიძლია, ნებისმიერ სიტუაციაში მოვნახო გამოსავალი. თურმე მომთმენი და ამტანი ვყოფილვარ. იმიტომ, რომ ბოლო 2 თვის განმავლობაში, განსაკუთრებით ფსიქოლოგიურ და ფიზიკურ სტრესს გავუძელი. ვატყობ, ეს გამოცდილება მერეც დამეხმარება, ჩემი ღირებულებები და კარიერა სამომავლოდ უკეთ რომ დავგეგმო.