"ახალი სტრატეგია" - როგორ განმარტავს "ქართული ოცნება" ბანერებზე პარტიის ლიდერების გამოჩენას

პარტია „ქართული ოცნება“ პრეზიდენტობის კანდიდატის, სალომე ზურაბიშვილის მხარდასაჭერად მათი ლიდერების საარჩევნო ბილბორდების გამოჩენას, არჩევნების მეორე ტურში პარტიის ახალი სტრატეგიით ხსნის.

„ქალაქის ქუჩებში პარტიის თავმჯდომარის, ბიძინა ივანიშვილის და "ქართული ოცნების" სხვა პოლიტიკური ლიდერების ბანერების განთავსება ახალი სტრატეგიის შემადგენელი ნაწილია.

მეორე ტურის კამპანიის ფარგლებში განახლდა პრეზიდენტობის დამოუკიდებელი კანდიდატის, სალომე ზურაბიშვილის საარჩევნო ბილბორდებიც და სლოგანიც,“ - აცხადებენ მმართველ პარტიაში.

პრეზიდენტობის კანდიდატ სალომე ზურაბიშვილის მხარდასაჭერად თბილისსა და რეგიონებში პარტია „ქართული ოცნების“ ლიდერების ბილბორდები გამოჩნდა, რასაც საზოგადოებაში და სოციალურ ქსელებში არაერთგვაროვანი რეაქცია მოყვა.