როგორ უვლიან სხეულს ცნობილი მოცეკვავეები - "თუ გახდომა უნდათ, ამ წესების დაცვაზე უარის თქმა არ შეიძლება!"

წონის რეგულირება ბევრი ადამიანისთვის სერიოზული პრობლემაა და ამიტომაც მის შესანარჩუნებლად არაერთი წელი მტანჯველი დიეტების დაცვაში გადის.

ზოგი, ამ პრობლემისგან გასათავისუფლბლად, თანამედროვე მედიცინის მიღწევას, კუჭის რეზექციას ირჩევს, თუმცა ჩვენს რესპონდენტებს არც მკაცრი დიეტა და არც კუჭის ე.წ. დაპატარავება არ სჭირდებათ, რადგანაც მძიმე წონის აკრეფისა და დაგროვებისკენ არ არიან მიდრეკილნი. თუმცა რომც იყვნენ, ამის საშუალებას დღესდღეობით მათი პროფესია არ აძლევთ.

ისინი "ცეკვავენ ვარსკვლავებში" მონაწილეობენ და პარტნიორობას ცნობილ კონკურსანტებს უწევენ.

ჯულიანა ბარგნარი (ამიკო ჩოხარაძის მეწყვილე):

- წონის პრობლემა გენეტიკურად არ მაქვს, რაც ძალიან მეხმარება იმაში, რომ წონაში ადვილად არ ვიმატებ, მაგრამ ამის პარალელურად მაინც ვცდილობ, სწორად ვიკვებო. ამასთან, რა თქმა უნდა, ყოველდღიური ვარჯიშები გვაქვს. მოკლედ, ვარჯიში და სწორი კვება შედეგს გვაძლევს. დღეში 7 საათი გაუჩერებლად ვმოძრაობ. ასეთ დროს რაც უნდა ჭამო, ძალიანაც რომ გინდოდეს, ალბათ ვერ მოიმატებ.

ცომეულს ნაკლებად მივირთმევ, თუმცა სიტკბოს გარეშე ვერ ვძლებ, შოკოლადი მჭირდება, თუნდაც კარგი ხასიათისთვის. ვცდილობ, ბევრი ხილი, წყალი მივიღო. ჩემს დაბალანსებულ კვებაზე ჩემი დედიკო ზრუნავს, - სახლიდან რომ გამოვდივარ, თან საკვებით სავსე ბევრი კონტეინერი მომაქვს. დღეში აუცილებლად წვნიანი უნდა მივირთვა, რაც სასარგებლოა", - გვეუბნება ჯულიანა, რომლის იდეალური წონა 46 კილოგრამია.

მიაჩნია, რომ როცა ადამიანი დილით ადრე დგება, დარბის, წონის დასარეგულირებლად ესეც საუკეთესო საშუალებაა. "დილით ბუნებაში რომ გავდივარ, მერე მთელი დღე ენერგიით ვარ სავსე, რაც ყველაფერში მეხმარება. სავარჯიშოდ და სამუშაოდ მეტი სტიმული მაქვს", - ამბობს ჯულიანა და სხვებსაც ურჩევს სწორი რეჟიმით იცხოვრონ, რადგანაც მხოლოდ ვარჯიშით რთულია, კარგ შედეგს მიაღწიონ.

ამიტომ სასურველ შედეგს ყველაფერი კომპლექსში გვაძლევს. მიაჩნია, რომ წონის დარეგულირებაში მთავარი მაინც ნებისყოფაა და სიზარმაცეც მაქსიმალურად უნდა დაიძლიოს. "როდესაც მეუბნებიან, დიეტას ვიცავ და კარგი შედეგი არ მაქვს, მაშინვე ვეკითხები, - ფიზიკურად რამდენად ხარ დატვირთული? თუ არ ვარჯიშობს, ე.ი. ბოლომდე არ ცდილობს, წონაში დაკლებას. სწორ კვბას აუცილებად უნდა შეუხამონ ფიზიკური აქტივობა.

ეს ყველაფრეი წვავს კალორიებს და გარეგნულადაც სხვანაირი ხდები, სიცოცხლით სავსე. უბრალოდ, პირველი ნაბიჯებია რთული, რაც უნდა დაიძლიოს, ზრდასრულ ადამიანს ამის გადალახვა უნდა შეეძლოს! თუ გახდომა უნდათ, ამაზე უარის თქმა არ შეიძლება", - დასძენს ჯულიანა.

