70 ათას ლარზე მეტი 1 წელიწადში - რა ქონებას ფლობს ნოდარ ხადური

კონკურენციის სააგენტო თავმჯდომარის პოსტზე ნოდარ ხადურის შემოსავალმა 2017 წლის განმავლობაში 70 800 ლარი შეადგინა. ეს ინფორმაცია მის მიერ, მიმდინარე წლის 9 ნოემბერს შევსებულ ქონებრივ დეკლარაციაშია აღნიშნული.

დეკლარაციის მიხედვით, ხადური ფლობს, 110 კვადრატული მეტრი ფართობის საცხოვრებელ სახლს თბილისში. მის საკუთრებაშია ასევე მსუბუქი ავტომობილი Nissan Tiida.

რაც შეეხება მის ფინანსურ მდგომარეობას, დეკლარაციის შევსების მომენტში 3 556. 53 ლარი; 1 351.26 დოლარი; ნაღდი ფულადი თანხის სახით კი 13 000 ლარი და 5 000 დოლარი ჰქონდა.

ამასთან, გარდა კონკურენციის სააგენტოს თავმჯდომარეობისა, ხადურის შემოსავალმა წინა წელს ივანე ჯავახიშვილის სახელობის თბილისის სახელმწიფო უნივერსიტეტში პროფესორობისას 24 658,72 ლარი; გრიგოლ რობაქიძის სახელობის უნივერსიტეტში კი 2017 წლის 1-ლი აპრილიდან 31 ივლისის განმავლობაში მიწვეულ პროფესორად ყოფნის პერიოდში 2 500 ლარი შეადგინა. წაიკითხეთ სრულად