"ვინც დასასჯელია, აუცილებლად მოეკითხება" - რა ელის საქართველოს მისი ასტროლოგიური რუკის ანალიზის მიხედვით

რა გამოწვევების წინაშე დგას საქართველო? ასტროლოგიური მოცემულობიდან გამომდინარე, ქვეყნის სამომავლო ბედის შესახებ ანალიზს ასტროლოგი ხათუნა ნოელი გვიზიარებს:

"6 ნოემბერს კარმული კვანძების ღერძმა ლომი/მერწყულის ნიშნებიდან კირჩხიბი/თხის რქის ზოდიაქოებში გადაინაცვლა. მათი აქ სვლა 2020 წლის 5 მაისამდე გაგრძელდება და მთელი კაცობრიობის წინაშე დააყენებს მისიად - პატრიოტიზმს, ეროვნულობას, ნაციონალურ იდეას; როგორც ამ იდეის ძირითად საყრდენს - ოჯახურ ტრადიციებს, წინაპართა ხსოვნას, ფესვებს. მთელი წელიწადნახევრის მანძილზე დღის წესრიგში ეს და ამასთან დაკავშირებული საკითხები იდგება! რასაკვირველია, ჩვენი ქვეყანა მსოფლიოს ორგანული ნაწილია და ყოველივე ეს ჩვენც ისევე გვეხება, როგორც სხვა დანარჩენ დიდ თუ პატარა ქვეყნებს. უფრო მეტიც - მინდა გითხრათ, რომ ჩვენთვის შესაძლოა უფრო დიდი დატვირთვაც კი ჰქონდეს, ვიდრე სხვებისთვის. და არა იმიტომ, რომ სხვებზე უფრო მეტად ეროვნულები და პატრიოტები ვართ...

საქმე ისაა, რომ საქართველოს სახელმწიფოს ასტროლოგიურ ჰოროსკოპში (09/04/91) კარმული კვანძები ამჟამინდელი განლაგების თითქმის ანალოგიურია. სულ ერთი მცირე განსხვავებით - დღეს აღმავალი კირჩხიბშია, საქართველოს რუკის მიხედვით კი, ჩვენ იქ დაღმავალი გვყავს. ანუ უკუფაზაში ვხვდებით. ესეთ დროს კი კარმა აქტიურდება და თუ შეუსრულებლობას ქონდა განვლილი წლების მანძილზე ადგილი, პასუხს გვთხოვს. თუ სწორად ვვითარდებოდით - გვაჯილდოვებს.

რა მოგვეთხოვებოდა? - იკითხავთ ალბათ თქვენ. სწორი სტრუქტურული განვითარება. გვქონდა ეს? მგონი რომ - არა. სწორედ ამიტომ ვფიქრობ, რომ ვინც დასასჯელია ამისათვის, მათ აუცილებლად მოეკითხებათ! მოეკითხებათ, რომ არ ეყრდნობოდნენ ეროვნულ ფასეულობებს, არ აფასებდნენ ტრადიციებს და არასწორ მიმართულებას გვთავაზობდნენ სახელმწიფოებრივი განვითარების საქმეში.

კვანძების ზუსტი შეერთება გაზაფხულზე გვექნება. ვნახოთ, რას მოიტანს ეს მდებარეობა, ვფიქრობ, წინ არცთუ იოლი, მაგრამ ძალზე საინტერესო პერიოდი გველის".