ირა კვიტინსკაია (გიორგი ორბელაძის მეწყვილე):

"ყველა მოცეკვავე ცდილობს, წონაც შეინარჩუნოს და ფორმაშიც იყოს. რომ გითხრათ, ამას დიდად ვცდილობ-მეთქი, - ასე არ არის. სულ დიეტასაც არ ვიცავ. უბრალოდ, მინდა, რომ ყოველთვის სწორად ვიკვებო.

ცომეული და ტკბილეული მიყვარს და ცოტ-ცოტას მაინც ვეპარები, მაგრამ მთავარია, ზომიერად მივიღო. თუ საჭმელი ბევრი მომივიდა, მერე ერთი საათის განმავლობაში გაუჩერებლად ვვარჯიშობ, რომ ისევ ფორმაში ჩავდგე. სამ-ოთხ კილოს თუ ვიმატებ, ეს ცეკვაში ძალიან მიშლის ხელს", - გვეუბნება ირა, რომელიც სხვებსაც ურჩევს ბევრი ივარჯიშონ, რადგანაც ვარჯიში ზოგადად ჯანმრთელობისთვისაა კარგი. სპორტული აქტივობის დროს თავს კარგად ვგრძნობ, მინდა, რომ ეს ყველამ განიცადოს, იგრძნოს, ისიამოვნონ და თავი დიეტებით არ დაიტანჯონ.

კატერინა კლიშინა უკრაინელი მოცეკვავეა, ერთი თვის წინ ხარკოვიდან ჩამოვიდა, რომელიც პარტნიორობას რატი დურგლიშვილს უწევს:

- ამ სფეროში ჩემი ხსნა ცეკვებია, აქტიური ცხოვრების სტილი მაქვს, ყოველ დღე დიდ ენერგიას ვხარჯავ, მაგრამ კვებაც რომ მნიშვნელოვანია, ეს ფაქტია, რისთვისაც ვცდილობ, ბევრი ბოსტნეული, ხილი, თევზი მივიღო. არ ვჭამ შემწვარს, მსიამოვნებს ორთქლზე მომზადბულს კერძები. დამიჯერეთ, ეს რეალური ხსნაა. ასე მომზადებული ბროკოლი, ყვავილოვანი კომბოსტო, ყაბაყი სასარგებლო და გემრიელია. ვსვამ ასევე ბევრ წყალს, ფეხით დავდივარ. ძალიან მიყვარს პარკში და ქალაქში სეირნობა.

კატერინას მიაჩნია, რომ ადამიანმა საკუთარ სხეულს ყური უნდა დაუგდოს. მისი მუდმივი წონა 57 კილოგრამია და თავს კომფორტულად გრძნობს. მოცეკვავს თქმით, ქალბატონებმა ხვადსხვა დიეტით კი არ უნდა გაიწვალონ თავი, ყველაფრი ზომიერად უნდა მიიღონ. საკუთარ სხეულს ყველა უნდა გრძნობდეს. თუ ვინმე ვერ გრძნობს თავს შესაბამისად, ე.ი. რაღაც ისე არ მიდის.

კატერინა მავნე ტკბილეულს გაურბის - "ვიღებ ბევრ თაფლს, მშრალ ხილს, შავ შოკოლადს, ანუ ის, რაც სასარგებლოა. ნუ ფიქრობთ, რომ სასარგებლო საკვები უგემურია. ბოსტნეული, ხილი, მშრალი ხილი, თევზი, ნაკლებ ცხიმიანი ხორცი გიყვარდეს, ამაში რა არის ცუდი. მთავარი მიანც ის არის, საკუთარი თავი გიყვარდეს და მერე უკვე ყველაფერს შეძლებ. ჰარმონია ჩვენს თვაში უნდა ვიპოვოთ. ხარ ის, რასაც და როგორც ჭამ. ვეცადოთ, მხოლოდ ხარისხიანი პროდუქტები მივიღოთ. საქართველოში ხომ გემრიელია ყველაფერი? ამიტომ, აქ კარგად იკვებო და ასევე გამოიყურებოდე, არ არის რთული.